Ադրբեջանը բողոքի նոտա է հղել Ֆրանսիային. Արցախ այցելած Պեկրեսին «սև ցուցակ» են գցել

© Sputnik / Murad OrujovԱդրբեջանի ԱԳՆ–ի շենքը
Ադրբեջանի ԱԳՆ–ի շենքը - Sputnik Արմենիա, 1920, 23.12.2021
Ադրբեջանի ԱԳՆ–ի շենքը
Բաժանորդագրվեք
Բաքվում հայտարարել են, որ ֆրանսիացի քաղաքական գործչի այցը Ստեփանակերտ` ուղղված է Ադրբեջանի ինքնիշխանության և տարածքային ամբողջականության դեմ:
ԵՐԵՎԱՆ, 23 դեկտեմբերի – Sputnik. Ադրբեջանը բողոքի նոտա է հղել Ֆրանսիային։ Պատճառը Հանրապետական կուսակցությունից Ֆրանսիայի նախագահի թեկնածու Վալերի Պեկրեսի այցն է Ստեփանակերտ։
Ավելի վաղ հայտնի էր դարձել, որ Ֆրանսիայի նախագահի թեկնածուն Երևանից մեկնել է Արցախի Հանրապետություն։

«Ադրբեջանում Ֆրանսիայի գործերի հավատարմատարը կանչվել է ԱԳՆ, որտեղ նրան բողոքի նոտա են հղել»,– հայտնում են ադրբեջանական ԶԼՄ–ները:

Բաքուն կարծում է, որ Պեկրեսի այցն ուղղված է Ադրբեջանի ինքնիշխանության և տարածքային ամբողջականության դեմ։
Այդ երկրի ԱԳՆ–ում նաև հայտարարել են, թե ադրբեջանի տարածքներ իբր անօրինական կերպով այցելած Ֆրանսիայի քաղաքացիների անունները ներառված են երկիր մուտք գործելու համար անցանկալի անձանց ցուցակում:
Ֆրանսիայի նախագահի թեկնածու Վալերի Պեկրեսը Հայաստանում - Sputnik Արմենիա, 1920, 21.12.2021
Կաթողիկոսը, ԱԺ նախագահն ու ԱԳ նախարարը ընդունել են Ֆրանսիայի նախագահի թեկնածու Պեկրեսին
Ելույթ ունենալով դեկտեմբերի 21-ին Երևանում կայացած մամուլի ասուլիսում Պեկրեսը հայտարարել է, որ վաստակել է հայերի աջակցությունը Իլ դը Ֆրանս տարածաշրջանի ղեկավարի պաշտոնում:
Նա ընդգծել է Ադրբեջանում պահվող բոլոր հայ գերիներին անհապաղ ազատ արձակելու անհրաժեշտությունը, ինչպես նաև հայտնել է Փարիզում Ֆրանսիայի նախագահի պաշտոնում ընտրվելու դեպքում Հայաստանին աջակցող միջազգային խորհրդաժողով կազմակերպելու մտադրության մասին:
Ավելի վաղ Հայաստանում էր Ֆրանսիայի նախագահի մեկ այլ թեկնածու՝ հայտնի գրող, լրագրող և հեռուստահաղորդավար Էրիկ Զեմուրը:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала