https://arm.sputniknews.ru/20211210/hajhvojanqy-qreakanacnvogh-hvodvatsvov-harucvel-e-166-qreakan-gvorts-36283126.html

Հայհոյանքը քրեականացնող հոդվածով հարուցվել է 166 քրեական գործ

Հայհոյանքը քրեականացնող հոդվածով հարուցվել է 166 քրեական գործ

Sputnik Արմենիա

Դատախազությունը հայտնում է, որ 56 անձ ծանր վիրավորանք է հասցրել պետական իշխանության ներկայացուցչին։ 10.12.2021, Sputnik Արմենիա

2021-12-10T16:07+0400

2021-12-10T16:07+0400

2021-12-10T16:10+0400

հհ դատախազություն

քրեական գործ

պաշտոնյա

հայհոյանք

https://cdn.am.sputniknews.ru/img/1581/12/15811279_0:0:1600:901_1920x0_80_0_0_fdb528869895e8b171ac4589b217130b.jpg

ԵՐԵՎԱՆ, 10 դեկտեմբերի – Sputnik. ՀՀ քրեական օրենսգրքի 137.1 հոդվածի 2-րդ մասի 2-րդ կետի հատկանիշներով, այսպես ասած, հայհոյանքը քրեականացնող հոդվածով հարուցվել է 166 քրեական գործ, մեղադրանք է առաջադրվել 14 անձի։ Տեղեկությունը հայտնում է դատախազությունը` հիշեցնելով, որ 2021թ. օգոստոսի 30-ին է ուժի մեջ մտել ծանր վիրավորանքի քրեականացման վերաբերյալ ՀՀ քրեական օրենսգրքում կատարված լրացումը:«Մինչև դեկտեմբերի 1-ն արձանագրվել է ՀՀ քրեական օրենսգրքի 137.1 հոդվածով նախատեսված առերևույթ հանցավոր արարք կատարելու 247 դեպք: Դրանցից 56-ի պարագայում ծանր վիրավորանքը հասցվել է պետական իշխանության ներկայացուցչին, 5-ի դեպքում՝ քաղաքական գործունեությամբ զբաղվող անձանց, իսկ 186-ի դեպքում՝ այլ անձանց»,–նշված է դատախազության հաղորդագրության մեջ:Արձանագրված դեպքերից 71-ով կայացվել է քրեական գործ հարուցելը մերժելու մասին որոշում:Հիշեցնենք, որ Sputnik Արմենիան ավելի վաղ գրավոր հարցում էր ուղարկել ոստիկանություն` հետաքրքրվելով, թե քանի քրգործ կա հարուցված, արդյոք դրանք մեծամասամբ հարուցվել են վարչապետին վիրավորելու համար և ինչ ընթացք ունեն դրանք։ Սակայն ոստիկանությունը նախ հայտնել էր, որ հավելյալ ժամանակ է պետք, իսկ հետո միայն տեղեկացրել էր` հարուցվել է 18 քրգործ։

https://arm.sputniknews.ru/20210730/petutyuny-petqe-pashtpani-ir-tsarayoxnerin-kocharyany-hayhoyanqy-qreakanacnelu-masin-28491841.html

2021

Լուրեր

am_HY

հհ դատախազություն, քրեական գործ, պաշտոնյա, հայհոյանք