https://arm.sputniknews.ru/20211211/kkhmk-nerkajacucichnern-adrbejanum-handipel-en-sjuniqic-gerevarvats-zintsarajvoghnerin-36366557.html

ԿԽՄԿ ներկայացուցիչներն Ադրբեջանում հանդիպել են Սյունիքից գերեվարված զինծառայողներին

ԿԽՄԿ ներկայացուցիչներն Ադրբեջանում հանդիպել են Սյունիքից գերեվարված զինծառայողներին

Sputnik Արմենիա

ՀՀ քննչական կոմիտեի տվյալներով` ներկա պահին անհայտ է մնում Սյունիքի տարածքից գերեվարված 21 զինծառայողների ճակատագիրը։ 11.12.2021, Sputnik Արմենիա

2021-12-11T21:01+0400

2021-12-11T21:01+0400

2021-12-11T23:12+0400

կարմիր խաչ

ադրբեջան

սյունիք

գերի

սահման

հայ-ադրբեջանական

դիրքեր

ադրբեջանական ագրեսիան հայաստանի դեմ - 2020

սահմանային խախտումներ. իրադրությունը սյունիքում և գեղարքունիքում

հայ գերիներ, անհետ կորածներ

https://cdn.am.sputniknews.ru/img/07e4/0b/12/25384750_0:84:1601:984_1920x0_80_0_0_748637dc9ee2fb8021522051a337f553.jpg

ԵՐԵՎԱՆ, 11 դեկտեմբերի – Sputnik. Կարմիր խաչի միջազգային կոմիտեի ներկայացուցիչներն առաջին անգամ այցելել են ս.թ. նոյեմբերի 16-ի ռազմական գործողությունների հետևանքով Ադրբեջանի կողմից գերեվարված ՀՀ ԶՈւ զինծառայողներին: Sputnik Արմենիայի հետ զրույցում տեղեկությունը հայտնեց Հայաստանում Կարմիր խաչի միջազգային կոմիտեի պատվիրակության հաղորդակցման ծրագրերի ղեկավար Զառա Ամատունին։Նա նշեց, որ ԿԽՄԿ ներկայացուցիչները տեսակցել են նաև Ադրբեջանում պահվող ռազմագերիներին ու պատանդառված անձանց: ԿԽՄԿ ներկայացուցիչները տեղեկացել են գերիների առողջական վիճակի մասին, ծանոթացել պահման պայմաններին, օգնել կապ հաստատել ընտանիքների հետ:Թե քանի գերիների են հանդիպել միջազգային կազմակերպության ներկայացուցիչները, ԿԽՄԿ–ն չի հայտնում։Նշենք, որ նոյեմբերի 16-ին Սյունիքում տեղի ունեցած ռազմական գործողություներից հետո Ադրբեջանական աղբյուրները հայտարարում էին 13 գերեվարվածների մասին։ Նախապես նույն թիվը շրջանառվում էր նաև հայաստանյան հաղորդագրություններում։ Ավելի ուշ, սակայն, կողմերը սկսեցին խուսափել գերիների հստակ թիվ հայտնելուց։Այժմ հայտնի է, որ դեկտեմբերի 4-ին ադրբջանական կողմը Հայաստանին էր փոխանցել 10 գերիների։ Եվս 1 վիրավոր հայկական կողմին էր փոխանցվել Սոչիում Փաշինյան–Պուտին–Ալիև հանդիպման նախօրեին` նոյեմբերի 25–ին։Ադրբեջանը թաքցնում է գերիների իրական թիվն ու պահման վայրերը. Միրզոյանն ահազանգել է ԿԽՄԿ–ինՆշենք, որ ՀՀ քննչական կոմիտեի այսօր տարածած հաղորդագրության համաձայն` նոյեմբերի 16-ին Իշխանասարի հարակից դիրքից փախուստի դիմած 24 զինծառայողները հակառակորդի կողմից շրջափակվել ու գերեվարվել են։Նրանցից 3-ը` Գուրգեն Աշոտի Սարգսյանը, Արթուր Ջիվանի Մարտիրոսյանը և Դավիթ Հելբերտի Ամիրյանը, 2021թ. նոյեմբերի 17-ին և 20-ին սպանված վիճակում փոխանցվել էին հայկական կողմին, ևս 7 զինծառայողներ հայկական կողմին էինն վերադարձվել նոյեմբերի 26-ին և դեկտեմբերի 4-ին։ Իսկ 14 զինծառայողների գտնվելու վայրը մինչ օրս անհայտ է։Բացի այդ, նույն օրը մեկ այլ մարտական դիրքում ադրբեջանցիները ներխուժել ու մարտական դիրքից գերեվարել էին դիրքում մնացած 13 զինծառայողների։Գերեվարված զինծառայողներից 2-ի` Տարոն Ջիվանի Սահակյանի և Արսեն Սենիկի Գասպարյանի դիերը Հայաստանին էին վերադարձվել նոյեմբերի 17-ին ու 19-ին, 4 զինծառայողներ Հայաստան էին վերադարձվել ողջ` դեկտեմբերի 4-ին։ Մնացած 7 զինծառայողների գտնվելու վայրը մինչև օրս անհայտ է։Այս հաշվարկների համաձայն, փաստորեն, ներկա պահին անհայտ է մնում Սյունիքի տարածքից գերեվարված 21 զինծառայողների ճակատագիրը։Հիշեցնենք` նոյեմբերի 16–ին` ժամը 13։00-ի սահմանում, ադրբեջանական ԶՈւ ստորաբաժանումները հերթական սադրանքն էին նախաձեռնել ՀՀ արևելյան սահմանագոտու ուղղությամբ՝ գնդակոծության ենթարկելով հայկական դիրքերը։Արդյունքում հայկական կողմը 2 մարտական դիրք կորցրեց, ՀՀ պաշտպանական գերատեսչությունը հայտնեց 12 հայ զինծառայողի գերեվարման և մեկ զոհի մասին:Նոյեմբերի 16–ին` ժ. 22։30–ի սահմանում, ռուսական կողմի միջնորդությամբ կրակը դադարեցվեց։Հիշեցնենք նաև, որ դեկտեմբերի 7-ին համացանցում հայտնվեց ՀՀ ԱԺ նախագահ Ալեն Սիմոնյանի մասնակցությամբ գաղտնի նկարահանված մի տեսանյութ, որում ԱԺ նախագահը հայտարարում է` գերիների ծնողներն էլ գիտեն, որ իրենց որդիները դասալքություն են արել։Ավելի ուշ Ալեն Սիմոնյանը մեկնաբանեց, որ տեսանյութը մոնտաժված է, իր խոսքն էլ կիսատ է ներկայացված։ Այդուհանդերձ, նա վերահաստատեց` բոլոր այն զինծառայողները, որոնք վայր են դրել զենքն ու հանձնվել են գերության, կենթարկվեն քրեական հետապնդման։

https://arm.sputniknews.ru/20211211/dzerbakalvel-en-nvojemberi-16-in-martakan-hertapahutjun-irakanacrats-zintsarajvoghner-qk-36330710.html

https://arm.sputniknews.ru/20211211/hervosy-karvogh-e-geri-ynknel-miajn-mi-depqum-kaprieljany-gerinerin-hervosacnelu-masin-36339925.html

ադրբեջան

սյունիք

2021

Լուրեր

am_HY

կարմիր խաչ, ադրբեջան, սյունիք, գերի, սահման, հայ-ադրբեջանական, դիրքեր, ադրբեջանական ագրեսիան հայաստանի դեմ - 2020, սահմանային խախտումներ. իրադրությունը սյունիքում և գեղարքունիքում, հայ գերիներ, անհետ կորածներ