Ի՞նչ է կատարվում Գորիս-Կապան մայրուղուն այլընտրանք դարձած ճանապարհներին

Բաժանորդագրվեք
НовостиTelegram
Գորիս-Կապան ավտոճանապարհին ադրբեջանական սահմանային անցակետերի տեղակայումից հետո ՀՀ–ին բարդ տեղանքի պատճառով դժվարանցանելի 2 այլընտրանքային ճանապարհ է մնացել։ Ինչպես է ընթանում բարեկարգման գործընթացը և ինչ է հաջողվել անել՝ տեղում պարզել են Sputnik Արմենիայի թղթակիցները։
Խոտ-Որոտան այլընտրանքային ճանապարհը շարունակում է դժվարանցանելի մնալ։ Ավելի վաղ գրել էինք, որ Որոտան գյուղը (ինչպես և Շուռնուխն ու Բարձրավանը) փաստացի կտրված են հանրապետությունից։
Բեռնատարների շարժն ուղղորդվել է Շինուհայր-Տաթև-Կապան այլընտրանքային մայրուղով։ Միաժամանակ սկսվել է Խոտ-Որոտան հին ճանապարհի վերանորոգումը։
Ճանապարհի մի մասն ընդարձակվել և հարթեցվել է։ Չնայած դրան, կան շատ նեղ և նույնիսկ մարդատար մեքենաների համար դժվարանցանելի հատվածներ։ Որոշ տեղերում ջուր է հոսում, որը ձմռանը մերկասառույցի է վերածվում։
Ինչո՞ւ է Գորիս–Կապան ճանապարհի մի հատվածը կոչում Էյվազլի– Չայզանի. Փաշինյանի պատասխանը
Ինչ վերաբերում է երկրորդ այլընտրանքային ճանապարհին, որը Բարձրավանը կապում է Կապան-Տաթև-Շինուհայր մայրուղուն` այն գրեթե զրոյից են կառուցել։
Ներկայում այս ճանապարհն ավելի լավ տեսք ունի, քան առաջինը։ Ճանապարհը բավականին լավ հարթեցված է և հասանելի է ոչ միայն ամենագնացների, այլև սովորական մարդատար մեքենաների համար։ Մեծամասամբ մաքրված է երկու գծով ասֆալտապատման համար։
Այս ճանապարհից ներկայում օգտվում է, օրինակ, շտապօգնությունը։
Կապանի ու Գորիսի ԲԿ–ներին լրացուցիչ կտրամադրվեն շտապօգնության ամենագնաց մեքենաներ. նախարար
Միակ խնդիրը տարածությունն է։ Գորիս հասնելու համար (երեք գյուղերն էլ այդ խոշորացված համայնքի մաս են կազմում) պետք է մեծ շառավղով շրջանցում անել։
Լրահոս
0