https://arm.sputniknews.ru/20211209/karavarutjuny-steghtsum-e-adamandagvortsutjan-volvorti-petakan-haj-almast-ynkerutjun-36208358.html

Կառավարությունը ստեղծում է ադամանդագործության ոլորտի պետական «Հայ-Ալմաստ» ընկերություն

Կառավարությունը ստեղծում է ադամանդագործության ոլորտի պետական «Հայ-Ալմաստ» ընկերություն

Sputnik Արմենիա

Որոշման ընդունումը ՀՀ Էկոնոմիկայի նախարարության հաշվարկով հնարավորություն կտա ադամանդի արտադրության ծավալներն ու արտահանումը հասցնել տարեկան միջինը 150 մլն ԱՄՆ... 09.12.2021, Sputnik Արմենիա

2021-12-09T11:02+0400

2021-12-09T11:02+0400

2021-12-09T11:02+0400

ռուսաստան

հայաստան և եատմ

հհ կառավարություն

եվրասիական տնտեսական միություն (եատմ)

հայաստան-ռուսաստան համագործակցություն

գործարան

ադամանդ

«ալռոսա» ընկերություն

https://cdn.am.sputniknews.ru/img/1765/17/17651772_0:206:2905:1840_1920x0_80_0_0_48e56fe56dddcb365ef7b0f713612333.jpg

ԵՐԵՎԱՆ, 9 դեկտեմբերի –Sputnik. ՀՀ կառավարության այսօրվա նիստում ընդունված որոշմամբ Հայաստանում ստեղծվել է «Հայ-Ալմաստ» փակ բաժնետիրական ընկերություն։Որոշումն ընդունվել է առանց քննարկման ու զեկուցման, բայց կառավարության պաշտոնական կայքում հրապարակված նախագծից պարզ է դառնում, որ դրա ընդունումը պայմանավորված է Հայաստանի Հանրապետության համար ռազմավարական ոլորտ հանդիսացող ադամանդագործության զարգացման, ադամանդագործական ընկերություններին արդյունավետ հումքով ապահովելու, ադամանդագործական ընկերությունների արտադրանքը ԵԱՏՄ և երրորդ երկրներ արտհանելու, ոլորտի հետագա զարգացման նպատակով հավելյալ ֆինանսական միջոցներ ներգրավելու, ինչպես նաև Ռուսաստանի Դաշնության «Ալռոսա» ընկերության հետ աշխատանքը նոր մակարդակ տեղափոխելու անհրաժեշտությամբ։Բանն այն է, որ Հայաստանի ադամանդագործության զարգացումը մշտապես պայմանավորվել է ալմաստի հումքի աշխարհում թիվ մեկ արդյունահանող ՌԴ «Ալռոսա» ընկերության հետ արդյունավետ համագործակցությամբ։ Մինչդեռ, վերջին 10 տարում «Ալռոսան» հումքը վաճառում է բացառապես խոշոր ընկերություններին՝ երկարաժամկետ պայմանագրերի հիման վրա, ինչի հետևանքով հայկական ընկերությունները զրկվում են արդյունավետ հումք ներմուծելու հնարավորությունից։Ուստի ՀՀ կառավարությունը որոշել է հումքի ձեռքբերումն իրականացնել պետական մասնակցությամբ ընկերության կողմից և այն մատակարարել տեղական ընկերություններին։«Ընդ որում, «Ալռոսա» ընկերության հետ նախնական բանակցությունների արդյունքում պարզ է դարձել, որ նրանց համար առավել ընդունելի է եղել պետական մասնակցությամբ ընկերության հետ համագործակցությունը»,– ասված է կառավարության որոշման նախագծում։Փաշինյանը բանագնացներ է գործուղել ռուսաստանյան «Ալռոսա» ընկերությունԱյսպիսով, նոր ստեղծվող ընկերությունը պայմանագրեր է կնքելու ՀՀ–ում գործող ադամանադագործական ընկերությունների հետ, որոնք հայտեր են ներկայացնելու։ Ընկերությունները հումքի արժեքի գումարը վճարում են «Հայ-Ալմաստ» ընկերությանը, որն էլ «Ալռոսայից» գնված հումքը սահմանված ժամկետում մատակարարելու է տեղական ընկերություններին՝ ըստ ներկայացված հայտերի։Պետական ընկերությունը միջնորդական ծառայության դիմաց կստանա միջնորդավճար, որի չափը կհաստատվի ընկերության բաժնետերերի ընդհանուր ժողովի կողմից։Ընկերության խորհրդում կընդգրկվեն գործող ադամանդագործական ընկերությունների կողմից առաջարկված մեկ կամ երկու ներկայացուցիչ։Որոշման ընդունումը, ՀՀ էկոնոմիկայի նախարարության հաշվարկով, հնարավորություն կտա ադամանդի արտադրության ծավալներն ու արտահանումը հասցնել տարեկան միջինը 150 մլն ԱՄՆ դոլարի։Հայաստանում ադամանդագործության ոլորտում զբաղվածների թիվը հնարավոր կլինի հասցնել մինչև 5000-ի, խոշոր ձեռնարկություններինը` 20-25-ի։

https://arm.sputniknews.ru/20210116/vahan-qerobyn-mtadir-e-zargacnel-adamandagorcutyan-ev-voskerchutyan-volortner-26119408.html

https://arm.sputniknews.ru/20191202/inchpes-e-hayastany-zargacnum-adamandagortsutyuny-nor-gortsarani-lusankarneri-21285416.html

2021

Լուրեր

am_HY

ռուսաստան, հայաստան և եատմ, հհ կառավարություն, եվրասիական տնտեսական միություն (եատմ), հայաստան-ռուսաստան համագործակցություն, գործարան, ադամանդ, «ալռոսա» ընկերություն