ԵԱՀԿ Մինսկի խումբը ցավում է, որ Միրզոյանն ու Բայրամովը չեն հանդիպել

© Photo : official site of MFA of RAԻգոր խովաևն ու Արարատ Միրզոյանը, արխիվային լուսանկար
Իգոր խովաևն ու Արարատ Միրզոյանը, արխիվային լուսանկար - Sputnik Արմենիա, 1920, 04.12.2021
Իգոր խովաևն ու Արարատ Միրզոյանը, արխիվային լուսանկար
Բաժանորդագրվեք
Համանախագահները ափսոսանք են հայտնում, որ Ստոկհոլմում հնարավոր չի եղել իրենց հովանու ներքո անցկացնել Հայաստանի և Ադրբեջանի արտգործնախարարների համատեղ հանդիպումը։
ԵՐԵՎԱՆ, 4 դեկտեմբերի – Sputnik. ԵԱՀԿ Մինսկի խմբի համանախագահներ Էնդրյու Շոֆերը (ԱՄՆ), Իգոր Խովաևը (Ռուսաստան) և Բրիս Ռոքֆեյլը (Ֆրանսիա) հայտարարություն են տարածել Հայաստանի և Ադրբեջանի արտգործնախարարների հետ առանձին հանդիպումներից հետո։ Հանդիպումներին մասնակցել է ԵԱՀԿ գործող նախագահի անձնական ներկայացուցիչ Անջեյ Կասպրշիկը։

Համանախագահները ցավում են, որ Ստոկհոլմում հնարավոր չի եղել իրենց հովանու ներքո անցկացնել Հայաստանի և Ադրբեջանի արտգործնախարարների համատեղ հանդիպում։ Նրանք պատրաստ են նման հանդիպում անցկացնել՝ շարունակելով սեպտեմբերին Նյու Յորքում և նոյեմբերին Փարիզում սկսված քննարկումները։

Նշենք, որ դեկտեմբերի 1-ին ԵՄ արտաքին քաղաքական գերատեսչության ներկայացուցիչ Լյուկ Պիեր Դևինը հայտնել էր, որ դեկտեմբերի 2-ին Շվեդիայի մայրաքաղաք Ստոկհոլմում տեղի կունենա Հայաստանի և Ադրբեջանի արտգործնախարարներ Արարատ Միրզոյանի և Ջեյհուն Բայրամովի հանդիպումը։ Նա նշել էր, որ հանդիպումը տեղի կունենա ԵԱՀԿ նախարարական համաժողովի շրջանակում:
Այսօր արդեն ՀՀ ԱԳՆ մամուլի քարտուղար Վահան Հունանյանը հայտնեց, որ նման հանդիպում տեղի չի ունեցել։
Երեկ հայտնի դարձավ, որ դեկտեմբերի 1-ին Արարատ Միրզոյանը հանդիպել է ԵԱՀԿ Մինսկի խմբի համանախագահների հետ և վերահաստատել ԵԱՀԿ Մինսկի խմբի համանախագահության շրջանակում արցախյան խնդրի կարգավորման վերաբերյալ ՀՀ դիրքորոշումը։
Նշենք, որ Արարատ Միրզոյանը Շվեդիա էր մեկնել` մասնակցելու ԵԱՀԿ նախարարական 28-րդ համաժողովին։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала