Ռուս զինծառայողները կենտրոնացած են գերիներին վերադարձնելու վրա. ՌԴ գլխավոր շտաբի պետ

Վալերի Գերասիմով - Sputnik Արմենիա, 1920, 09.12.2021
Վալերի Գերասիմով
Բաժանորդագրվեք
Վալերի Գերասիմովը խոսել է խաղաղապահների մասին և շեշտել` ՌԴ զինվորականները Ղարաբաղում վերականգնում են խաղաղ կյանքը։
ԵՐԵՎԱՆ, 9 դեկտեմբերի – Sputnik. ՌԴ ԶՈւ գլխավոր շտաբի պետ Վալերի Գերասիմովն այսիր հայտարարել է, որ ռուս զինծառայողները Լեռնային Ղարաբաղի տարածքում խաղաղապահ գործողության շրջանակում այժմ կենտրոնացած են գերիների վերադարձի, ենթակառուցվածքային նախագծերի իրականացման և այլ հումանիտար խնդիրների լուծման վրա։ Տեղեկությունը հայտնում է ՏԱՍՍ–ը։
«Բացի հրադադարի և բոլոր ռազմական գործողությունների դադարեցման վերահսկողությունից, մեր խաղաղապահների ջանքերը կենտրոնացած են տարածաշրջանում խաղաղ կյանքի վերականգնման վրա, միաժամանակ հաջողությամբ լուծվում են մարդասիրական խնդիրները»,-ասել է Գերասիմովը այսօր կայացած ճեպազրույցի ժամանակ։
«Ռուսական խաղաղապահ ուժերը շարունակում են խաղաղապահ խնդիրներ իրականացնել Լեռնային Ղարաբաղում։ Ավելի քան մեկ տարի առաջ հաջողվեց կանգնեցնել արյունահեղ պատերազմը և պայմաններ ստեղծել տարածաշրջանում խաղաղության վերականգնման համար։ Լարվածության թուլացման և հրադադարի ռեժիմի պահպանման նպատակով ռուս խաղաղապահները հերթապահություն են անցկացնում դիտակետերում և պարեկություն են անում խաղաղապահ գործողության անցկացման շրջանում»,-ասել է Գերասիմովը։
Նա հիշեցրել է նաև, որ հրադադարի և բոլոր ռազմական գործողությունների դադարեցման վերահսկողության համար հունվարից ի վեր Լեռնային Ղարաբաղում գործում է ռուս-թուրքական համատեղ կենտրոնը։
Ռուստամ Մուրադով - Sputnik Արմենիա, 1920, 09.12.2021
«Խաղաղապահները գործն ավարտին կհասցնեն». Մուրադովը` հայ գերիների վերադարձի մասին
Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։
2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։
Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվեց Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:
Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:
Ռուս խաղաղապահները 9 տոննա հումանիտար բեռ են տեղափոխել Արցախ - Sputnik Արմենիա, 1920, 07.12.2021
Ռուս խաղաղապահները 9 տոննա հումանիտար բեռ են տեղափոխել Արցախ
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала