https://arm.sputniknews.ru/20211221/nikvol-pashinjann-asel-e-erb-kverakangnvi-hajastanadrbejan-erkatughin-36720170.html
Նիկոլ Փաշինյանն ասել է` երբ կվերականգնվի Հայաստան–Ադրբեջան երկաթուղին
Նիկոլ Փաշինյանն ասել է` երբ կվերականգնվի Հայաստան–Ադրբեջան երկաթուղին
Sputnik Արմենիա
Վրաստան կատարած այցի ընթացքում ՀՀ վարչապետը խոսել է Ադրբեջանի հետ ավտոմոբիլային հաղորդակցության վերականգնման մասին։ 21.12.2021, Sputnik Արմենիա
2021-12-21T13:43+0400
2021-12-21T13:43+0400
2021-12-21T13:46+0400
հայաստան
նիկոլ փաշինյան
ադրբեջան
https://cdn.am.sputniknews.ru/img/07e5/0b/18/35683742_0:0:1600:901_1920x0_80_0_0_0357883e0c148a9458bed89202c52092.jpg
ԵՐԵՎԱՆ, 21 դեկտեմբերի – Sputnik. Հայաստանի և Վրաստանի միջև տնտեսական համագործակցության միջկառավարական հանձնաժողովի 11-րդ նիստում ՀՀ վարչապետ Նիկոլ Փաշինյանն անդրադարձել է տարածաշրջանային երթուղիների ապաշրջափակման ու նոր լոգիստիկ կարողությունների զարգացման թեմային։Ինչպես հայտնում են ՀՀ վարչապետի աշխատակազմից, Փաշինյանն ընդգծել է, որ Պարսից ծոց-Սև ծով երթուղու երկու նախագիծ կա` ավտոմոբիլային ու երկաթուղային: Ավտոմոբիլային երթուղու զարգացման ուղղությամբ, նրա խոսքով, Հայաստանը կառուցում է Հյուսիս-հարավ ճանապարհը` հայ-վրացական սահմանից մինչև հայ– իրանական սահման։«Ընդ որում` ուզում եմ ձեր ուշադրությունը հրավիրել, որ եթե մեզ հաջողվի Հայաստան-Ադրբեջան ավտոմոբիլային հաղորդակցության վերաբերյալ համաձայնության գալ Ադրբեջանի հետ, այս նախագիծն էականորեն կփոխվի` դառնալով Հյուսիս-Հարավ, Արևելք-Արևմուտք երթուղի»,– ասել է Փաշինյանը` հավելելով, որ հարցը Ադրբեջանի նախագահի հետ քննարկվել է նոյեմբերի 26-ին Սոչիում Ռուսաստանի Դաշնության նախագահ Վլադիմիր Պուտինի և դեկտեմբերի 14-ին Բրյուսելում ԵՄ խորհրդի նախագահ Շառլ Միշելի միջնորդությամբ տեղի ունեցած հանդիպումների ժամանակ։Ինչ վերաբերում է երկաթուղային հաղորդակցությանը, ՀՀ վարչապետն ասել է, որ դրա վերականգնման շուրջ Ադրբեջանի նախագահի հետ արդեն իսկ սկզբունքային պայմանավորվածություն է ձեռք բերվել:Փաշինյանը հերքել է տարածված փորձագիտական այն դիրքորոշումը, թե այդ նախագծի իրականացումը կարող է շահեկան չլինել Վրաստանի համար։«Պիտի կտրականապես չհամաձայնվեմ այդ դիրքորոշման հետ, որովհետև եթե Ջուլֆայով բացվի Հայաստան-Նախիջևան-Իրանի Իսլամական Հանրապետություն երկաթուղին, կունենանք Պարսից ծոց-Սև ծով ամենաարդյունավետ և օպտիմալ երկաթուղային հաղորդակցությունը, և այդ երկաթուղին կանցնի Իրանի, Ադրբեջանի, Հայաստանի, Վրաստանի տարածքով` դառնալով ոչ միայն տնտեսական զարգացման, այլև տարածաշրջանային անվտանգության կարևորագույն գործոն»,– ասել է Փաշինյանը։Հիշեցնենք` Երևանն ու Բաքուն պայմանավորվել են վերականգնվել Հայաստանի, Նախիջևանի և Ադրբեջանի միջև Երասխ-Ջուլֆա–Մեղրի–Հորադիզ երկաթգծի աշխատանքը։ Դեռևս Սոչիում ձեռք բերված պայմանավորվածությունն ամրապնդվել էր Բրյուսելում։ Դա հաստատել էին թե՛ Նիկոլ Փաշինյանը, թե՛ Իլհամ Ալիևը։ՀՀ վարչապետի խոսքով` երկաթգիծը գործելու է սահմանային և մաքսային ընդունված կանոնների համաձայն՝ փոխադարձության սկզբունքով, երկրների ինքնիշխանության և իրավազորության ներքո։Արդյունքում Հայաստանը երկաթուղով հասանելիություն կստանա դեպի Իրան և Ռուսաստան, իսկ Ադրբեջանը` Նախիջևան։ Բացի այդ, եթե հաջողվի պայմանավորվածություն ձեռք բերել Թուրքիայի հետ սահմանների և հաղորդակցությունների բացման մասին, ապա կգործի նաև Գյումրի–Կարս երկաթգիծը։ՀՀ էկոնոմիկայի նախարար Վահան Քերոբյանը հայտարարել էր, որ Երասխ–Հորադիզ երկաթգիծը կարող է ավելի քան 1 մլրդ դոլարի ներդրում պահանջել։
