Ուսուցչի աշխատավարձը կարող է դառնալ 400,000 դրամ․ Անդրեասյան

© Sputnik / Armenuhi MkhoyanОдин из классов школы N25 города Гюмри
Один из классов школы N25 города Гюмри - Sputnik Արմենիա, 1920, 23.12.2021
Բաժանորդագրվեք
Yandex newsTelegram
ԿԳՄՍ փոխնախարար Ժաննա Անդրեասյանը հույս ունի, որ առաջիկայում իրենց առաջարկած ծրագիրը կյանքի կկոչվի, և ուսուցիչները կարող են գրավիչ աշխատավարձ ստանալ։
ԵՐԵՎԱՆ, 23 նոյեմբերի - Sputnik. Հայաստանում ուսուցչի աշխատանքը գրավիչ դարձնելու համար միայն հավելավճարի քաղաքականությունը բավարար չէ, շատ կարևոր է աշխատավարձային քաղաքականություն մշակել։ Լրագրողների հետ տարեվերջյան ասուլիսի ժամանակ հայտարարեց ԿԳՄՍ փոխնախարար Ժաննա Անդրեասյանը։
«Հանրակրթության մասին օրենքով նախատեսում ենք ատեստավորված ուսուցիչների համար սահմանել դրույքաչափի փոփոխություն, այսինքն՝ դրույքաչափը կբարձրանա։ Մենք կունենանք աշխատավարձի բարձրացում , բայց դա կվերաբերի ատեստավորված ուսուցիչներին (խոսքը կամավոր ատեստավորման մասին է)։ Դրույքաչափի փոփոխությունը կլինի էական։ Այժմ նվազագույն դրույքաչափը 108,800 դրամ է և մենք նպատակ ունենք այն հասցնել մինչև 200,000 դրամ, որի նկատմամբ նոր կկիրառվի հավելավճարը»,-ասաց փոխնախարարը։
Որոշ ուսուցիչների աշխատավարձը նոյեմբերից կբարձրանա. Դումանյանը ցուցանիշներ ներկայացրեց
Անդրեասյանի խոսքով՝ այս պահին ուսուցիչներն ունեն հնարավորություն կամավոր ատեստավորվելու և տարրակարգի միջոցով աշխատավարձը կրկնապատկելու։
«Սա նշանակում է, որ մաքսիմալ աշխատավարձի հնարավոր չափը կարող է դառնալ 400,000 դրամ»,-ասաց նա։
Անդրեասյանի խոսքով՝ դա իրենց առաջարկն է, և իրենք այդ ուղղությամբ հաշվարկներ են իրականացրել։ Փոխնախարարը հույս ունի, որ առաջիկայում այդ հարցերի շուրջ մանրամասն քննարկում կլինի։
Դպրոց (Սոթք) - Sputnik Արմենիա, 1920, 16.12.2021
Ուսուցիչները կես միլիոն դրամ աշխատավարձ կստանա՞ն. դրույքաչափը բարձրացնելու մտադրություն կա
2022 թվականի կամավոր ատեստավորման գործընթացում նախարարությունը մի քանի փոփոխություն կիրականացնի։ Նախ կփոփոխվի առաջադրանքների ծավալ - տրվող ժամանակ հարաբերակցությունը, որպեսզի ուսուցիչներն ավելի երկար մտածելու ժամանակ ունենան։ 2021 թվականի ատեստավորումն իրականացվել է միայն Երևանում, իսկ 2022-ին այն կանցկացվի նաև մարզերում։ Բացի այդ, թեստերի հետ կապված մասնագիտական խմբերը ստացել են մի շարք հարցեր, որոնք եկող տարի կվերանայվեն։
Նշենք, որ ուսուցչի կամավոր ատեստավորման շրջանակում առարկայական գիտելիքի ստուգմանն արդեն մասնակցել են 996 ուսուցիչներ. ատեստավորումն անցածների 47 տոկոսը 30-50 տոկոս հավելավճար կստանա:
Լրահոս
0