https://arm.sputniknews.ru/20211210/verjin-3-tarinerin-hhum-mardu-iravunqneri-votnaharumy-zangvatsajin-e-ishkhanjan-36291421.html

Վերջին 3 տարիներին ՀՀ–ում մարդու իրավունքների ոտնահարումը զանգվածային է. Իշխանյան

Վերջին 3 տարիներին ՀՀ–ում մարդու իրավունքների ոտնահարումը զանգվածային է. Իշխանյան

Sputnik Արմենիա

Հայաստանի Հելսինկյան կոմիտեի նախագահ, իրավապաշտպան Ավետիք Իշխանյանը Sputnik Արմենիայի եթերում անդրադարձել է ՀՀ–ում մարդու իրավունքների պաշտպանության... 10.12.2021, Sputnik Արմենիա

2021-12-10T19:52+0400

2021-12-10T19:52+0400

2021-12-10T19:52+0400

հայաստան

իշխանություն

ավետիք իշխանյան

մարդու իրավունքներ

ռադիո

պոդկաստ

https://cdn.am.sputniknews.ru/img/07e5/0c/0a/36287691_0:0:1600:901_1920x0_80_0_0_ec64a91acb757458f91a72369777554d.jpg

Որպեսզի երկրում մարդու իրավունքները պաշտպանվեն, այն պետք է լինի իրավական, այսինքն` երկրում դատական ողջ համակարգը պետք է անկախ լինի գործադիր իշխանությունից, որովհետև մարդու իրավունքները խախտվում են գործադիրի կողմից, Sputnik Արմենիայի հետ զրույցում ասաց Հայաստանի Հելսինկյան կոմիտեի նախագահ, իրավապաշտպան Ավետիք Իշխանյանը։ Նախկին ՄԻՊ–ը խոսել է մարդու իրավունքների հարցով զբաղվող հանձնաժողովի անելիքների մասին«Մարդու իրավունքներն ուղղահայաց հարաբերություններ են պետության և քաղաքացու միջև։ Եթե խախտվում է խոսքի ազատությունը, մարդու նկատմամբ իրականացվում են խոշտանգումներ, նրան ապօրինաբար զրկում են ազատությունից, հետևաբար այդ ամենը դիտարկվում է որպես պետության կողմից իրականացված մարդու իրավունքների ոտնահարում, իսկ անկախ դատական համակարգը պարտավոր է վերականգնել քաղաքացիների իրավունքներն ու վերացնել խախտումները»,– ասաց իրավապաշտպանը։Իշխանյանի կարծիքով` հատկապես վերջին երեք տարիների կտրվածքով Հայաստանում իրավական համակարգը (ոստիկանություն, քննչական մարմիններ, դատախազություն, ԱԱԾ) «սեփականաշնորհվեց» գործադիր իշխանության ղեկավարի կողմից, և իրավապահ մարմինները կատարում են նրա հանձնարարությունները, այլ ոչ թե պաշտպանում են օրենքն ու մարդկանց իրավունքները, հետևաբար վերջին երեք տարիներին Հայաստանում մարդու իրավունքների ոտնահարումը կրում է զանգվածային բնույթ։«Խաղաղ հավաքների իրավունքը Հայաստանում երբևէ այդպես չի խախտվել, ինչպես մեր օրերում, երբ բռնի կերպով մարդկանց բերման են ենթարկում` հարուցելով քրեական գործեր։ Մարդու հիմնարար իրավունքների մասին խոսելն ուղղակի ծիծաղելի է։ Հայաստանը սահմանադրորեն համարվում է սոցիալական երկիր, մինչդեռ մեզ մոտ խախտվում են նաև մարդկանց սոցիալական իրավունքները, իշխանությունը հաշվի չի առնում քաղաքացիների սոցիալական վիճակը։ Այդ մասին է վկայում օպտիմալացման ներքո գիշերօթիկների, բուժհաստատությունների փակումը։ Սոցիալական վիճակը աղքատության մակարդակի աճի ֆոնին ուղղակի ողբալի է»,– ասաց իրավապաշտպանը։Իշխանյանի գնահատմամբ` Հայաստանում գործում է բռնակալ Մուսոլինիի սկզբունքը, ըստ որի`ընկերներին և բարեկամներին թույլատրվում է ամեն ինչ, իսկ օրենքները հակառակորդների համար են։ Իրավապաշտպանի դիտարկմամբ, որպեսզի պետությունն իսկապես կիրառի մարդու իրավունքներն ու իրականացնի բարեփոխումներ` ստեղծելով անկախ դատաիրավական համակարգ, ապա պետք է անշուշտ լինի նաև հասարակության գիտակցումն ու հասարակական ճնշումն իշխանության վրա։ Ժողովրդավարություն` հայկական ձևով. ոմանց համար COVID-ի պարտադիր թեստավորումը պարտադիր չէ«Իրավիճակը շտկելու ցանկություն նախևառաջ պետք է լինի քաղաքական վերնախավի մոտ, որովհետև միայն ժողովրդից հիմնարար իրավունքների գիտակցում պահանջելն անհեթեթություն է»,– ասաց իրավապաշտպանը։Նշենք, որ 1948թ.-ի դեկտեմբերի 10-ին, ՄԱԿ-ի Գլխավոր ասամբլեան ընդունեց Մարդու իրավունքների համընդհանուր հռչակագիրը։1950թ.-ին Գլխավոր ասամբլեայի առաջարկով տարբեր պետություններ և կազմակերպություններ, իսկ այսօր նաև ամբողջ աշխարհը դեկտեմբերի 10-ը նշում է որպես Մարդու իրավունքների պաշտպանության միջազգային օր։

https://arm.sputniknews.ru/20211208/tatvojany-fransiajum-nerkajacrel-e-44orja-paterazmic-hetvo-mardu-iravunqneri-khakhtumnery-36203858.html

2021

Լուրեր

am_HY

հայաստան, իշխանություն, ավետիք իշխանյան, մարդու իրավունքներ, պոդկաստ