«Մենք չենք ուզում գնալ նույն ճանապարհով». Փաշինյանը` ԼՂ հակամարտության կարգավորման մասին

Նիկոլ Փաշինյան - Sputnik Արմենիա, 1920, 20.12.2021
Նիկոլ Փաշինյան. Արխիվային լուսանկար
Բաժանորդագրվեք
Yandex newsTelegram
Փաշինյանն ընդգծել է, որ քաղաքական գործընթացների ճշգրիտ ապահովման համար Ազգային անվտանգության ծառայության մարմինների փորձագիտական, պրոֆեսիոնալ օժանդակության և աջակցության կարիքը կա:
ԵՐԵՎԱՆ, 20 դեկտեմբերի – Sputnik. ՀՀ վարչապետ Նիկոլ Փաշինյանն այսօր Ազգային անվտանգության մարմինների աշխատողի օրվան նվիրված հանդիսավոր նիստին անդրադարձել է նաև Լեռնային Ղարաբաղի հակամարտությանը` պատասխանելով պնդումներին, թե հակամարտությունը պիտի և կարող էր լուծվել այսպես: Հայտնում են կառավարության մամուլի ծառայությունից։

«Թող լուծվեր: Իսկ ինչո՞ւ չի լուծվել: Եթե կարող էր և պիտի լուծվեր այդպես, ինչո՞ւ չի լուծվել: Արդեն շատ երկար ժամանակ՝ ավելի քան 20 տարի, Հայաստանի Հանրապետությունը ներգրավված է այդ գործընթացի մեջ: Մենք անընդհատ լսել ենք քաղաքական հայտարարություններ, իսկ երբ վերադարձել ենք և հասանելիություն ենք ստացել բանակցային բովանդակությանը, տեսել ենք, որ շատ դեպքերում Հայաստանում հնչող քաղաքական հայտարարությունները կապ չունեն այն բովանդակության հետ, որը ձևավորվում էր բանակցային սեղանի շուրջ»,–ասել է նա:

Փաշինյանը նշել է, որ իրենք չեն ուզում գնալ նույն ճանապարհով, այլ ուզում ենք փակ խորհրդակցություններում, հրապարակային ելույթներում և բանակցային սեղանի շուրջ խոսել նույն բովանդակության շրջանակում:
«Ես չեմ ասում, որ դռնփակ և դռնբաց հանդիպումները պետք է բովանդակությամբ լինեն 100 տոկոս նույնական: Ես նկատի ունեմ ուղղությունները, որովհետև ցանկացած խոսակցություն՝ առավել ևս անվտանգությանը վերաբերող, ունի գաղտնիության բազմաթիվ շերտեր: Բայց ես ասում եմ, որ մեր քաղաքականությունը հետևյալն է. մենք չենք ուզում ներսում ասել մի բան, դրսում խոսել այլ բան, հետո ընկնել ներսի և դրսի խոսացածների տարբերության արդյունքում առաջացած թակարդների մեջ»,–ասել է ՀՀ վարչապետը:
Փաշինյանն ընդգծել է, որ քաղաքական գործընթացների ճշգրիտ ապահովման համար ունեն Ազգային անվտանգության ծառայության մարմինների փորձագիտական, պրոֆեսիոնալ օժանդակության և աջակցության կարիքը:
Այսօրվա դրությամբ Ղարաբաղյան հակամարտությունը լուծված չէ. ՀԱՊԿ նախկին գլխավոր քարտուղար
Նա նշել է, որ մեր խնդիրն է ամրապնդել Հայաստանի Հանրապետությունը, ամրապնդել մեր պետականությունը, մեր ինքնիշխանությունը, մեր անկախությունը, մեր տարածքային ամբողջականությունը, ապահովել Արցախի լինելիությունը, Արցախի ժողովրդի իրավունքների լիարժեք պաշտպանությունը, հասնել Լեռնային Ղարաբաղի հիմնախնդրի կարգավորմանը, Արցախի ընդունելի կարգավիճակի միջազգայնորեն ճանաչմանը:
Լրահոս
0