https://arm.sputniknews.ru/20211227/petq-e-dzgtel-qvocharjany-hadrutn-u-shushin-veradardznelu-masin-36904852.html

Պետք է ձգտել. ՀՀ երկրորդ նախագահը` Հադրութն ու Շուշին վերադարձնելու մասին

Պետք է ձգտել. ՀՀ երկրորդ նախագահը` Հադրութն ու Շուշին վերադարձնելու մասին

Sputnik Արմենիա

Նպատակային ուղղությամբ քայլեր անելու դեպքում, Քոչարյանի համոզմամբ, դրանց գոնե մի մասը հնարավոր կլինի իրականացնել։ 27.12.2021, Sputnik Արմենիա

2021-12-27T13:19+0400

2021-12-27T13:19+0400

2021-12-27T14:44+0400

արցախ

ռոբերտ քոչարյան

ասուլիս

եռակողմ հայտարարություն

https://cdn.am.sputniknews.ru/img/1045/77/10457700_0:29:1000:592_1920x0_80_0_0_ad004e08e6e5fde43f06047ce2c977e0.jpg

ԵՐԵՎԱՆ, 27 դեկտեմբերի– Sputnik. Ինչ վատ բան կա, արդեն կատարված է։ Այսօր լրագրողների հետ հանդիպմանը հայտարարեց ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը` խոսելով նոյեմբերի 9-ի եռակողմ հայտարարության մասին։«Այդ փաստաթղթի բոլոր վատ կետերն արդեն կատարված են, և որևէ ողջամիտ մարդ չի գալու ու չի ասելու` չեղարկենք այդ փաստաթուղթը»,– ասաց նա` հավելելով, որ անկատար է մնում միայն Հայաստանին ամենաանհրաժեշտ կետը` գերիների վերադարձը։ ՀՀ–ն արցախցիներին կշարունակի աջակցել 2022-ի առաջին եռամսյակում. նախարարՀարցին, թե արդյո՞ք իշխանության գալու դեպքում ինքը քայլեր կանի Հադրութն ու Շուշին վերադարձնելու ուղղությամբ, Քոչարյանը պատասխանեց. «Այո, պետք է ձգտել գոնե ԼՂՀ–ի տարածքային ամբողջականությունը ինչ–որ տեղ վերականգնել։ Չեմ կարծում, թե դա հնարավոր է, բայց այդ ուղղությամբ քայլեր անելու դեպքում չեմ կարծում, որ դրանց գոնե մի մասը չիրականացվի»,– ասաց նա։Ինչ վերաբերում է իշխանության հասնելու հնարավորությանը, Քոչարյանը նշեց, որ առկա իրավիճակում իշխանության վարկանիշն աներկբայորեն անկում է ապրում ու իր համոզմամբ` դա վերականգնվող վարկանիշ չէ, մինչդեռ իրենց քաղաքական ուժի վարկանիշը, թեև որոշ անկում ապրել է, բայց իր բնորոշմամբ` վերականգնվող է։«Ընտրութուններից հետո ընդհանուր անկում կար, հետո բոլորի անկումը կանգնեց, իշխանության վարկանիշի անկումը շարունակվում է և գտնվում է ազատ անկման մեջ»,– ասաց նա։Ռոբերտ Քոչարյանը չթաքցրեց, որ «Հայաստան» դաշինքը նպատակն իշխանափոխությունն է, բայց և հայտարարեց. «Եթե հայտնի է որևէ մեկը, որ այդ գործն ավելի լավ կանի, քան մենք, պատրաստ եմ աջակցել իմ բոլոր հնարավորություներով»։Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։Հադրութն ու Շուշին օկուպացվել էին 44-օրյա պատերազմի ընթացքում՝ մինչ հրադադարի կնքումը։

https://arm.sputniknews.ru/20211227/gharabaghi-masin-asvel-e-mi-ban-vorin-chardzaganqel-ughghaki-hnaravvor-che-qvocharjan-36902103.html

2021

Լուրեր

am_HY

արցախ, ռոբերտ քոչարյան, ասուլիս, եռակողմ հայտարարություն