Գեղարքունիքի մարզի Լանջաղբյուր համայնքի ղեկավարին մեղադրանք է առաջադրվել. ՔԿ

© Sputnik / Andranik GhazaryanԱլեհավաքներ՝ շենքի տանիքին
Ալեհավաքներ՝ շենքի տանիքին - Sputnik Արմենիա, 1920, 28.12.2021
Բաժանորդագրվեք
Համայնքի ղեկավարը տեղեկացել է, որ երկու տարբեր ընկերություններ ցանկանում են համայնքի վարչական տարածքում ալեհավաք տեղակայել ու աճուրդով տարծքներ է վաճառել իր կնոջը։
ԵՐԵՎԱՆ, 28 դեկտեմբերի – Sputnik. Պաշտոնեական լիազորությունները չարաշահելու համար Գեղարքունիքի մարզի Լանջաղբյուր համայնքի ղեկավարին մեղադրանք է առաջադրվել։ Տեղեկությունը հայտնում են ՀՀ քննչական կոմիտեի մամուլի ծառայությունից։
Մասնավորապես ՀՀ քննչական կոմիտեի Գեղարքունիքի մարզային քննչական վարչությունում պարզվել են Լանջաղբյուր համայնքի ղեկավարի կողմից պաշտոնեական լիազորությունները չարաշահելու դեպքի հանգամանքները:
Նշվում է, որ համայնքի ղեկավարը տեղեկացել է, որ ՀՀ–ում գործող հեռահաղորդակցման ծառայություններ մատուցող երկու տարբեր ընկերություններ ցանկանում են համայնքի վարչական տարածքում ալեհավաք տեղակայել։
Человек, раздающий деньги - Sputnik Արմենիա, 1920, 13.12.2021
Ընտրակաշառքի նոր փաստեր են բացահայտել. ԲՀԿ–ական թեկնածուին մեղադրանք է առաջադրվել
Քանի որ ընկերություններին պետք էր կնքել հողի վարձակալության պայմանագիր, ուստի համայնքի ավագանու որոշումների հիման վրա՝ հասարակական կառուցապատման գործառնական նշանակություն ունեցող երկու հողամաս աճուրդով վաճառել է իր կնոջը: Վերջինս, ստանալով նշված հողամասերի սեփականության իրավունքի վկայականները, դրանք տվել է վարձակալության վերոնշյալ ընկերություններին՝ տարեկան 480000 և 720000 ՀՀ դրամ վարձավճարով:
Ձեռք բերված բավարար ապացույցների համակցությամբ՝ Լանջաղբյուր համայնքի ղեկավարին մեղադրանք է առաջադրվել՝ ՀՀ քրեական օրենսգրքի 308-րդ հոդվածի 2-րդ մասով (Պաշտոնեական լիազորությունները չարաշահելը ): Նրա նկատմամբ խափանման միջոց է ընտրվել չհեռանալու մասին ստորագրությունը: Նախաքննությունը շարունակվում է:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала