https://arm.sputniknews.ru/20211216/inchu-en-hatkapes-ajs-gerinery-kalanavvorvel-mipy-hamvozich-chi-hamarum-himnavvorumnery-36567485.html

Ինչո՞ւ են հատկապես այս գերիները կալանավորվել. ՄԻՊ–ը համոզիչ չի համարում հիմնավորումները

Ինչո՞ւ են հատկապես այս գերիները կալանավորվել. ՄԻՊ–ը համոզիչ չի համարում հիմնավորումները

Sputnik Արմենիա

Արման Թաթոյանի համոզմամբ` բարձրաստիճան պաշտոնյաների հրապարակային հայտարարությունները խախտել են ՀՀ գերեվարված զինծառայողների անմեղության կանխավարկածի իրավունքը: 16.12.2021, Sputnik Արմենիա

2021-12-16T18:09+0400

2021-12-16T18:09+0400

2021-12-16T18:20+0400

հայաստան

արման թաթոյան

գերի

https://cdn.am.sputniknews.ru/img/07e4/0c/1e/25954650_0:0:1600:901_1920x0_80_0_0_0c5dfbddf9a089c750d2d575ace30f67.jpg

ԵՐԵՎԱՆ, 16 դեկտեմբերի – Sputnik. Հայաստանի մարդու իրավունքների պաշտպան Արման Թաթոյանը համոզիչ չի համարում ադրբեջանական գերությունից վերադարձած 4 զինծառայողների կալանավորումների իրավաչափությունը։ Նա այդ մասին գրել է Facebook–ի իր էջում։2021թ. նոյեմբերի 14-ի և 16-ի ադրբեջանական զինված հարձակումներից հետո ադրբեջանական զինված ուժերի կողմից գերեվարված և գերությունից վերադառնալուց հետո Հայաստանում ազատությունից զրկվել են չորս զինծառայողներ։ՄԻՊ–ը նշել է, որ քրեական դատավարության հետ կապ չունեցող՝ ՀՀ գործադիր և օրենսդիր մարմինների մի շարք բարձրաստիճան ներկայացուցիչների կողմից արված հայտարարությունները խախտել են ՀՀ գերեվարված զինծառայողների անմեղության կանխավարկածի իրավունքը՝ որպես արդար դատաքննության հիմնարար բաղադրատարր:Նրա խոսքով` առկա են բազմաթիվ ապացույցներ առ այն, որ ադրբեջանական զինված ուժերը, իրավապահ մարմինները և այլ ծառայողներ հայ գերիների նկատմամբ գործել են տարբեր հանցանքներ, բացի այդ, ադրբեջանական իշխանությունները, գերիների իրավունքների միջազգային կանոնների խախտմամբ, արհեստական ձգձգել են և շարունակում են ձգձգել գերիների հայրենադարձությունը։«Ուստի Մարդու իրավունքների պաշտպանի գրությամբ պարզաբանումներ կպահանջվեն այն մասին, թե ՀՀ քրեական հետապնդման մարմինն ինչ միջոցներ է ձեռնարկել ՀՀ զինծառայողների իրավունքների խախտումների, այն է՝ նշված հանցանքների մեջ մեղավոր անձանց պարզելու և նրանց քրեական պատասխանատվության ենթարկելն ապահովելու ուղղությամբ»,– նշել է Թաթոյանը։Ըստ նրա՝ պարզաբանման է ենթակա նաև այն հարցը, թե քրեական քաղաքականության ինչ կանոններ են հիմք ընդունվում գերությունից վերադարձած զինծառայողներին կալանքի միջնորդություններ ներկայացնելու հարցում և ինչու հատկապես 2021թ. նոյեմբերի 14-ին ու 16-ին գերեվարված զինծառայողների համար ներկայացվեցին կալանքի միջնորդություններ, որոնք անմիջապես հաջորդեցին գործադիր ու օրենսդիր մարմինների բարձրաստիճան պաշտոնյաների հայտարարություններից հետո:Մարդու իրավունքների պաշտպանի աշխատակազմը նշված զինծառայողների բացի, ՔԿՀ-ներում դեկտեմբերի 14-ին առանձնազրույցներ է ունեցել նաև այն զինծառայողների հետ, որոնք կալանավորվել են՝ կապված նոյեմբերի 14-ի և 16-ի ադրբեջանական զինված հարձակումների հետ, բայց չեն գերեվարվել: Նրանց իրավունքների հարցով նույնպես գրություն կուղարկվի քրեական հետապնդման մարմնին:Թաթոյանը հատուկ շեշտել է` իր այս հայտարարությունով քրեական հետապնդման մարմինների կողմից նշված հարցերով քրեական գործեր կամ քրեական հետապնդումներ հարուցելը կամ չհարուցելը կասկածի տակ չի դրվում. այն վերաբերում է գերությունից վերադարձած 4 զինծառայողներին ազատությունից զրկելու, այն է՝ կալանավորելու իրավաչափությանը։

https://arm.sputniknews.ru/20211216/hh-mipn-u-mazts-nerkajacucichy-qnnarkel-en-baqvum-pahvogh-haj-gerineri-veradardzi-harcy--36556564.html

https://arm.sputniknews.ru/20211215/andreasjany-ekh-glkhavvor-qartugharin-e-nerkajacrel-adrbejanum-pahvvogh-haj-gerineri-khndirnery-36481773.html

2021

Լուրեր

am_HY

հայաստան, արման թաթոյան, գերի