https://arm.sputniknews.ru/20211208/ishkhanutjunneri-vorvosh-hajtararutjunner-ughghaki-vnasakar-en-banaki-hamar-36188834.html

Իշխանությունների որոշ հայտարարություններ ուղղակի վնասակար են բանակի համար. իրավապաշտպան

Իշխանությունների որոշ հայտարարություններ ուղղակի վնասակար են բանակի համար. իրավապաշտպան

Sputnik Արմենիա

Իրավապաշտպան Վարդան Հարությունյանը Sputnik Արմենիայի եթերում անդրադարձել է ՀՀ ԱԺ նախագահ Ալեն Սիմոնյանի մասնակցությամբ տարածված գաղտնի տեսանյութին, որում նա... 08.12.2021, Sputnik Արմենիա

2021-12-08T23:59+0400

2021-12-08T23:59+0400

2021-12-09T00:04+0400

ռադիո

հայաստան

ադրբեջան

ալեն սիմոնյան

հայ-ադրբեջանական

հայ գերիներ, անհետ կորածներ

պոդկաստ

https://cdn.am.sputniknews.ru/img/07e5/0c/08/36204427_0:0:1600:901_1920x0_80_0_0_1bfde36d149167d91b994f595b0839ee.jpg

Գերիների թեմայի շուրջ իրավական տեսանկյունից խոսելը տեղին չէ, շատ ավելի ճիշտ է խոսել հենց մարդկային տեսանկյունից։ Ըստ այդմ` պետությունը պարտավորություններ ունի իր քաղաքացիների առջև և առաջին հերթին պարտավորություն ունի իր զինվորների առջև։ Sputnik Արմենիայի հետ զրույցում այս մասին ասաց իրավապաշտպան Վարդան Հարությունյանը։Հարությունյանի կարծիքով` պատմության մեջ դժվար է գտնել մեկ այլ դեպք, երբ պետությունն իր ուսերից դեն է նետել պարտավորությունն ու հրաժարվել գերիներից։Նրա խոսքով` երևի միայն ստալինյան ժամանակներում է եղել նման բան, երբ ԽՍՀՄ առաջնորդը հայտարարեց, որ իրենք չունեն գերիներ, որ նրանք հայրենիքի դավաճաններ են։Նման ծայրահեղ մոտեցումը յուրահատուկ է տոտալիտար համակարգերին, որտեղ մարդն ընդհանրապես արժեք չէ։«Հիմա մեր երկրի ղեկավարները պետք է պատասխանեն հարցին` իրենց քաղաքացու կյանքը արժե՞ք է իրենց համար, թե՞ ամենամեծ արժեքն իշխանությունն է, որը պետք է պահեն ամեն գնով։ Գործող իշխանությունները պատերազմից անմիջապես հետո անընդհատ խոսում էին այն մասին, որ զբաղված են գերիներին վերադարձնելու հարցով, բայց չկարողացան դա անել ու տեսնելով, որ իրենց ուժը չի պատում, դիմում են նման քայլի, ինչն անմարդկային է և չի տեղավորվում 21-րդ դարի շրջանակներում»,– նշեց իրավապաշտպանը։Հարությունյանի դիտարկմամբ` իշխանությունների նման քայլերն ու հայտարարությունները վնասակար են բանակի համար, նման բան կարող էր լինել հին Սպարտայում, բայց ոչ մերօրյա Հայաստանում։Հիշեցնենք` դեկտեմբերի 7-ին համացանցում հայտնվեց Ալեն Սիմոնյանի մասնակցությամբ գաղտնի նկարահանված մի տեսանյութ, որում ԱԺ նախագահը հայտարարում է` գերիների ծնողներն էլ գիտեն, որ իրենց որդիները դասալքություն են արել։Շիրակցի գերիների հարազատները նույնպես բողոքի ակցիա են անում ԳյումրիումԱվելի ուշ Ալեն Սիմոնյանը մեկնաբանեց, որ տեսանյութը մոնտաժված է, իր խոսքն էլ կիսատ է ներկայացված։ Այդուհանդերձ, նա վերահաստատեց` բոլոր այն զինծառայողները, որոնք վայր են դրել զենքն ու հանձնվել են գերության, կենթարկվեն քրեական հետապնդման։Դրանից հետո գերիների և անհետ կորածների հարազատները հավաքվեցին Հանրապետության հրապարակում` կառավարության շենքի մոտ, շիրակցի գերիների հարազատներն էլ բողոքի ակցիա արեցին մարզպետարանի շենքի մոտ։ Նրանց զայրացրել էր Ալեն Սիմոնյանի ասածը։Բողոքի ակցիաները շարունակվեցին նաև այսօր, մինչև որ Ալեն Սիմոնյանը հանդիպեց գերիների ու անհետ կորածների հարազատների 10 ներկայացուցչի հետ։Հանդիպումից հետո Սիմոնյանը Facebook–ի իր էջում հայտարարեց, որ ամեն ինչ անելու են բոլոր տղաներին ողջ և առողջ Հայաստան վերադարձնելու համար։

https://arm.sputniknews.ru/20211208/geri-ynknely-lav-ban-che-ajn-chi-ognum-vor-mer-sahmannery-pashtpanvats-linen-rubinjan-36186359.html

ադրբեջան

2021

Լուրեր

am_HY

հայաստան, ադրբեջան, ալեն սիմոնյան, հայ-ադրբեջանական, հայ գերիներ, անհետ կորածներ, պոդկաստ