Պայմանագրերի կտրուկ աճ. ԱԺ աշխատակազմի ղեկավարի ՍՊԸ–ն հաղթում է պետական մրցույթներում

© Sputnik / Asatur YesayantsДрамы
Драмы - Sputnik Արմենիա, 1920, 08.12.2021
Բաժանորդագրվեք
Ընկերությունը, որը մինչև իշխանափոխությունը 3 գործարք ուներ պետության հետ, 2018-ից հետո 150 գնման պայմանագիր է կնքել պետական տարբեր մարմինների հետ։
ԵՐԵՎԱՆ, 8 դեկտեմբերի – Sputnik. ԱԺ նախագահ Ալեն Սիմոնյանի ընկեր, «Քաղաքացիական պայմանագիր» կուսակցության անդամ, ԱԺ աշխատակազմի ղեկավար Վահան Նարիբեկյանին պատկանող «Արգավանդ կահույք» ընկերությունը շարունակում է հաղթել պետական գնումների մրցույթներում։ Տեղեկությունը հայտնում է «Հետքը»` մանրամասնելով, որ Նարիբեկյանի ընկերությունը կահույք է մատակարարում պետական մի շարք գերատեսչությունների։
Ավելի վաղ կայքը հայտնել էր, որ 2018 թվականի իշխանափոխությունից հետո «Արգավանդ կահույք» ՍՊԸ-ն մոտ 150 գնման պայմանագիր է կնքել պետական տարբեր մարմինների հետ։ Պայմանագրերի ընդհանուր արժեքը գերազանցում է 250 միլիոն դրամը։
2014թ․ հիմնադրված ընկերությունը մինչև իշխանափոխությունը ընդամենը երեք գործարք ուներ պետության հետ։
«Պետական գնումների armeps.am համակարգի տվյալներով՝ այս տարվա օգոստոսից հետո «Արգավանդ կահույքը» 8,3 մլն դրամ արժողությամբ 7 պայմանագիր է կնքել պետական մարմինների հետ։ Ընկերության ծառայություններից օգտվել են վարչապետի աշխատակազմը, վարչապետին ենթակա պետական վերահսկողական ծառայությունը, Նոյեմբերյանի համայնքապետարանը, Վանաձորի ԲԿ–ն, ինֆեկցիոն հիվանդությունների ազգային կենտրոնը և «Հայաէրոնավիգացիա» ՓԲԸ-ն»,–գրում է կայքը։
«Արգավանդ կահույքը» գրասենյակային գույք և տնտեսական ապրանքներ է մատակարարել պետական նշված կառույցներին։
Ի դեպ, Ալեն Սիմոնյանի 2021թ․ օգոստոսի 3-ի կարգադրությամբ է Նարիբեկյանը նշանակվել ԱԺ աշխատակազմի ղեկավար։ Դրանից հետո` օգոստոսի 12-ին «Արգավանդ կահույք» ՍՊԸ-ի տնօրենի պաշտոնը Նարիբեկյանը փոխանցել է իր եղբորը, սակայն շարունակում է հանդիսանալ ընկերության 100 % բաժնեմասի սեփականատերը։
Մանրամասները կարդացեք սկզբնաղբյուրում։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала