Թոխատյանը, Խաչատուրովը և Բագրատ Սրբազանը կերաշխավորեն «Աշոտ Երկաթին» ազատ արձակելու համար

© Sputnik / Asatur YesayantsКомандир отряда "Сисакан" Ашот Минасян на митинге оппозиции на проспекте Баграмяна перед зданием Национального Собрания Армении (3 марта 2021). Еревaн
Командир отряда Сисакан Ашот Минасян на митинге оппозиции на проспекте Баграмяна перед зданием Национального Собрания Армении (3 марта 2021). Еревaн - Sputnik Արմենիա, 1920, 14.12.2021
Բաժանորդագրվեք
Yandex newsTelegram
«Սիսական» կամավորական ջոկատի հրամանատար Աշոտ Մինասյանին ավելի վաղ կալանավորել էին Վերաքննիչ դատարանի որոշմամբ:
ԵՐԵՎԱՆ, 14 դեկտեմբերի – Sputnik. Գեներալը, ժողովրդական արտիստն ու եպիսկոպոսը «Սիսական» ջոկատի հրամանատար Աշոտ Մինասյանի խափանման միջոցը փոխելու վերաբերյալ երաշխավորությամբ հանդես գալու պատրաստակամություն են հայտնել։ Տեղեկությունը Facebook-ի իր էջում հայտնել է Աշոտ Մինասյանի պաշտպանության խորհուրդը։

«Հայ առաքելական եկեղեցու Տավուշի թեմի առաջնորդ, եպիսկոպոս Բագրատ Սրբազան Գալստանյանը, ՀՀ ԶՈւ պահեստազորի գեներալ-մայոր, «Մարտական խաչ» 1-ին աստիճանի շքանշանակիր Գրիգորի Խաչատուրովը, ՀՀ ժողովրդական արտիստ Հրանտ Թոխատյանը «Սիսական» ջոկատի հրամանատար Աշոտ Մինասյանի խափանման միջոց կալանքը փոխելու վերաբերյալ անձնական երաշխավորությամբ հանդես գալու պատրաստակամություն են հայտնել»,– գրել են հայտարարության մեջ։

Հիշեցնենք, որ Աշոտ Մինասյանը կալանավորվել է դեկտեմբերի 1-ին, որոշումը կայացրել է ՀՀ վերաքննիչ քրեական դատարանի դատավոր Տիգրան Սիմոնյանը` բավարարելով քննիչի 2020 թվականի նոյեմբերի 15-ի միջնորդությունը։
Ավելի վաղ ՀՀ վճռաբեկ դատարանը մասնակիորեն բավարարել էր ՀՀ գլխավոր դատախազության բողոքը Աշոտ Մինասյանի խափանման միջոցը կալանքի փոխելու հիմքերի մասով նոր քննություն անցկացնելու համար։
Աշոտ Մինասյան - Sputnik Արմենիա, 1920, 01.12.2021
«Սիսական» ջոկատի հրամանատար, Արցախյան 3 պատերազմի մասնակից Աշոտ Մինասյանը կալանավորվել է
Մինասյանին մեղադրանք է առաջադրվել իշխանության յուրացման նախապատրաստման, պետական, քաղաքական կամ հասարակական գործչի, մասնավորապես ՀՀ վարչապետի գործունեությունը դադարեցնելու նպատակով նրա սպանության նախապատրաստման, այդ նպատակով մի խումբ անձանց կողմից նախնական համաձայնությամբ ապօրինի կերպով զենք, ռազմամթերք, ձեռք բերելու, պահելու հանցավոր արարքները կատարելու համար։
Ашот Минсанян - Sputnik Արմենիա, 1920, 14.12.2021
«Սիսական» ջոկատի մարտիկները դատապարտում են Աշոտ Մինասյանի նկատմամբ քրեական հետապնդումները
Ինչպես Երևան քաղաքի ընդհանուր իրավասության առաջին ատյանի դատարանը, այնպես էլ ՀՀ վերաքննիչ քրեական դատարանը մերժել էին Մինասյանի նկատմամբ կալանքը որպես խափանման միջոց կիրառելու վերաբերյալ վարույթն իրականացնող մարմնի և դատախազության միջնորդությունները: Մեղսագրվող բոլոր երեք հանցավոր արարքներին նրա առնչությունը հիմնավորված չէր համարվել հիմնավոր կասկածի բացակայության պատճառաբանությամբ:
Լրահոս
0