Գլխավոր դատախազությունը վճռաբեկ բողոք է ներկայացրել Քոչարյանի և մյուսների գործով

© Sputnik / Aram NersesyanՌոբերտ Քոչարյանը «Մարտի 1-ի» գործով դատական նիստի ժամանակ (16 նոյեմբերի, 2021թ․). Երևան
Ռոբերտ Քոչարյանը «Մարտի 1-ի» գործով դատական նիստի ժամանակ (16 նոյեմբերի, 2021թ․). Երևան - Sputnik Արմենիա, 1920, 14.12.2021
Բաժանորդագրվեք
НовостиTelegram
Դատախազները ցանկանում են, որ Վճռաբեկը բեկանի Վերաքննիչ դատարանի որոշումը։
ԵՐԵՎԱՆ, 14 դեկտեմբերի – Sputnik. Հայաստանի գլխավոր դատախազությունը վճռաբեկ բողոք է ներկայացրել ՀՀ երկրորդ նախագահ Ռոբերտ Քոչարյանի և մյուսների գործով Վերաքննիչ դատարանի որոշման դեմ։ Այս մասին լրագրողների հետ զրույցում ասաց ՀՀ գլխավոր դատախազի տեղակալ Գևորգ Բաղդասարյանը։
Նա ընդգծեց, որ Վերաքննիչ դատարանը հիմնականում համաձայնել է Առաջին ատյանի դատարանի դիրքորոշման հետ` առանց հավելյալ հիմքեր ներկայացնելու։
Роберт Кочарян на заседании суда по вопросу частичного снятия ареста с его имущества (24 июля 2019). Еревaн - Sputnik Արմենիա, 1920, 26.03.2021
Ռոբերտ Քոչարյանի նկատմամբ 300.1 հոդվածով քրեական հետապնդումը դադարեցվում է. փաստաբան
Նշենք, որ Վերաքննիչ դատարանը մերժել է Ռոբերտ Քոչարյանի և մյուսների նկատմամբ ՀՀ քրեական օրենսգրքի 300.1 հոդվածով արդարացնելու մասին Առաջին ատյանի դատարանի ոլոշումը չեղարկելու` դատախազության բողոքը։

«Մենք ծանոթացել ենք պատճառաբանական մասին։ Վճռաբեկ բողոքն արդեն պատրաստ է և ուղարկվել է դատարան, սակայն չգիտեմ` արդեն ստացել են, թե ոչ»,– նշեց Բաղդասարյանը և հավելեց, որ ցանկանում են, որպեսզի Վճռաբեկը բեկանի Վերաքննիչ դատարանի որոշումը։

Հիշեցնենք` ՀՀ Սահմանադրական դատարանը մարտի 26-ին անվավեր և հակասահմանադրական ճանաչեց ՀՀ քրեական օրենսգրքի 300.1 հոդվածը։ Սահմանադրական դատարանը սահմանեց, որ 300․1 հոդվածը հակասում է Սահմանադրության 78 և 79-րդ հոդվածներին։ ՍԴ որոշումը վերջնական է և ուժի մեջ է մտնում հրապարակման պահից։
Ապրիլի 6-ին Երևանի ընդհանուր իրավասության դատարանը բավարարեց «Մարտի 1»-ի գործով պաշտպանական կողմի միջնորդությունը` ՍԴ–ի որոշմամբ հակասահմանադրական ճանաչված 300․1 հոդվածով քրեական հետապնդումը ՀՀ երկրորդ նախագահ Ռոբերտ Քոչարյանի, ՀՀ նախկին փոխվարչապետ Արմեն Գևորգյանի, ՀՀ պաշտպանության նախկին նախարար Սեյրան Օհանյանի ու ԳՇ նախկին պետ, ՀԱՊԿ նախկին գլխավոր քարտուղար Յուրի Խաչատուրովի նկատմամբ դադարեցնելու մասին։
Սեյրան Օհանյանն ու Յուրի Խաչատուրովն ընդհանրապես ազատվեցին քրեական հետապնդումից, քանի որ նրանք մեղադրվում էին միայն Քրեական օրենսգրքի 300․1 հոդվածով։ Դատարանը որոշեց նրանց նկատմամբ ընտրված խափանման միջոցները վերացնել, գույքի վրա դրված կալանքը հանել։
«Մարտի 1»-ի գործով ամբաստանյալներ Ռոբերտ Քոչարյանի ու Արմեն Գևորգյանի նկատմամբ քրեական հետապնդումը դադարեցվեց միայն վերոհիշյալ հոդվածով։
Լրահոս
0