https://arm.sputniknews.ru/20211218/hh-taratsqum-hskvoghutjan-harc-chi-qnnarkvum-pvokhvarchapety-eraskh-hvoradiz-erkatughu-masin-36631225.html
ադրբեջան
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, նիկոլ փաշինյան, ադրբեջան
հայաստան, նիկոլ փաշինյան, ադրբեջան
Նիկոլ Փաշինյանն ասել է` երբ կվերականգնվի Հայաստան–Ադրբեջան երկաթուղին
13:43 21.12.2021 (Թարմացված է: 13:46 21.12.2021) Վրաստան կատարած այցի ընթացքում ՀՀ վարչապետը խոսել է Ադրբեջանի հետ ավտոմոբիլային հաղորդակցության վերականգնման մասին։
ԵՐԵՎԱՆ, 21 դեկտեմբերի – Sputnik. Հայաստանի և Վրաստանի միջև տնտեսական համագործակցության միջկառավարական հանձնաժողովի 11-րդ նիստում ՀՀ վարչապետ Նիկոլ Փաշինյանն անդրադարձել է տարածաշրջանային երթուղիների ապաշրջափակման ու նոր լոգիստիկ կարողությունների զարգացման թեմային։
Ինչպես հայտնում են
ՀՀ վարչապետի աշխատակազմից, Փաշինյանն ընդգծել է, որ Պարսից ծոց-Սև ծով երթուղու երկու նախագիծ կա` ավտոմոբիլային ու երկաթուղային: Ավտոմոբիլային երթուղու զարգացման ուղղությամբ, նրա խոսքով,
Հայաստանը կառուցում է Հյուսիս-հարավ ճանապարհը` հայ-վրացական սահմանից մինչև հայ– իրանական սահման։
«Ընդ որում` ուզում եմ ձեր ուշադրությունը հրավիրել, որ եթե մեզ հաջողվի Հայաստան-Ադրբեջան ավտոմոբիլային հաղորդակցության վերաբերյալ համաձայնության գալ Ադրբեջանի հետ, այս նախագիծն էականորեն կփոխվի` դառնալով Հյուսիս-Հարավ, Արևելք-Արևմուտք երթուղի»,– ասել է Փաշինյանը` հավելելով, որ հարցը Ադրբեջանի նախագահի հետ քննարկվել է նոյեմբերի 26-ին Սոչիում Ռուսաստանի Դաշնության նախագահ Վլադիմիր Պուտինի և դեկտեմբերի 14-ին Բրյուսելում ԵՄ խորհրդի նախագահ Շառլ Միշելի միջնորդությամբ տեղի ունեցած հանդիպումների ժամանակ։
Ինչ վերաբերում է երկաթուղային հաղորդակցությանը, ՀՀ վարչապետն ասել է, որ դրա վերականգնման շուրջ Ադրբեջանի նախագահի հետ արդեն իսկ սկզբունքային պայմանավորվածություն է ձեռք բերվել:
«Խոսքը Երասխ-Ջուլֆա-Օրդուբադ-Մեղրի-Հորադիզ երկաթուղու վերականգնման մասին է, և հույս ունենք այդ աշխատանքն ավարտել առաջիկա 2-3 տարվա ընթացքում: Իհարկե, պետք է աշխատել, որ մեր պայմանավորվածություններն ինչպես կան, հստակ արձանագրվեն»,– ասել է նա:
Փաշինյանը հերքել է տարածված փորձագիտական այն դիրքորոշումը, թե այդ նախագծի իրականացումը կարող է շահեկան չլինել Վրաստանի համար։
«Պիտի կտրականապես չհամաձայնվեմ այդ դիրքորոշման հետ, որովհետև եթե Ջուլֆայով բացվի Հայաստան-Նախիջևան-Իրանի Իսլամական Հանրապետություն երկաթուղին, կունենանք Պարսից ծոց-Սև ծով ամենաարդյունավետ և օպտիմալ երկաթուղային հաղորդակցությունը, և այդ երկաթուղին կանցնի Իրանի, Ադրբեջանի, Հայաստանի, Վրաստանի տարածքով` դառնալով ոչ միայն տնտեսական զարգացման, այլև տարածաշրջանային անվտանգության կարևորագույն գործոն»,– ասել է Փաշինյանը։
18 դեկտեմբերի 2021, 14:42
Հիշեցնենք` Երևանն ու Բաքուն պայմանավորվել են վերականգնվել Հայաստանի, Նախիջևանի և Ադրբեջանի միջև Երասխ-Ջուլֆա–Մեղրի–Հորադիզ երկաթգծի աշխատանքը։ Դեռևս Սոչիում ձեռք բերված պայմանավորվածությունն ամրապնդվել էր Բրյուսելում։ Դա հաստատել էին թե՛ Նիկոլ Փաշինյանը, թե՛ Իլհամ Ալիևը։
ՀՀ վարչապետի խոսքով` երկաթգիծը գործելու է սահմանային և մաքսային ընդունված կանոնների համաձայն՝ փոխադարձության սկզբունքով, երկրների ինքնիշխանության և իրավազորության ներքո։
Արդյունքում Հայաստանը երկաթուղով հասանելիություն կստանա դեպի Իրան և Ռուսաստան, իսկ Ադրբեջանը` Նախիջևան։ Բացի այդ, եթե հաջողվի պայմանավորվածություն ձեռք բերել Թուրքիայի հետ սահմանների և հաղորդակցությունների բացման մասին, ապա կգործի նաև Գյումրի–Կարս երկաթգիծը։
ՀՀ էկոնոմիկայի նախարար
Վահան Քերոբյանը հայտարարել էր, որ Երասխ–Հորադիզ երկաթգիծը կարող է ավելի քան 1 մլրդ դոլարի ներդրում պահանջել։
