Ինչո՞ւ են Բաքվի բանտերից վերադարձածները տեղափոխվում ՀՀ բանտեր. Աղաջանյանի մեկնաբանությունը

© Sputnik / Aram NersesyanԷդուարդ Աղաջանյան
Էդուարդ Աղաջանյան - Sputnik Արմենիա, 1920, 10.12.2021
Էդուարդ Աղաջանյան. Արխիվային լուսանկար
Բաժանորդագրվեք
ԱԺ արտաքին հարաբերությունների հանձնաժողովի նախագահը վստահեցնում է` ՀՀ–ն երբեք չի հրաժարվել բոլոր գերիներին հայրենիք վերադարձնելու իր պարտավորությունից։
ԵՐԵՎԱՆ, 10 դեկտեմբերի – Sputnik. Գոյություն ունի Հայաստանի օրենսդրություն, որը ենթադրում է ընթացակարգեր։ Ազգային ժողովում լրագրողների հետ զրույցում նման կարծիք հայտնեց ԱԺ արտաքին հարաբերությունների հանձնաժողովի նախագահ Էդուարդ Աղաջանյանը` պատասխանելով հարցին, թե ինչպե՞ս է մեկնաբանում այն փաստը, որ Բաքվի բանտերից վերադարձողները տեղափոխվում են Հայաստանի բանտեր։
ՀՀ քննչական կոմիտեի մամուլի քարտուղար Վարդան Թադևոսյանը Sputnik Արմենիայի հետ զրույցում հայտնել էր` դեկտեմբերի 4-ին Հայաստան վերադարձած 10 գերիից 5-ին կալանավորելու միջնորդություն է ներկայացվել։

«Ես ենթադրում եմ, որ ըստ այդ ընթացակարգերի մեր հայրենակիցները, որոնք ենթակա են որոշակի քրեական գործերի շրջանակներում ներգրավվելու, պետք է համապատասխան ժամկետների մեջ ներգրավվեն այդ գործերում»,–ասաց Աղաջանյանը։

Հարցին, թե արդյո՞ք նրանց կալանավորելով հոգեբանական խնդիրներ չեն առաջանա տղաների մոտ` Աղաջանյանը պատասխանեց, որ կան հոգեբանական և այլ նմանատիպ հանգամանքներ հաշվի առնող կոնկրետ սուբյեկտներ, ատյաններ, որոնք պետք է այդ հարցին պատասխանեն: Սակայն, ըստ նրա, ոչ մի դեպքում դա չի կարող տեղի ունենալ հակառակ ՀՀ օրենսդրության։
Ալեն Սիմոնյանը գերիների ու անհետ կորածների հարազատներին հանդիպելուց հետո գրառում է արել
Լրագրողները հետաքրքրվեցին, թե ի՞նչ կապ ունեն իրար հետ 5 գերիներին կալանավորելու միջնորդություն ներկայացնելն ու ԱԺ նախագահ Ալեն Սիմոնյանի մասնակցությամբ աղմկահարույց տեսանյութը, որտեղ Սիմոնյանն ասում էր, որ գերիները դասալիք են։ Ի պատասխան Աղաջանյանը նշեց` գերեվարման դրվագների հետ կապված քրգործերը որևէ քաղաքական գործչի պատկերացումներով չեն պայմանավորված։
Աղաջանյանը վստահեցրեց` ՀՀ–ն երբեք չի հրաժարվել բոլոր գերիներին հայրենիք վերադարձնելու իր պարտավորությունից։
Ռուստամ Մուրադով - Sputnik Արմենիա, 1920, 09.12.2021
«Խաղաղապահները գործն ավարտին կհասցնեն». Մուրադովը` հայ գերիների վերադարձի մասին
Նշենք, որ նոյեմբերի 17-ին` ԱԺ–ում կառավարության անդամների հետ հարցուպատասխանի ժամանակ ՀՀ վարչապետ Նիկոլ Փաշինյանն էլ հայտնել էր, որ պետք է քննվի, թե ինչ հանգամանքներում են զինվորները գերի ընկել։ Նա ընդգծել էր նաև, որ հնարավոր չէ այնպիսի բան, որ ՀՀ սահմանների վերաբերյալ տրվի չկրակելու, սահմանը չպաշտպանելու հրաման։
Հիշեցնենք` դեկտեմբերի 7-ին համացանցում հայտնվեց Ալեն Սիմոնյանի մասնակցությամբ գաղտնի նկարահանված մի տեսանյութ, որում ԱԺ նախագահը հայտարարում է` գերիների ծնողներն էլ գիտեն, որ իրենց որդիները դասալքություն են արել։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала