Իմքայլական Գրիգոր Երիցյանը դադարեցնում է Երևանի ավագանու անդամի իր լիազորությունները

© Sputnik / Asatur YesayantsԳրիգոր Երիցյան
Գրիգոր Երիցյան - Sputnik Արմենիա, 1920, 17.12.2021
Գրիգոր Երիցյան. Արխիվային լուսանկար
Բաժանորդագրվեք
НовостиTelegram
Գրիգոր Երիցյանը շնորհակալություն է հայտնել Հայկ Մարությանին մայրաքաղաքի նկատմամբ հոգատարության, համատեղ աշխատանքի և հայաստանյան քաղաքական մշակույթին այդքան խորթ ազնվության և սկզբունքայնության համար:
ԵՐԵՎԱՆ, 17 դեկտեմբերի – Sputnik. Երևանի ավագանու «Իմ քայլը» խմբակցության անդամ Գրիգոր Երիցյանը որոշում է կայացրել դադարեցնել Երևանի ավագանու անդամի իմ լիազորությունները։ Երիցյանը ֆեյսբուքյան էջում հայտնել է իր որոշման մասին։

«Իմ սկզբունքային անհամաձայնությունն եմ հայտնում ավագանու «Իմ քայլը» խմբակցության՝ Երևանի գործող քաղաքապետ Հայկ Մարությանին անվստահություն հայտնելու նախաձեռնությանը»,–գրել է նա։

Երիցյանը նշել է, որ անկախ ներթիմային տարաձայնություններից՝ վերջին 3 տարիների ընթացքում հեղինակել է մի շարք համայնքային օրենսդրական նախագծեր, իր ներդրումն է ունեցել քաղաքի համար առանցքային բարեփոխումների իրականացմանը, փորձել է երևանցիների ձայնը լսելի դարձնել քաղաքային տնտեսությանը վերաբերող որոշումների կայացման գործընթացներում։
Որևէ կուսակցության հետ համագործակցելու ցանկություն չունեմ. Մարությանը փակագծեր է բացել
Երիցյանը հավելել է, որ հավատարիմ է մնացել իր սկզբունքներին և 2018-ի հեղափոխության արժեքներին: Նա շնորհակալություն է հայտնում Երևանի քաղաքապետ Հայկ Մարությանին մայրաքաղաքի նկատմամբ հոգատարության, համատեղ աշխատանքի և հայաստանյան քաղաքական մշակույթին այդքան խորթ ազնվության և սկզբունքայնության համար:
Դավիթ Խաժակյան - Sputnik Արմենիա, 1920, 17.12.2021
«Լուսավոր Հայաստանը» չի միանա Հայկ Մարությանին անվստահություն հայտնելու նախաձեռնությանը
Հիշեցնենք` Երևանի ավագանու «Իմ քայլը» խմբակցությունը քաղաքապետ Հայկ Մարությանին անվստահություն հայտնելու գործընթաց է սկսել: Նախնական տվյալներով` 39 ստորագրություն արդեն կա։ Գործընթաց սկսելու համար 33 ստորագրություն է անհրաժեշտ։
Դեկտեմբերի 13–ին «Հայկական ժամանակը» գրել էր` տեղեկություններ են շրջանառվում, որ պատերազմի ավարտից հետո Հայկ Մարությանը Սեյրան Օհանյանի միջնորդությամբ հանդիպել է Ռոբերտ Քոչարյանի հետ: Ազգային ժողովի «Հայաստան» խմբակցության պատգամավոր Արամ Վարդևանյանը հերքել էր այդ լուրը։ Նա նշել էր, որ տպագրված նյութի հասցեատերը «Հայաստան» դաշինքը չէ։ Պատգամավորը վստահեցրել էր, որ Երևանի քաղաքապետի գործողությունների վերաբերյալ գնահատականներում դրականն էլ կա, բացասականն էլ։
Իսկ դեկտեմբերի 16-ին Երևանի ավագանու «Իմ քայլը» խմբակցությունը տարածել է հայտարարություն, որում ասվում է, որ խմբակցությունը նախաձեռնել է քաղաքապետ Հայկ Մարությանին անվստահություն հայտնելու գործընթաց: Երևանի քաղաքապետի պաշտոնում դաշինքն առաջադրել է գործող առաջին փոխքաղաքապետ Հրաչյա Սարգսյանի թեկնածությունը:
Լրահոս
0