Սրանք հիշողություններ են, որոնք ես միշտ կփայփայեմ. Արոնյանը շնորհավորել է հանգուցյալ կնոջը

© Sputnik / Asatur YesayantsСвадьба Левона Ароняна и Арианы Каоли
Свадьба Левона Ароняна и Арианы Каоли - Sputnik Արմենիա, 1920, 22.12.2021
Բաժանորդագրվեք
Արոնյանը վերհիշել է, թե ինչպես էր Արիանան մեծ հաճույքով պլանավորում իր ծննդյան տոնը։
ԵՐԵՎԱՆ, 22 դեկտեմբերի – Sputnik. Հայաստանի առաջատար գրոսմայստեր Լևոն Արոնյանը Facebook–ի իր էջում հուզիչ գրառում է արել ու շնորհավորել հանգուցյալ կնոջ` Արիանա Կաոիլիի ծննդյան օրը։
Նշենք, 2020 թվականի մարտի 14-ին խոշոր ավտովթար էր տեղի ունեցել Երևանում: Արոնյանի կինը հիվանդանոցում օրեր շարունակ կյանքի համար պայքարելուց հետո մահացավ մարտի 31–ին։
«Սիրելի Արի, 7 տարի առաջ ես այս տեսահոլովակը քեզ համար նվեր էի պատրաստել։ Ես հավաքել էի մի քանի տոներից մեր միասին ապրած հիշողությունները։ Մենք միշտ միասին ենք անցկացրել ծննդյանդ օրը, հաճախ եղել են նաև մեր ընկերները»,–գրել է շախմատիստը։
Свадьба Левона Ароняна и Арианы Каоли - Sputnik Արմենիա, 1920, 30.09.2017
Լևոն Արոնյանի և Արիանա Կաոիլիի հավերժ սիրո երդումը
Արոնյանը վերհիշել է, թե ինչպես էր Արիանան մեծ հաճույքով պլանավորում իր ծննդյան տոնը։ Ամեն անգամ ցանկանում էր նորովի անցկացնել, մի նոր երկրում։
«Սրանք հիշողություններ են, որոնք ես միշտ կփայփայեմ: Ես, մեր ընտանիքները, մեր ընկերները և բոլոր նրանք, ովքեր սիրում էին քեզ, երբեք չեն հոգնել քեզնից ու չեն հոգնի։ Մենք սիրում ու կարոտում ենք քեզ: Ծնունդդ շնորհավոր»,–գրել է Արոնյանը։
Շախմատի աշխարհի գավաթակիր Լևոն Արոնյանն ու ֆիլիպինուհի Արիանա Կաոիլին ամուսնացել են 2017–ի սեպտեմբերի 30-ին։ Նրանց պսակադրության արարողությունը տեղի է ունեցել Սաղմոսավանքում։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала