https://arm.sputniknews.ru/20211207/unenq-sejsmik-canc-vory-grancum-e-angam-amenatujl-magnitudov--erkrasharzhy-sejsmvolvog--36122620.html
Ունենք սեյսմիկ ցանց, որը գրանցում է անգամ ամենաթույլ մագնիտուդով երկրաշարժը. սեյսմոլոգ
Ունենք սեյսմիկ ցանց, որը գրանցում է անգամ ամենաթույլ մագնիտուդով երկրաշարժը. սեյսմոլոգ
Sputnik Արմենիա
ՀՀ ԱԻՆ «Սեյսմիկ պաշտպանության տարածքային ծառայություն» ՊՈԱԿ–ի տնօրենի ժ/պ, սեյսմոլոգ Սոս Մարգարյանը Sputnik Արմենիայի եթերում անդրադարձել է կառույցի... 07.12.2021, Sputnik Արմենիա
2021-12-07T12:22+0400
2021-12-07T12:22+0400
2021-12-07T12:24+0400
ռադիո
հայաստան
սպիտակի երկրաշարժ 1988
սեյսմոլոգ
սեյսմիկ պաշտպանության տարածքային ծառայություն
պոդկաստ
https://cdn.am.sputniknews.ru/img/07e5/0c/07/36122424_0:0:1000:563_1920x0_80_0_0_e5558a211bb7b612ac64e672cf5d6b95.jpg
Մարգարյան. Ունենք գերարդիական սեյսմիկ ցանց, որն անգամ գրանցում է ամենաթույլ մագնիտուդով երկրաշարժը
Sputnik Արմենիա
Մարգարյան. Ունենք գերարդիական սեյսմիկ ցանց, որն անգամ գրանցում է ամենաթույլ մագնիտուդով երկրաշարժը
Այսօր ունենք սեյսմիկ պաշտպանության համակարգ բոլոր բաղադրիչներով` սկսած մոնիթորինգից, վտանգների գնահատումից, վերջացրած տվյալների բազայի հավաքագրումով ու բնակչության ուսուցմամբ։ Այն գրանցում է նույնիսկ ամենաթույլ մագնիտուդով երկրաշարժը, Sputnik Արմենիայի հետ զրույցում ասաց ՀՀ ԱԻՆ «Սեյսմիկ պաշտպանության տարածքային ծառայություն» ՊՈԱԿ–ի տնօրենի ժ/պ, սեյսմոլոգ Սոս Մարգարյանը։«Սպիտակի երկրաշարժից առաջ մենք չունեինք այնպիսի կառույց, ինչպիսին ներկայիս սեյսմիկ պաշտպանության ազգային ծառայությունն է, որն այժմ կոչվում է «Սեյսմիկ պաշտպանության տարածքային ծառայություն» ՊՈԱԿ, և երբ այն ստեղծվեց 1991 թվականին, հիմնական նպատակը սեյսմիկ ռիսկայնության գնահատումն ու նվազեցումն էր Երևանում և մարզերում»,– հայտնեց սեյսմոլոգը։ 30 վայրկյանում ավերված քաղաքը. Սպիտակի 1988 թ–ի երկրաշարժի արխիվային կադրերըԸստ նրա` մարդիկ սովորաբար զգում են համեմատաբար ուժեղ մագնիտուդով երկրաշարժերը, որոնց վերաբերյալ ԱԻՆ–ի պաշտոնական կայքով տրվում է համապատասխան հաղորդագրություն և այդ դեպքում տեսանելի է այն աշխատանքը, որը պարբերաբար իրականացնում է սեյսմիկ ծառայությունը` կատարելով համապատասխան վերլուծություն։«Երկրաշարժերի կանխատեսումն այսօր էլ աշխարհում համարվում է բարդագույն խնդիր, այդուհանդերձ իրականացվող ամենօրյա մոնիթորինգը չի ներառում միայն դրանց գրանցումը։ Բացի սեյսմոլոգիական ցանցից, ունենք նաև երկրաֆիզիկական և հիդրոերկրաքիմիական մոնիթորինգի համար նախատեսված սարքեր, որոնց շնորհիվ միշտ ֆիքսվում են երկրակեղևում տեղի ունեցող փոփոխությունները։ Սովորաբար կանխատեսվող են համարվում ուժեղ երկրաշարժերը, երբ որոշ չափով հնարավոր է լինում տեսնել ֆիզիկական դաշտերի փոփոխությունները։ Ընթացիկ տարում ունեցանք երկու երկրաշարժ հինգից ցածր մագնիտուդով, որոնք դասական համակարգմամբ՝ չեն դասվում ուժեղների շարքին և դրանք, վախից բացի, այլ հետևանքներ չեն թողել»,– ասաց սեյսմոլոգը։Մարգարյանը որպես օրինակ վկայակոչեց փետրվարին Երևանում զգացված երկրաշարժը ու հիշեցրեց, որ Սպիտակի երկրաշարժից հետո, բարեբախտաբար, Հայաստանի տարածքում նման ուժգնությամբ արհավիրք չի գրանցվել և առհասարակ՝ մեծ ուժգնությամբ երկրաշարժը չի նախապատրաստվում մեկ շաբաթում կամ տասն օրում, դա համեմատաբար երկար գործընթաց է։Մարգարյանի դիտարկմամբ` յուրաքանչյուր սեյսմիկ գոտի ունի իր բնութագրող մեծությունը կամ սեյսմիկության պարամետրերը, որոնք համարվում են կայուն, ըստ այդմ` մի գոտին կարող է միջինը տասը տարում գրանցել 2-4 մագնիտուդով երկրաշարժ, մյուս գոտին` քսան տարում։ Կառուցենք ամուր տուն–հայրենիք. նախագահը՝ Սպիտակի երկրաշարժից հետո ապրելու մասինՀայաստանի ու Վրաստանի սահմանային գոտում, Ջավախքում հաճախ են տեղի ունենում երկրաշարժեր, ինչը նկատելի է նաև հաղորդագրությունների քանակից, իսկ հարավային խզվածքներում ցնցումների հաճախականությունը ավելի փոքր է, բայց դա չի նշանակում, որ դրանք փոքր պոտենցիալ ունեն, պարզապես բնութագրիչներն են տարբեր։Նշենք, որ Հայաստանում և հարակից տարածքներում կան մի քանի ակտիվ խզվածքներ, որոնք գտնվում են Ջավախքում, Սյունիք–Փամբակում, Սևանում, Գառնիում։
https://arm.sputniknews.ru/20211207/azgajin-zhvoghvovum-hargecin-erkrasharzhi-zvoheri-hishataky-36118437.html
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, սպիտակի երկրաշարժ 1988, սեյսմոլոգ, սեյսմիկ պաշտպանության տարածքային ծառայություն, պոդկաստ
հայաստան, սպիտակի երկրաշարժ 1988, սեյսմոլոգ, սեյսմիկ պաշտպանության տարածքային ծառայություն, պոդկաստ
Ունենք սեյսմիկ ցանց, որը գրանցում է անգամ ամենաթույլ մագնիտուդով երկրաշարժը. սեյսմոլոգ
12:22 07.12.2021 (Թարմացված է: 12:24 07.12.2021) ՀՀ ԱԻՆ «Սեյսմիկ պաշտպանության տարածքային ծառայություն» ՊՈԱԿ–ի տնօրենի ժ/պ, սեյսմոլոգ Սոս Մարգարյանը Sputnik Արմենիայի եթերում անդրադարձել է կառույցի գործունեությանը, երկրաշարժերի տիպաբանությանն ու Սպիտակի երկրաշարժից քաղած դասերին։
Այսօր ունենք սեյսմիկ պաշտպանության համակարգ բոլոր բաղադրիչներով` սկսած մոնիթորինգից, վտանգների գնահատումից, վերջացրած տվյալների բազայի հավաքագրումով ու բնակչության ուսուցմամբ։ Այն գրանցում է նույնիսկ ամենաթույլ մագնիտուդով երկրաշարժը,
Sputnik Արմենիայի հետ զրույցում ասաց ՀՀ ԱԻՆ «Սեյսմիկ պաշտպանության տարածքային ծառայություն» ՊՈԱԿ–ի տնօրենի ժ/պ, սեյսմոլոգ Սոս Մարգարյանը։
«Սպիտակի երկրաշարժից առաջ մենք չունեինք այնպիսի կառույց, ինչպիսին ներկայիս սեյսմիկ պաշտպանության ազգային ծառայությունն է, որն այժմ կոչվում է «Սեյսմիկ պաշտպանության տարածքային ծառայություն» ՊՈԱԿ, և երբ այն ստեղծվեց 1991 թվականին, հիմնական նպատակը սեյսմիկ ռիսկայնության գնահատումն ու նվազեցումն էր Երևանում և մարզերում»,– հայտնեց սեյսմոլոգը։
Ըստ նրա` մարդիկ սովորաբար զգում են համեմատաբար ուժեղ մագնիտուդով երկրաշարժերը, որոնց վերաբերյալ ԱԻՆ–ի պաշտոնական կայքով տրվում է համապատասխան հաղորդագրություն և այդ դեպքում տեսանելի է այն աշխատանքը, որը պարբերաբար իրականացնում է սեյսմիկ ծառայությունը` կատարելով համապատասխան վերլուծություն։
«Երկրաշարժերի կանխատեսումն այսօր էլ աշխարհում համարվում է բարդագույն խնդիր, այդուհանդերձ իրականացվող ամենօրյա մոնիթորինգը չի ներառում միայն դրանց գրանցումը։ Բացի սեյսմոլոգիական ցանցից, ունենք նաև երկրաֆիզիկական և հիդրոերկրաքիմիական մոնիթորինգի համար նախատեսված սարքեր, որոնց շնորհիվ միշտ ֆիքսվում են երկրակեղևում տեղի ունեցող փոփոխությունները։
Սովորաբար կանխատեսվող են համարվում ուժեղ երկրաշարժերը, երբ որոշ չափով հնարավոր է լինում տեսնել ֆիզիկական դաշտերի փոփոխությունները։ Ընթացիկ տարում ունեցանք երկու երկրաշարժ հինգից ցածր մագնիտուդով, որոնք դասական համակարգմամբ՝ չեն դասվում ուժեղների շարքին և դրանք, վախից բացի, այլ հետևանքներ չեն թողել»,– ասաց սեյսմոլոգը։
Մարգարյանը որպես օրինակ վկայակոչեց փետրվարին Երևանում զգացված երկրաշարժը ու հիշեցրեց, որ Սպիտակի երկրաշարժից հետո, բարեբախտաբար, Հայաստանի տարածքում նման ուժգնությամբ արհավիրք չի գրանցվել և առհասարակ՝ մեծ ուժգնությամբ երկրաշարժը չի նախապատրաստվում մեկ շաբաթում կամ տասն օրում, դա համեմատաբար երկար գործընթաց է։
Մարգարյանի դիտարկմամբ` յուրաքանչյուր սեյսմիկ գոտի ունի իր բնութագրող մեծությունը կամ սեյսմիկության պարամետրերը, որոնք համարվում են կայուն, ըստ այդմ` մի գոտին կարող է միջինը տասը տարում գրանցել 2-4 մագնիտուդով երկրաշարժ, մյուս գոտին` քսան տարում։
Հայաստանի ու Վրաստանի սահմանային գոտում, Ջավախքում հաճախ են տեղի ունենում երկրաշարժեր, ինչը նկատելի է նաև հաղորդագրությունների քանակից, իսկ հարավային խզվածքներում ցնցումների հաճախականությունը ավելի փոքր է, բայց դա չի նշանակում, որ դրանք փոքր պոտենցիալ ունեն, պարզապես բնութագրիչներն են տարբեր։
Նշենք, որ Հայաստանում և հարակից տարածքներում կան մի քանի ակտիվ խզվածքներ, որոնք գտնվում են Ջավախքում, Սյունիք–Փամբակում, Սևանում, Գառնիում։
