Ծովագյուղում և Սեմյոնովկայում չեն մասնակցել ՏԻՄ ընտրություններին. դեմ են խոշորացմանը

© Sputnik / Janna PoghosyanСело Цовагюх, Гегаркуникская область
Село Цовагюх, Гегаркуникская область - Sputnik Արմենիա, 1920, 05.12.2021
Բաժանորդագրվեք
Yandex newsTelegram
Գեղարքունիքի երկու գյուղերի բնակիչներից չեն մասնակցել ընտրություններին` այդպես իրենց բողոքը հայտնելով համայնքների խոշորացման գործընթացի առնչությամբ։
ԵՐԵՎԱՆ, 5 դեկտեմբերի – Sputnik. Գեղարքունիքի մարզի Ծովագյուղ և Սեմյոնովկա գյուղերում այսօր բնակիչներից որևէ մեկը չի մասնակցել տեղական ինքնակառավարման մարմինների ընտրություններին։
Ծովագյուղի համայնքապետի ժամանակավոր պաշտոնակատար Վահրամ Գևորգյանը Sputnik Արմենիայի հետ զրույցում նշեց, որ նման կերպ ուզում են իրենց անհամաձայնությունը հայտնել համայնքների խոշորացման գործընթացին։
Ունենք փայլուն փոխհարաբերություններ Նիկոլ Փաշինյանի հետ. Դիանա Գասպարյան
«Սա մարդկանց խոսքն է։ Մենք ի սկզբանե ասում էինք, որ սխալ է խոշորացումը, և այս ձևաչափով խոշորացմանը դեմ ենք։ Մեր համայնքը չի զարգանա ուրիշ համայնքի կազմում»,–ասաց Գևորգյանը։
Սեմյոնովկայի համայնքապետի ժամանակավոր պաշտոնակատար Դավիթ Մնացականյանն էլ իր հերթին հայտնեց, որ նույն դրդապատճառով էլ իրենց համայնքի բնակիչները չեն մասնակցել ընտրություններին։
Ընտրատեղամասում - Sputnik Արմենիա, 1920, 05.12.2021
Քաղաքացիների 33.8%-ը մասնակցել է ՏԻՄ ընտրություններին. թումանյանցիները չեն զիջում դիրքերը
«Մենք դեմ ենք համայնքների խոշորացմանը և ասել էինm` եթե միացում, ապա գոնե Ծովագյուղի հետ։ Միայն այդպես նորմալ կլիներ մեր համայնքի համար, բայց եղավ այն, ինչ եղավ։ Հիմա բնակչներն իրենց բողոքն այսպես են հայտնում»,–ասաց Մնացականյանը։
Կենտրոնական ընտրական հանձնաժողովի պաշտոնական կայքից տեղեկանում ենք, որ Ծովագյուղում ընտրելու իրավունք ունի 2927 քաղաքացի, իսկ Սեմյոնովկայում՝ 195։ Հավելենք, որ խոշորացման գործընթացի շրջանակում Ծովագյուղ և Սեմյոնովկա գյուղերը պետք է ընդգրկվեն Սևան խոշորացված համայնքի կազմում։
Հիշեցնենք, որ դեկտեմբերի 5-ին Հայաստանի 9 մարզի 36 համայնքներում ընթանում են տեղական ինքնակառավարման մարմինների ընտրություններ։
Լրահոս
0