Սահմանամերձ համայնքներում խախտում արձանագրելը քաղաքական գործունեություն չէ. ՄԻՊ-ի թեկնածու

© Photo : official site of the Ministry of Justice of RAԱրդարադատության նախարարի առաջին տեղակալ, ՄԻՊ թեկնածու Քրիստիննե Գրիգորյան
Արդարադատության նախարարի առաջին տեղակալ, ՄԻՊ թեկնածու Քրիստիննե Գրիգորյան - Sputnik Արմենիա, 1920, 17.12.2021
Արդարադատության նախարարի առաջին տեղակալ, ՄԻՊ թեկնածու Քրիստիննե Գրիգորյան. Արխիվային լուսանկար
Բաժանորդագրվեք
Քրիստինե Գրիգորյանը կարծում է, որ սահմանամերձ համայնքներում իրավունքների խախտման դեպքերի վերաբերյալ Արման Թաթոյանը շատ հստակ է արտահայտվել։
ԵՐԵՎԱՆ, 17 դեկտեմբերի – Sputnik. ՀՀ մարդու իրավունքների պաշտպանի թեկնածու Քրիստինե Գրիգորյանը սահմանամերձ համայնքների հետ կապված իրավիճակի գնահատման ՀՀ ՄԻՊ Արման Թաթոյանի հայտարարությունները և աշխատանքը չի համարում քաղաքական գործունեություն։ ԱԺ–ում լրագրողների հետ ճեպազրույցում նման կարծիք հայտնեց Գրիգորյանը` պատասխանելով հարցին, թե իշխող խմբակցության նման ի՞նքն էլ է կարծում, որ Թաթոյանի հայտարարությունները քաղաքական բնույթ են կրում։
Թաթոյանը ՀՀ նախագահին է ներկայացրել սահմանի փաստահավաք աշխատանքների արդյունքները
Հայտնել էինք, որ ԱԽ քարտուղար Արմեն Գրիգորյանն իր հարցազրույցներից մեկում ասել էր` Թաթոյանի հայտարարությունները քաղաքական բնույթի են, և մի քանի ամիս անց իրենք իրենց ՄԻ պաշտպանի թեկնածուին կհայտարարեն։ Դրան ի պատասխան Թաթոյանը դիմել է կոռուպցիայի կանխարգելման հանձնաժողով` ասելով, որ Գրիգորյանը գերազանցել է իր լիազորությունները։
«Արման Թաթոյանը կարևոր առաքելություն է իրականացրել և իրականացնում` ներառյալ սահմանամերձ համայնքներում մարդկանց հումանիտար իրավունքների, խախտումների արձանագրումը։ Ստեղծված իրավունք խախտող ռիսկերի վերաբերյալ Թաթոյանը շատ հստակ է արտահայտվել, և վստահ եմ, որ ներկայացրել է կոնկրետ առաջարկներ ՏԻՄ–ներին, իշխանության մարմիններին։ Չեմ համարում, որ սա քաղաքական գործունեություն է»,–ասաց Գրիգորյանը։
Замминистра юстиции Армении Кристине Григорян на внеочередном заседании парламента (27 октября 2020). Еревaн - Sputnik Արմենիա, 1920, 17.12.2021
Հիշեցին Հարությունյանին, Ալավերդյանին. ՄԻՊ թեկնածուի քննարկումն ընթանում է թեժ մթնոլորտում
Նրա խոսքով` մարդու իրավունքների խախտումներն արձանագրելը չեն կարող լինել քաղաքական բնույթի, այլ բան է, որ որոշ խմբերի, ԶԼՄ–ների կողմից կարող են այդպես ներկայացվել։
Լրագրողների նկատառմանը, թե ստացվում է` Արմեն Գրիգորյանի հայտարարությունները տեղին չէին` ՄԻ պաշտպանի թեկնածուն նշեց, որ վստահ չէ, թե ԱԽ քարտուղարի հայտարարությունը վերաբերել է կոնկրետ սահմանամերձ համայնքների մասին Թաթոյանի արձանագրածներին։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала