Արմեն Գրիգորյանն ընդունել է ՀԱՊԿ գլխավոր քարտուղարին

© Photo : Facebook / ՀՀ Անվտանգության խորհուրդ / Security Council of ArmeniaԱրմեն Գրիգորյանն ընդունել է ՀԱՊԿ գլխավոր քարտուղարին
Արմեն Գրիգորյանն ընդունել է ՀԱՊԿ գլխավոր քարտուղարին - Sputnik Արմենիա, 1920, 22.12.2021
Արմեն Գրիգորյանն ընդունել է ՀԱՊԿ գլխավոր քարտուղարին
Բաժանորդագրվեք
ԱԽ քարտուղարը ներկայացրել է հայ-ադրբեջանական սահմանին տիրող իրավիճակը։
ԵՐԵՎԱՆ, 22 դեկտեմբերի – Sputnik. ԱԽ քարտուղար Արմեն Գրիգորյանն այսօր հանդիպել է Հավաքական անվտանգության պայմանագրի կազմակերպության գլխավոր քարտուղար Ստանիսլավ Զասին։ Տեղեկությունը հայտնում է ԱԽ մամուլի ծառայությունը։

«Հանդիպման ընթացքում կողմերը քննարկել են ՀԱՊԿ-ում Հայաստանի նախագահության ժամանակաշրջանում իրականացվելիք ծրագրերը: Այս համատեքստում առաջնային է համարվել ՀԱՊԿ անդամ պետությունների համատեղ գործունեությունը ահաբեկչության, ծայրահեղականության, միգրացիոն անվտանգության, կենսաբանական անվտանգության, թմրանյութերի տարածման դեմ ուղղված քաղաքականության մշակման հարցերում»,– նշված է հաղորդագրության մեջ:

Զրուցակիցները մտքեր են փոխանակել հայ-ադրբեջանական, տաջիկ-ղրղզական, տաջիկ-աֆղանական սահմանների լարվածության թուլացմանը նպաստելու վերաբերյալ: Այստեղ ՀԱՊԿ գլխավոր քարտուղարը ընդգծել է աֆղանցի փախստականների կողմից դեպի ՀԱՊԿ անդամ պետությունների տարածքներ միգրացիոն հոսքերի հավանականության բարձրացումը՝ որակելով այն որպես միգրացիոն մարտահրավեր:
Գրիգորյանը ներկայացրել է հայ-ադրբեջանական սահմանին տիրող իրավիճակը` ընդգծելով, որ այն Հայաստանի համար առաջնային նշանակություն ունեցող մարտահրավեր է: Այս համատեքստում երկուստեք կարևորել են հայ-ադրբեջանական սահմանի սահմանագծման և սահմանազատման գործընթացի շուտափույթ սկսման պայմանների ապահովումը:
Նշենք, որ Զասը Հայաստան է ժամանել աշխատանքային այցով։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала