Փաշինյանն ասաց՝ երբ կլինի հայ–թուրքական երկխոսության գործընթացի շրջանակում 1-ին հանդիպումը

© Sputnik / Asatur YesayantsՀայ–թուրքական սահման
Հայ–թուրքական սահման - Sputnik Արմենիա, 1920, 24.12.2021
Հայ–թուրքական սահման
Բաժանորդագրվեք
Yandex newsTelegram
Հայաստանի վարչապետի խոսքով՝ հայ–թուրքական հարաբերությունների կարգավորման գործընթացում լավատեսության հիմք չկա, հիմա փորձում են հենց այդ հիմքը ստեղծել։
ԵՐԵՎԱՆ, 24 դեկտեմբերի – Sputnik. Հայաստանի համար ողջունելի քայլ կլինի հայ–թուրքական սահմանի, երկաթուղու, օդային հաղորդակցության բացումը։ Այսօր առցանց ասուլիսի ժամանակ ասաց ՀՀ վարչապետ Նիկոլ Փաշինյանը` անդրադառնալով Հայաստան-Թուրքիա երկխոսության գործընթացին ու հայկական շահերին։

«Բայց հասկանում ենք, որ այս խնդրի հետ բազմաթիվ նրբություններ կան, այն էմոցիոնալ վերաբերմունքի է արժանանում Հայաստանում։ Այդ իսկ պատճառով մենք աշխատում ենք չհիմնավորված լավատեսություն չարտահայտել, քանի որ լավատեսության հիմք չկա, բայց աշխատում ենք, որ այդ հիմքը ստեղծենք»,–֊ ասաց Փաշինյանը։

Պատասխանելով հարցին, թե երբ կլինի հայ–թուրքական երկխոսության գործընթացի առաջին հանդիպումը, վարչապետն ասաց, որ սա այն գործընթացը չէ, որ մեկ–երկու–երեք հանդիպումը կարող է հարց լուծել։
«Շատ երկար պրոցես է լինելու։ Օր դեռ նշանակված չէ։ Լինելու են բանագնացների թիմեր, որոնց կազմով զբաղվում է հիմա ԱԳՆ–ն։ Էրդողանի հետ հանդիպման մասին պայմանավորվածություններ չկան, բայց եթե Ռուբինյանի բանակցությունները թուրք գործընկերոջ հետ հաջողությամբ պսակվեն, անկասկած, դրանից հետո կլինեն բարձր և բարձր մակարդակի հանդիպումներ»,–ասաց Փաշինյանը։
Նիկոլ Փաշինյան - Sputnik Արմենիա, 1920, 24.12.2021
«Անպայման շփում կլինի». Փաշինյանը Սանկտ Պետերբուրգում կհանդիպի Ալիևին
Հիշեցնենք` Հայաստանի և Թուրքիայի միջև դիվանագիտական հարաբերություններ չկան. 2009 թվականին Ցյուրիխում երկու երկրների արտգործնախարարները դիվանագիտական հարաբերություններ հաստատելու մասին արձանագրություններ ստորագրեցին, սակայն այդ փաստաթղթերն այդպես էլ չվավերացվեցին։
Թուրքիայի արտգործնախարար Մևլութ Չավուշօղլուն դեկտեմբերի 13-ին հայտարարեց, որ Անկարան ու Երևանը հարաբերությունների կարգավորման համար հատուկ ներկայացուցիչներ կնշանակվեն։ Հաջորդ օրը Հայաստանի ԱԳՆ մամուլի խոսնակը հաստատեց այդ տեղեկությունը։
Հայտնի է, որ թուրքական կողմի ներկայացուցիչը կլինի ԱՄՆ-ում Թուրքիայի նախկին դեսպան Սերդար Քըլըչը, հայկական կողմինը` ԱԺ փոխնախագահ Ռուբեն Ռուբինյանը։
Լրահոս
0