Փաշինյանի սպանության նախապատրաստման գործով Վանեցյանի դեմ քրեական հետապնդումը դադարեցվեց

© Photo / official site of the Prime minister of RAՆիկոլ Փաշինյանն ու Արթուր Վանեցյանը
Նիկոլ Փաշինյանն ու Արթուր Վանեցյանը - Sputnik Արմենիա, 1920, 28.12.2021
Նիկոլ Փաշինյանն ու Արթուր Վանեցյանը
Բաժանորդագրվեք
Վանեցյանի պաշտպանները նշում են, որ կայացված որոշմամբ փաստվել է` Նիկոլ Փաշինյանի սպանության նախապատրաստություն կամ իշխանության յուրացման նախապատրաստություն առկասարակ տեղի չի ունեցել։
ԵՐԵՎԱՆ, 28 դեկտեմբերի – Sputnik. ԱԱԾ քննչական դեպարտամենտում քննվող քրեական գործով դադարեցվել է նաև ԱԱԾ նախկին տնօրեն, «Հայրենիք» կուսակցության ղեկավար, ԱԺ պատգամավոր, «Պատիվ ունեմ» խմբակցության ղեկավար Արթուր Վանեցյանի քրեական հետապնդումը։ Նման հայտարարությամբ են հանդես եկել Վանեցյանի պաշտպաններ Լուսինե Սահակյանը և Երվանդ Վարոսյանը։
Աշոտ Մինասյան - Sputnik Արմենիա, 1920, 28.12.2021
ԱԱԾ-ում քննվող քրեական գործով դադարեցվել է Աշոտ Մինասյանի դեմ քրեական հետապնդումը
Հայտնել էինք, որ ՀՀ վարչապետի սպանության և իշխանության յուրացման նախապատրաստման դրվագներով, ինչպես նաև մի խումբ անձանց կողմից զենք և ռազմամթերք պահելու ծանր հանցագործությունների մասով դադարեցվել է նաև «Սիսական» ջոկատի լեգենդար հրամանատար, արցախյան 3 պատերազմների մասնակից Աշոտ Մինասյանի դեմ քրեական հետապնդումը։ Հենց այս գործով էր անցնում նաև Վանեցյանը։

«Վանեցյանի նկատմամբ քրեական հետապնդումը դադարեցվել է հանցակազմի բացակայության պատճառաբանությամբ։ Միաժամանակ վերացվել է նրա նկատմամբ ընտրված խափանման միջոցը։ Կայացված որոշմամբ փաստվել է, որ Նիկոլ Փաշինյանի սպանության նախապատրաստություն կամ իշխանության յուրացման նախապատրաստություն առասարակ տեղի չի ունեցել»,–նշված է Վանեցյանի պաշտպանների հայտարարության մեջ։

Միաժամանակ, պաշտպանները հիշեցնում են, որ այս քրեական հետապնդումը զուգորդվեց Վանեցյանի ձերբակալությամբ` այս ողջ ընթացքում Արթուր Վանեցյանի նկատմամբ կիրառված էր խափանման միջոց, սահմանափակված էր նրա սահմանային տեղաշարժը։
Արթուր Վանեցյան - Sputnik Արմենիա, 1920, 04.11.2021
Փաշինյանը մսխել է նախկին 3 նախագահների թողած ժառանգությունը․ Վանեցյան
Հիշեցնենք, որ Ազգային անվտանգության ծառայությունը մեղադրանք էր առաջադրել Հանրապետական կուսակցության անդամ Վահրամ Բաղդասարյանին, «Հայրենիք» կուսակցության ղեկավար Արթուր Վանեցյանին և «Սիսական» ջոկատի հրամանատար Աշոտ Մինասյանին։
ԱԱԾ-ն հաղորդել էր, որ հանցագործության նախապատրաստության փուլում կանխել է մի խումբ անձանց կողմից նախնական համաձայնությամբ Նիկոլ Փաշինյանի սպանության, բռնություն գործադրելու միջոցով ՀՀ կառավարության լիազորություններին տիրանալու, բացահայտել մի խումբ անձանց կողմից այդ նպատակով ապօրինի կերպով զենք, ռազմամթերք, պայթուցիկ նյութեր ձեռք բերելու, պահելու դեպքեր:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала