https://arm.sputniknews.ru/20211217/erevanum-evs-3-mankapartez-e-handznvum-shahagvortsman-36599912.html

Երևանում ևս 3 մանկապարտեզ է հանձնվում շահագործման

Երևանում ևս 3 մանկապարտեզ է հանձնվում շահագործման

Sputnik Արմենիա

Երևանում քաղաքապետարանի ենթակայությամբ ընդհանուր առմամբ գործում է 161 մանկապարտեզ։ 17.12.2021, Sputnik Արմենիա

2021-12-17T13:36+0400

2021-12-17T13:36+0400

2021-12-17T13:55+0400

տեսանյութեր

տեսանյութ

հայկ մարության

երեխա

քաղաքապետ

երևան

https://cdn.am.sputniknews.ru/img/07e5/0c/11/36596777_0:0:1280:720_1920x0_80_0_0_f1adf12188f5a7f76fa1b2dd6c2949f6.jpg

Երևանում ևս 3 մանկապարտեզ, որոնք կառուցման օրից երբեք չեն վերանորոգվել, այսօր արդեն հանձնվում են շահագործման։ Տեղեկությունը Facebook-ի իր էջում հայտնել է Երևանի քաղաքապետ Հայկ Մարությանը, որն իր հրաժարականի պահանջի ֆոնին, այնուամենայնիվ, այցելել է այդ կառույցներ և ծանոթացել կատարված աշխատանքներին։Նա գրառմանը կից նաև տեսանյութ է հրապարակել։ Տեսանյութում երևում է, որ Մարությանն այցելել է Երևանի թիվ 107, 5 և 144 մանկապարտեզներ։Այնտեղ հիմնանորոգում է կատարվել` փոխվել է ջրահեռացման համակարգը, տանիքները, դռներն ու պատուհանները, ներքին հաղորդալարերը, կառուցվել են ավելի հարմարավետ սանհանգույցներ։«Ինձ համար առաջնային է Երևանցիների անվտանգության հարցը, այս դեպքում էլ` փոքրիկների, որոնք հաճախելու են մանկապարտեզներ։ Մենք աշխատում են հնարավորինս շատ շենքեր հիմնանորոգել սեյսմիկ անվտանգությունն ապահովելով»,– ասել է Մարությանը։Նշենք, որ 2020 թվականին Երևանում քաղաքային բյուջեով հիմնանորոգվել է 12 մանկապարտեզ, իսկ 2021–ին դեռ 5-ի աշխատանքներն ընթացքի մեջ են։ Եվս 14 մանկապարտեզ հիմնանորոգվում են Էներգաարդյունավետության ծրագրով։Երևանում քաղաքապետարանի ենթակայության տակ ընդհանուր առմամբ գործում է 161 մանկապարտեզ։Հիշեցնենք` Երևանի ավագանու «Իմ քայլը» խմբակցությունը քաղաքապետ Հայկ Մարությանին անվստահություն հայտնելու գործընթաց է սկսել: Նախնական տվյալներով` 39 ստորագրություն արդեն կա։«Լուսավոր Հայաստան» կուսակցությունը հայտնել է, որ չի միանա Երևանի քաղաքապետ Հայկ Մարությանին անվստահություն հայտնելու նախաձեռնությանը։

https://arm.sputniknews.ru/20211027/vor-erekhaneri-snundy-chtuzhiqaghaqapetarany-mankapartezneri-vtsharneri-pvopvokhutjan-masin-34728057.html

երևան

2021

Լուրեր

am_HY

տեսանյութեր, տեսանյութ, հայկ մարության, երեխա, քաղաքապետ, երևան