Միավորվել հանուն իշխանափոխության. Ազատագրական շարժումը կոչով դիմել է քաղաքական ուժերին

© Sputnik / Aram NersesyanԱրա Զոհրաբյան
Արա Զոհրաբյան - Sputnik Արմենիա, 1920, 28.12.2021
Արա Զոհրաբյան
Բաժանորդագրվեք
НовостиTelegram
Ազատագրական շարժման նախաձեռնողները հասկացել են, որ առանց այլ քաղաքական ուժերի աջակցության անհնար է իրավիճակ փոխել, ուստի բոլորին կոչ են անում մի կողմ թողնել տարաձայնությունները և միանալ իրենց։
ԵՐԵՎԱՆ, 27 դեկտեմբերի - Sputnik. Ազատագրական շարժման նախաձեռնող խումբը համախմբման կոչով դիմել է բոլոր ընդդիմադիր ուժերին, որոնք ձգտում են երկրում իշխանափոխություն իրականացնել։ Այսօր հրավիրած ասուլիսի ժամանակ շարժման առաջնորդները իշխանություններին քննադատեցին վարած քաղաքականության համար, մասնավորապես՝ Լեռնային Ղարաբաղի, սահմանազատման և սահմանագծման, ինչպես նաև Թուրքիայի հետ հարաբերությունների կարգավորման հարցում։
Նրանք պահանջում են վարչապետ Նիկոլ Փաշինյանի և նախագահ Արմեն Սարգսյանի հրաժարականները, որոնք, ըստ շարժման նախաձեռնող խմբի անդամների, երկիրը դեպի կործանում են տանում։ Ըստ շարժման ներկայացուցիչների` Փաշինյանի ու Սարգսյանի հրաժարականներից հետո պետք է անցկացվեն նոր ընտրություններ կամ ձևավորվի ժամանակավոր կառավարություն (նոր ընտրություններ կազմակերպելու համար)։

«Երկրորդ տարբերակը գոնե մեկ տարով ազգային համաձայնության անցումային կառավարություն ձևավորելն է»,- այսօր հրավիրված ասուլիսի ժամանակ ասաց Ազատագրական շարժման ներկայացուցիչ, Փաստաբանների պալատի նախկին նախագահ Արա Զոհրաբյանը։

Նրա խոսքով` ժամանակավոր կառավարության անդամներն իրենց ջանքերը պետք է մեկտեղեն Հայաստանի և Լեռնային Ղարաբաղի ինքնիշխանության պահպանման, Հայոց ցեղասպանության միջազգային ճանաչման, հայկական բանակի հզորացման, Հայ առաքելական եկեղեցու արժեքների պահպանման, ինչպես նաև կոռուպցիայի դեմ պայքարի ուղղությամբ։
Զոհրաբյանը նշեց` շարժման հիմնադիրներն իրենց նպատակներին հասնելու համար պատրաստ են համագործակցել քաղաքական բոլոր ուժերի հետ։
© Sputnik / Aram NersesyanԱզատագրական շարժման առաջնորդների մամուլի ասուլիս (28 դեկտեմբերի, 2021թ). Երևան
«Ազատագրական շարժման» առաջնորդների մամուլի ասուլիս (28 դեկտեմբերի, 2021թ). Երևան - Sputnik Արմենիա, 1920, 28.12.2021
Ազատագրական շարժման առաջնորդների մամուլի ասուլիս (28 դեկտեմբերի, 2021թ). Երևան
«Արդյունքի հասնելու համար պետք է համախմբվել։ Հորդորում ենք մի կողմ թողնել բոլոր բարդույթները, տարաձայնությունները։ Մեր հայրենիքն ավելի թանկ է, քան ցանկացած հավակնություն»,- ընդգծեց նա։
Ինչ վերաբերում է փողոցային ակցիաներին, ապա շարժման ներկայացուցիչները դրանց անցկացումը ոչ տեղին են համարում ցուրտ եղանակի պատճառով։
Ազատագրական շարժումը մասնատվում է. Կարին Տոնոյանը հայտարարել է, որ կպայքարի առանձին
Հիշեցնենք, որ նոյեմբերի 22-ից քաղաքական և հասարակական մի խումբ կազմակերպություններ բողոքի ցույցեր ու երթեր անցկացրին` բողոքելով ղարաբաղյան հակամարտության կարգավորման և առհասարակ Ադրբեջանի հետ հարաբերությունների հարցում իշխանությունների վարած քաղաքականությունից։
Նրանք պահանջում էին հրապարակել այն փաստաթուղթը, որը պետք է ստորագրվեր Հայաստանի, Ռուսաստանի և Ադրբեջանի ղեկավարների եռակողմ հանդիպման ժամանակ։ Սոչիի բանակցություններից հետո շարժումը մտահոգություն հայտնեց փաստաթղթի մի շարք կետերի վերաբերյալ։ Նոյեմբերի վերջից Ազատագրական շարժումը որոշեց առանձին գործել։
Հարությունյան. «Ընդդիմադիր քաղաքական ուժերը 2020 –ի նոյեմբերի 9-ից հետո չեն կարողանում հանդես գալ մեկ ճակատով» - Sputnik Արմենիա, 1920, 30.11.2021
ՌԱԴԻՈ
Ազատագրական շարժումը հենց սկզբից շեղվեց իր հռչակած գաղափարներից. քաղաքագետ
Լրահոս
0