Նոր սպառազինությունների առումով Ռուսաստանն աշխարհում առաջինն է. Պուտին

© Sputnik / Максим Блинов / Անցնել ֆոտոբանկПрезидент РФ В. Путин принял участие в заседании клуба "Валдай"
Президент РФ В. Путин принял участие в заседании клуба Валдай - Sputnik Արմենիա, 1920, 12.12.2021
Բաժանորդագրվեք
Ռուսաստանի Զինված ուժերում փորձառու-մարտական հերթապահություն են իրականացնում «Կինժալ» ավիահամալիրները, պետական փորձարկումներ է անցնում «Ցիրկոն» գերձայնային հրթիռը, մարտական հերթապահություն են իրականացնում «Ավանգարդ» ռազմավարական հրթիռները։
ԵՐԵՎԱՆ, 12 դեկտեմբերի – Sputnik. Ռուսաստանն այսօր առաջատար դիրք է զբաղեցնում աշխարհում ժամանակակից սպառազինությունների մշակման գծով, հայտարարել է ՌԴ նախագահ Վլադիմիր Պուտինը։

«ԱՄՆ-ի հետ մեր մոտավոր հավասարությունը պահպանվում է թե՛ կրիչների, թե՛ միջուկային զենքի մարտագլխիկների քանակով, բայց ամեն դեպքում մեր հեռանկարային մշակումներում մենք, անկասկած, առաջատար ենք։ Սա՝ առաջին։ Դե, ավանդաբար նաև սպառազինության մեջ եղած ներուժը ոչ թե պարզապես արդիականացնում ենք, մենք նոր համալիրներ են ավելացնում։ Կարելի է վստահաբար ասել, որ այդ ցուցանիշով մենք այսօր աշխարհում թիվ մեկն ենք»,-ասել է ՌԴ նախագահը «Россия 1» հեռուստաալիքով հեռարձակվող «Ռուսաստան․ նորագույն պատմություն» ֆիլմում։

Նա նշել է, որ այսօր միայն Ռուսաստանը գերձայնային զենք ունի, բայց վաղ թե ուշ այն կհայտնվի նաև մյուս առաջատար համաշխարհային տերությունների մոտ։
«Այն կհայտնվի նրանց մոտ։ Բայց ես կարծում եմ, որ մենք կկարողանանք մեր գործընկերներին հաճելիորեն զարմացնել, քանի որ, երբ նրանց մոտ այդ զենքը հայտնվի, մեզ մոտ, շատ մեծ հավանականությամբ, կհայտնվեն այդ զենքի դեմ պայքարի միջոցները»,-ավելացրել է Պուտինը։
Վլադիմիր Պուտին - Sputnik Արմենիա, 1920, 12.12.2021
«Տհաճ է հիշել, բայց». Պուտինը խոստովանել է, որ մասնավոր ուղևորափոխադրում է իրականացրել
Ներկայումս Ռուսաստանն աշխարհի միակ երկիրն է, որտեղ արդեն զորքերին մատակարարվում են գերձայնային հրթիռներ, հայտնում է ՌԻԱ Նովոստին։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала