https://arm.sputniknews.ru/20211214/hajrs-khpartanar-qim-qardashjany-handznel-e-qnnutjuny-36472356.html
«Հայրս կհպարտանար». Քիմ Քարդաշյանը հանձնել է քննությունը
«Հայրս կհպարտանար». Քիմ Քարդաշյանը հանձնել է քննությունը
Sputnik Արմենիա
Դեռևս 2018 թվականին հեռուստաաստղը բոլորի համար անսպասելի հայտարարել էր, որ ուզում է իրավաբան դառնալ։ Այն ժամանակ քչերն էին լուրջ ընդունել նրա որոշումը։ 14.12.2021, Sputnik Արմենիա
2021-12-14T20:33+0400
2021-12-14T20:33+0400
2021-12-14T20:35+0400
քիմ քարդաշյան
քննություն
https://cdn.am.sputniknews.ru/img/2069/94/20699497_0:0:1600:901_1920x0_80_0_0_36605a3bd1ce3ef1495fb1e3f22e8efa.jpg
ԵՐԵՎԱՆ, 14 դեկտեմբերի – Sputnik. Ամերիկահայ հեռուստաաստղ Քիմ Քարդաշյանը հանձնել է Կալիֆոռնիայի փաստաբանների կոլեգիայի կողմից հավաստագրված քննությունը, ինչը թույլ է տալիս նրան աշխատել որպես փաստաբան։ Քարդաշյանն այդ մասին գրել է Instagram–ի իր էջում և գրառմանը կից լուսանկարներ հրապարակել։Նշենք, որ վերջին երկու տարվա ընթացքում հեռուստաաստղը երեք անգամ չէր հանձնել թեստը, սա նրա չորրորդ փորձն էր։Գրառման մեջ մոդելը հիշատակել էր նաև հանգուցյալ հորը` ամերիկացի իրավաբան Ռոբերտ Քարդաշյանին. «Գիտեմ, որ հայրս կհպարտանար ինձնով և միաժամանակ կզարմանար, երբ իմանար` ինչ ճանապարհ եմ ես այսօր անցնում։ Նա իմ լավագույն ուսուցիչն էր»։Ավելի վաղ Քիմը խոստովանել էր, որ հայրն այս քննությունը առաջին փորձից էր հանձնել։ Քարդաշյանի խոսքով` այն հաջողությամբ է հանձնում սկսնակ իրավաբանների միայն 20%–ը։ Ինքը պարապմունքներին օրական 10 ժամ է հատկացրել։Իրավաբանության առաջին կուրսի ուսանողների համար նախատեսված այս քննությունը Կալիֆոռնիայում անցկացվում է հունիսին և նոյեմբերին։Նշենք, որ Քիմն արդեն մի քանի տարի է, ինչ լրջորեն զբաղվում է իրավաբանությամբ։ 2018 թվականին Քարդաշյանի ջանքերով ազատ էր արձակվել ցմահ դատապարտված Էլիս Ջոնսոնը։ Քիմն անձամբ էր այցելել Սպիտակ տուն, զրուցել ԱՄՆ նախկին նախագահ Դոնալդ Թրամփի հետ և խնդրել ներում շնորհել Ջոնսոնին, որը ճաղերի հետևում էր անցկացրել ավելի քան 20 տարի և այդ ընթացքում օրինակելի վարք դրսևորել։Քարդաշյանը դատարանից պահանջել է վերականգնել իր օրիորդական ազգանունըՔիմն իրավաբանության նկատմամբ հետաքրքրությունը ժառանգել է հորից, որը ճանաչման էր հասել ամերիկացի ֆուտբոլիստ աստղ Օ. Ջեյ Սիմփսոնի աղմկահարույց գործի շնորհիվ։ Ֆուտբոլիստը մեղադրվում էր նախկին կնոջ ու նրա ընկերոջ սպանության համար։ Քարդաշյանին հաջողվել էր ապացուցել Սիմփսոնի անմեղությունը, թեև բոլոր հանցանշանները նրա դեմ էին։
https://arm.sputniknews.ru/20211204/inch-sirun-es-qim-qardashjany-hiacrel-e-vraci-dizajneri-zgestvov-36034657.html
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
քիմ քարդաշյան, քննություն
քիմ քարդաշյան, քննություն
«Հայրս կհպարտանար». Քիմ Քարդաշյանը հանձնել է քննությունը
20:33 14.12.2021 (Թարմացված է: 20:35 14.12.2021) Դեռևս 2018 թվականին հեռուստաաստղը բոլորի համար անսպասելի հայտարարել էր, որ ուզում է իրավաբան դառնալ։ Այն ժամանակ քչերն էին լուրջ ընդունել նրա որոշումը։
ԵՐԵՎԱՆ, 14 դեկտեմբերի – Sputnik. Ամերիկահայ հեռուստաաստղ Քիմ Քարդաշյանը հանձնել է Կալիֆոռնիայի փաստաբանների կոլեգիայի կողմից հավաստագրված քննությունը, ինչը թույլ է տալիս նրան աշխատել որպես փաստաբան։ Քարդաշյանն այդ մասին գրել է Instagram–ի իր էջում և գրառմանը կից լուսանկարներ հրապարակել։
«Հայելու մեջ տեսնում եմ մի կնոջ, որի արտացոլանքով հպարտանում եմ։ Ովքեր պատկերացում անգամ չունեն, թե ինչի միջով եմ անցել իրավաբանությանը հասնելու ճանապարհին, թող իմանան, որ հեշտ չէր», – գրել է Քիմը։
Նշենք, որ վերջին երկու տարվա ընթացքում հեռուստաաստղը երեք անգամ չէր հանձնել թեստը, սա նրա չորրորդ փորձն էր։
Գրառման մեջ մոդելը հիշատակել էր նաև հանգուցյալ հորը` ամերիկացի իրավաբան Ռոբերտ Քարդաշյանին. «Գիտեմ, որ հայրս կհպարտանար ինձնով և միաժամանակ կզարմանար, երբ իմանար` ինչ ճանապարհ եմ ես այսօր անցնում։ Նա իմ լավագույն ուսուցիչն էր»։
Ավելի վաղ Քիմը խոստովանել էր, որ հայրն այս քննությունը առաջին փորձից էր հանձնել։ Քարդաշյանի խոսքով` այն հաջողությամբ է հանձնում սկսնակ իրավաբանների միայն 20%–ը։ Ինքը պարապմունքներին օրական 10 ժամ է հատկացրել։
Իրավաբանության առաջին կուրսի ուսանողների համար նախատեսված այս քննությունը Կալիֆոռնիայում անցկացվում է հունիսին և նոյեմբերին։
Նշենք, որ Քիմն արդեն մի քանի տարի է, ինչ լրջորեն զբաղվում է իրավաբանությամբ։ 2018 թվականին
Քարդաշյանի ջանքերով ազատ էր արձակվել ցմահ դատապարտված Էլիս Ջոնսոնը։ Քիմն անձամբ էր այցելել Սպիտակ տուն, զրուցել ԱՄՆ նախկին նախագահ Դոնալդ Թրամփի հետ և խնդրել ներում շնորհել Ջոնսոնին, որը ճաղերի հետևում էր անցկացրել ավելի քան 20 տարի և այդ ընթացքում օրինակելի վարք դրսևորել։
Քիմն իրավաբանության նկատմամբ հետաքրքրությունը ժառանգել է հորից, որը ճանաչման էր հասել ամերիկացի ֆուտբոլիստ աստղ Օ. Ջեյ Սիմփսոնի աղմկահարույց գործի շնորհիվ։ Ֆուտբոլիստը մեղադրվում էր նախկին կնոջ ու նրա ընկերոջ սպանության համար։ Քարդաշյանին հաջողվել էր ապացուցել Սիմփսոնի անմեղությունը, թեև բոլոր հանցանշանները նրա դեմ էին։
