Ֆիլմի ստեղծումից մինչև ցուցադրություններ. Գրականության և արվեստի թանգարանի 100-ամյակն է

© Photo : Facebook / Գրականության և արվեստի թանգարան /Museum of Literature and Art/Եղիշե Չարենցի անվան գրականության և արվեստի թանգարան
Եղիշե Չարենցի անվան գրականության և արվեստի թանգարան - Sputnik Արմենիա, 1920, 15.12.2021
Բաժանորդագրվեք
Գրականության և արվեստի թանգարանում կան գրեթե 2 մլն-ի հասնող ցուցանմուշներ:
ԵՐԵՎԱՆ, 15 դեկտեմբերի - Sputnik. Եղիշե Չարենցի անվան գրականության և արվեստի թանգարանն այս տարի տոնում է իր 100-ամյակը։ Հոբելյանին նվիրված մի շարք միջոցառումների շրջանակում այսօր վավերագրական կարճամետրաժ ֆիլմի` «Ձայն մեծացի» ցուցադրություն էր:
«Ձայն մեծացի» ռեժիսոր Ռազմիկ Գրիգորյանն ասում է, որ փորձել են ֆիլմն այնպես ստեղծել, որ առանց ձայնի նայելու դեպքում անգամ հանդիսատեսը հասկանա, թե ինչի այն մասին է: Ֆիլմում ցուցադրվել է ընդամենը 8 ցուցանմուշ:
Գրականության և արվեստի թանգարանի հասարակայնության հետ կապերի և մարքեթինգի բաժնի միջոցառումների կազմակերպման պատասխանատու Անի Երեմյանը, որը նաև ֆիլմի պրոդյուսերն է, Sputnik Արմենիայի հետ զրույցում նշեց, որ թանգարանն արդեն 100 տարի է ինչ «տուն է դարձել» հայ գրականության, թատրոնի և կինոարվեստի երևելիների արխիվների համար:
Кинокамера - Sputnik Արմենիա, 1920, 07.12.2021
Չիլինգարյանի ֆիլմը լավագույնն է ճանաչվել Tokyo Film Awards մրցույթի անվանակարգերից մեկում
Երեմյանը նաև ընդգծեց, որ տարվա սկզբից թանգարանի 100-ամյակին նվիրված մի շարք միջոցառումներ են նախաձեռնվել և իրականացվել: Մինչ այս իրականացվել է ցուցադրություն «Տաշիր սթրիթ» գալերեայի հետ համատեղ՝ «Նվեր Երևանին» խորագրով: Այնտեղ ներկայացված են եղել հայ մեծերի ստացած և տված նվերները:
Մինչ տարվա վերջ լինելու է ևս մի քանի միջոցառում, դրանցից որոշները բարեգործական են լինելու և իրականացվելու են խնամքի կենտրոնի սաների համար, որպեսզի մանուկներն էլ ներգրավված լինեն այդ միջոցառումներին:
Գրականության և արվեստի թանգարանում կան գրեթե 2 մլն-ի հասնող ցուցանմուշներ:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала