https://arm.sputniknews.ru/20211213/haagaji-datarany-karevvor-dzevakerpumner-arec-yst-kirakvosjani-adrbejani-dimumy-hajelajin-e-36404740.html

Հաագայի դատարանը կարևոր ձևակերպումներ արեց. ըստ Կիրակոսյանի` Ադրբեջանի դիմումը հայելային է

Հաագայի դատարանը կարևոր ձևակերպումներ արեց. ըստ Կիրակոսյանի` Ադրբեջանի դիմումը հայելային է

Sputnik Արմենիա

ՄԻԵԴ-ում և Արդարադատության միջազգային դատարանում ՀՀ ներկայացուցիչը կարծում է, որ Հաագայի դատարանը ձևակերպումներ է արել, որոնք կարող են պետք գալ նաև գործի... 13.12.2021, Sputnik Արմենիա

2021-12-13T14:26+0400

2021-12-13T14:26+0400

2021-12-13T14:40+0400

միավորված ազգերի կազմակերպություն (մակ)

հաագայի դատարան

հայաստան

դատարան

https://cdn.am.sputniknews.ru/img/07e4/0a/1e/25118286_0:0:1600:901_1920x0_80_0_0_6c496aa42167648bd171cd71ee1eff06.jpg

ԵՐԵՎԱՆ, 13 դեկտեմբերի – Sputnik. Հաագայի դատարանը Հայաստանի ներկայացրած բովանդակային պահանջները բավարարել է։ Այսօր հրավիրված մամուլի ասուլիսի ժամանակ այս մասին ասաց ՄԻԵԴ-ում և արդարադատության միջազգային դատարանում ՀՀ ներկայացուցիչ Եղիշե Կիրակոսյանը` անդրադառնալով դեկտեմբերի 7-ին կայացված որոշմանը։Հայտնել էինք, որ ՄԱԿ-ի միջազգային դատարանը մասնակի բավարարել է Հայաստանն ընդդեմ Ադրբեջանի` խտրականության բոլոր ձևերի վերացման միջազգային կոնվենցիայի խախտման հիմքով գանգատը։ Սակայն Ադրբեջանում պահվող հայ գերիներին վերադարձնելու հարցով միջանկյալ միջոց կիրառելու` հայկական կողմի պահանջը մերժվել է։ Դատարանը մասնակի բավարարել է նաև Հայաստանի դեմ Ադրբեջանի կողմից ներկայացված համանման հայցը։Բացի այս, ըստ նրա, դատարանն արձանագրեց, որ գերեվարված անձանց նկատմամբ վերաբերմունքը պայմանավորված է նրանց` ազգությամբ հայ լինելով։ Դրանից ելնելով էլ դատարանը պարտավորեցրեց Ադրբեջանին ապահովել, որպեսզի գերեվարվածները չենթարկվեն մարդկային արժանապատվությունը նվաստացվող վերաբերմունքի։Կիրակոսյանը կարևորեց նաև այն, որ Հաագայի դատարանն արձանագրեց` պետք է զերծ մնալ էթնիկ հայերի նկատմամբ ատելության խոսքի տարածումից ու հրահրումից։Մասնավորապես, ըստ Կիրակոսյանի, կարևոր է, որ դատարանն ընդգծեց` երբ ատելության խոսք է տարածվում բարձրաստիճան պաշտոնյայի կողմից, այն կարող է անդառնալի հետևանքներ ունենալ։ Սրանով իսկ դատարանը պարտավորեցրեց, որ Ադրբեջանի պաշտոնատար անձանց կողմից ատելության քարոզ չիրականացվի։Նա հավելեց, որ կարևոր էր նաև դատարանի արձանագրումն առ այն, որ հայկական մշակութային ժառանգությունը պետք է պահպանվի, իսկ դրանք պղծողները պետք է պատասխանատվության ենթարկվեն։Իսկ ինչ վերաբերում է ադրբեջանական կողմի` ՄԱԿ-ի միջազգային դատարան ներկայացված դիմումին` Կիրակոսյանը նշեց, որ այն հայելային բնույթ է կրում և փորձել են կրկնօրինակել ՀՀ–ին։ Նա վստահեցնում է, որ Ադրբեջանի դիմումը ներառում էր հարցեր, որոնք դուրս էին կոնվենցիայի դրույթներից, օրինակ` քարտեզների տրամադրում, ականապատման աշխատանքներից զերծ մնալ և այլն։

https://arm.sputniknews.ru/20211208/erevany-baqvin-akanapat-dashteri-qarteznery-tvel-e-mak-i-datarani-vorvoshumic-3-or-araj-36173104.html

https://arm.sputniknews.ru/20211208/mak-i-datarani-vorvoshumnern-artacvolum-en-mer-pastarkneri-yndunumy-hh-agni-ardzaganqy-36183897.html

2021

Լուրեր

am_HY

միավորված ազգերի կազմակերպություն (մակ), հաագայի դատարան, հայաստան, դատարան