https://arm.sputniknews.ru/20211219/baqun-hajtnel-e-vor-hajastanin-e-handznel-gerevarvats-10-zintsarajvoghneri--36663068.html

Բաքուն հայտնել է, որ Հայաստանին է հանձնել գերեվարված 10 զինծառայողների

Բաքուն հայտնել է, որ Հայաստանին է հանձնել գերեվարված 10 զինծառայողների

Sputnik Արմենիա

ԵՐԵՎԱՆ, 19 դեկտեմբերի - Sputnik. Ադրբեջանը հայտնում է, որ Եվրամիության միջնորդությամբ այսօր Հայաստանին է հանձնել 10 զինծառայողների։ Նրանք գերի էին ընկել... 19.12.2021, Sputnik Արմենիա

2021-12-19T10:27+0400

2021-12-19T10:27+0400

2021-12-19T11:16+0400

հայ գերիներ, անհետ կորածներ

ադրբեջան

եվրամիություն

https://cdn.am.sputniknews.ru/img/07e5/07/15/28375975_0:84:1601:984_1920x0_80_0_0_99001183d9b18a35cad0a1a760e4e3c2.jpg

ԵՐԵՎԱՆ, 19 դեկտեմբերի - Sputnik. Ադրբեջանը հայտնում է, որ Եվրամիության միջնորդությամբ այսօր Հայաստանին է հանձնել 10 զինծառայողների։ Նրանք գերի էին ընկել նոյեմբերի 16-ին։Այս մասին տեղեկացնում է Sputnik Ադրբեջանը՝ հղում անելով Ադրբեջանի Գերիների, անհետ կորածների ու պատանդների պետական հանձնաժողովին։Հիշեցնենք՝ դեկտեմբերի 15-ին Բրյուսելում կայացել էր Հայաստանի վարչապետ Նիկոլ Փաշինյանի, Եվրոպական խորհրդի նախագահ Շառլ Միշելի և Ադրբեջանի Հանրապետության նախագահ Իլհամ Ալիևի եռակողմ հանդիպումը։ Հաջորդ օրը կրկին Բրյուսելում հանդիպել էին Նիկոլ Փաշինյանը, Ֆրանսիայի նախագահ Էմանուել Մակրոնն ու Իլհամ Ալիևը։ ՀՀ ՄԻՊ–ն ու ՄԱԿ-ի ներկայացուցիչը քննարկել են Բաքվում պահվող հայ գերիների վերադարձի հարցըՀավելենք՝ դեկտեմբերի 4-ին Հայաստան էին վերադարձել նոյեմբերի 16-ին գերեվարված ևս 10 զինծառայողներ։Նոյեմբերի 16–ին` ժամը 13։00-ի սահմանում, ադրբեջանական ԶՈւ ստորաբաժանումները հերթական սադրանքն էին նախաձեռնել ՀՀ արևելյան սահմանագոտու ուղղությամբ՝ գնդակոծության ենթարկելով հայկական դիրքերը։ Դրանից հետո տեղային մարտեր էին սկսվել։ Նոյեմբերի 16–ին` ժամը 22։30–ի սահմանում, ռուսական կողմի միջնորդությամբ կրակը դադարեցվել էր։Նոյեմբերի 17-ին ՀՀ ՊՆ–ն հայտնեց, որ նոյեմբերի 16–ի էսկալացիայի հետևանքով թշնամին ունի մինչև 70 զոհված և վիրավոր, հայկական կողմից կա 1 զոհ, 13 գերի։ Եվս 24 զինծառայողի հետ կապը մարտական գործողությունների ընթացքում կորել է, և նրանց ճակատագիրն այս պահին անհայտ է։Նոյեմբերի 23-ին ՀՀ վարչապետ Նիկոլ Փաշինյանը հայտարարեց, որ չճշտված տվյալներով` ունենք 6 հաստատված զոհ, 24+8 գերեվարված։Նույն օրը ՌԴ հարավային ռազմական օկրուգի հրամանատարի տեղակալ, գեներալ-լեյտենանտ Ռուստամ Մուրադովի միջնորդությամբ, հատուկ չվերթով Բաքվից Երևան տեղափոխվեց նոյեմբերի 16-ի ադրբեջանական սադրանքի հետևանքով ծավալված մարտերի մասնակից Տարոն Ջիվանի Սահակյանի մարմինը։

https://arm.sputniknews.ru/20211213/gerineri-veraberjal-hajtararutjunnery-karogh-en-azdecutjun-unenal-eghishe-kirakvosjan--36410055.html

ադրբեջան

2021

Լուրեր

am_HY

հայ գերիներ, անհետ կորածներ, ադրբեջան, եվրամիություն