https://arm.sputniknews.ru/20211213/talinum-hetyntrakan-krqery-chen-marum-hajqy-hrazharvum-e-avaganu-mandatneric-36437241.html

Թալինում հետընտրական կրքերը չեն մարում. «Հայքը» հրաժարվում է ավագանու մանդատներից

Թալինում հետընտրական կրքերը չեն մարում. «Հայքը» հրաժարվում է ավագանու մանդատներից

Sputnik Արմենիա

Կուսակցության նախընտրական ցուցակը գլխավորող Կարեն Գրիգորյանը բացատրել է, թե ինչու են որոշել հրաժարվել մանդատներից։ 13.12.2021, Sputnik Արմենիա

2021-12-13T22:29+0400

2021-12-13T22:29+0400

2021-12-13T22:30+0400

հայաստան

մանդատ

թալին

https://cdn.am.sputniknews.ru/img/07e5/0a/11/34370141_0:192:2048:1344_1920x0_80_0_0_62677d43ac5122980b88e9235f3aa758.jpg

ԵՐԵՎԱՆ, 13 դեկտեմբերի – Sputnik. Թալին խոշորացված համայնքում ավագանու 3 մանդատ ստացած «Հայք» կուսակցությունը հրաժարվում է իր մանդատներից։ Այդ մասին հայտարարել է կուսակցության նախընտրական ցուցակը գլխավորող Կարեն Գրիգորյանը։«Դեկտեմբերի 5-ին կայացած տեղական ինքնակառավարման մարմինների ընտրությունների հետընտրական լարվածությունը թոթափելու նպատակով Թալին խոշորացված համայնքում առաջադրված «Հայք» լիբերալ կուսակցությունը որոշում է կայացրել հրաժարվել մանդատներից։ Թեկնածուները կներկայացնեն ինքնաբացարկի դիմումներ»,- գրել է Գրիգորյանը Facebook-ի իր էջում։Հիշեցնենք` ընտրություններից հետո` դեկտեմբերի 7-ին, Թալին խոշորացված համայնքի ավագանու ընտրություններին մասնակցած ու ավագանու մանդատներ ստացած 3 քաղաքական ուժերը՝ «Զարթոնք» ազգային քրիստոնեական կուսակցությունը, «Հայք» լիբերալ կուսակցությունն ու «Մեր համայնքը» կուսակցությունների դաշինքը հայտարարել էին, որ որոշել են համատեղ ստանձնել Թալին համայնքի կառավարման պատասխանատվությունը փոխադարձ հարգանքի և փոխօգնության սկզբունքներով և Թալին համայնքի ղեկավարի պաշտոնում առաջադրելու ու պաշտպանելու են «Հայքի» ներկայացուցչին:Այսօր, սակայն, «Զարթոնք» ազգային քրիստոնեական կուսակցությունը հայտարարել է, որ իրենց թիմի անդամներից 3-ին բերման են ենթարկել ՀՀ ոստիկանության Թալինի բաժին:Նշենք, որ Թալին խոշորացված համայնքում «Քաղաքացիական պայմանագիր» կուսակցությունը ստացել էր ընտրողների ձայների 46,63%–ը, իսկ «Զարթոնք» ազգային քրիստոնեական կուսակցությունը, «Հայք» լիբերալ կուսակցությունն ու «Մեր համայնքը» կուսակցությունների դաշինքը միասին` 53,37 տոկոսը։ Այսինքն` կոալիցիա կազմելու դեպքում ռեալ շանսեր ունեին ստանձնելու համայնքի իրական ղեկավարումը։Նշենք, որ 3 ընդդիմադիր ուժերից ամենաշատ ձայները ստացել էր «Զարթոնքը»` 2882 քվե կամ 26,68%, երկրորդ տեղում «Հայքն» էր` 1624 քվե կամ 15,04%, երրորդը` «Մեր համայնքը»`1258 քվե կամ 11,65%։Իշխանությանը տրված «ժողովրդի մանդատը» նվազում է. Խաչատրյանը` ՏԻՄ ընտրությունների մասին

https://arm.sputniknews.ru/20211206/tim-yntrutjunnery-ev-mardkanc-hiastaputjuny-qpum-haskanum-en-vor-heghinakazrkvel-en-36106983.html

https://arm.sputniknews.ru/20211207/hhum-tim-yntrutjunnery-lav-ein-kazmakerpvatsamn-despanatuny-hajtararutjun-e-taratsel-36125229.html

թալին

2021

Լուրեր

am_HY

հայաստան, մանդատ, թալին