Ռուսաստան այցը լավ փորձ է հայաստանցի սկսնակ մասնագետների համար. Պրիմակով

© Sputnik / Владимир Федоренко / Անցնել ֆոտոբանկԵվգենի Պրիմակով
Եվգենի Պրիմակով - Sputnik Արմենիա, 1920, 13.12.2021
Եվգենի Պրիմակով. Արխիվային լուսանկար
Բաժանորդագրվեք
Լրանում է Ռոսսոտրուդնիչեստվոյի «Նոր սերունդ» ծրագրի 10-ամյակը, և Հայաստանը դրա ամենաակտիվ մասնակիցներից մեկն է։
ԵՐԵՎԱՆ, 13 դեկտեմբերի – Sputnik. Ռուսաստան այցելությունն ու ռուսաստանցի գործընկերների հետ հանդիպումը լավ փորձ է հայաստանյան սկսնակ մասնագետների համար։ Այս մասին Երևանում «Նոր սերունդ» ֆորումի բացման ժամանակ հայտարարեց Ռոսսոտրուդնիչեստվո դաշնային գործակալության ղեկավար Եվգենի Պրիմակովը, որը ֆորումին ելույթ ունեցավ հեռահար։
Նա հույս հայտնեց, որ առաջիկայում հայ գործընկերների հետ հնարավոր կլինի շփվել նաև առկա ձևաչափով։

Պրիմակովը հիշեցրեց, որ այս տարի լրանում է «Նոր սերունդ» ծրագրի 10 տարին, և Հայաստանը դրա ամենաակտիվ մասնակիցներից մեկն է։ Ծրագիրը նախատեսում է երիտասարդների այցելություններ Ռուսաստան։

«Երիտասարդ մասնագետների այցելությունն իրականացվում է կա՛մ անմիջապես Ռոսսոտրուդնիչեստվոյի, կա՛մ Գորչակովի անվան հիմնադրամի նման գործընկեր կազմակերպության միջոցով։ Տարբեր բնագավառների մասնագետները հանդիպումներ են ունենում ռուսաստանցի գործընկերների հետ և համատեղ հետազոտական աշխատանք իրականացնում։ Այդպիսով` այցերն ու հանդիպումները միայն զբոսաշրջությամբ չեն սահմանափակվում, թեև իհարկե Ռուսաստան այցելելը հետաքրքիր և հաճելի է», – հավելեց Պրիմակովը։
Ռուսաստանի արտակարգ և լիազոր դեսպան Սերգեյ Կոպիրկինի ելույթը «Նոր սերունդ - 2021» համաժողովում (13 դեկտեմբերի, 2021թ)․ Երևան - Sputnik Արմենիա, 1920, 13.12.2021
«3+3»-ը պետք է դրական միտում մտցնի տարածաշրջանի երկրների հարաբերություններում. ՌԴ դեսպան
Նա նշեց, որ երկօրյա կոնֆերանսի ընթացքում կներկայացվեն և՛ սկսնակ մասնագետների, և՛ ուսանողների` այդ թվում ռուսական կողմի հետ համատեղ կազմած նախագծերը։
Նշենք, որ ֆորումի բացմանը ելույթ ունեցան ՀՀ ԿԳՄՍ փոխնախարար կարեն Թռչունյանը, բարձր տեխնոլոգիական արդյունաբերության փոխնախարար Դավիթ Սահակյանը, ինչպես նաև Հայաստանում ՌԴ դեսպան Սերգեյ Կոպիրկինը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала