https://arm.sputniknews.ru/20211229/elektraenergiaji-sakagni-bardzracumy-steghtselu-e-svocialtntesakan-anvtangutjan-khndirner-37007232.html

Էլեկտրաէներգիայի սակագնի բարձրացումը ստեղծելու է սոցիալ–տնտեսական անվտանգության խնդիրներ

Էլեկտրաէներգիայի սակագնի բարձրացումը ստեղծելու է սոցիալ–տնտեսական անվտանգության խնդիրներ

Sputnik Արմենիա

Էներգետիկ անվտանգության ինստիտուտի տնօրեն Վահե Դավթյանը Sputnik Արմենիայի եթերում անդրադարձել է ընթացիկ տարում էլեկտրաէներգիայի արտադրության ծավալների նվազման... 29.12.2021, Sputnik Արմենիա

2021-12-29T18:11+0400

2021-12-29T18:11+0400

2021-12-29T18:11+0400

ռադիո

հայաստան

էլեկտրաէներգիա

թանկացում

գին

հայաստանի էլեկտրական ցանցեր (հէց)

պոդկաստ

https://cdn.am.sputniknews.ru/img/07e5/0c/1d/37002871_0:0:1101:619_1920x0_80_0_0_f082d2477e1430da46a0928eab3cc7f0.jpg

Էլեկտրաէներգիայի արտադրության ցուցանիշը լիովին տեղավորվում է մեր ընդհանուր մակրոտնտեսական իրավիճակի մեջ` վկայելով այն մասին, որ Հայաստանում գրեթե չի իրականացվում տնտեսական ռեալ կանխատեսման աշխատանք` կապակցված նաև էլեկտրաէներգիայի սպառման հետ։ Sputnik Արմենիայի հետ զրույցում այս մասին ասաց Էներգետիկ անվտանգության ինստիտուտի տնօրեն Վահե Դավթյանը։Դավթյանն ուշադրություն հրավիրեց նաև աշխարհատնտեսական գործոնի վրա, քանի որ խոսքը վերաբերում է արտահանման տիրույթում առկա որոշակի խնդիրներին, ըստ այդմ` մենք ավելի շատ ներկրում ենք էլեկտրաէներգիա, քան արտահանում, իսկ վերջին մեկ տարվա ընթացքում ընդհանրապես չենք արտահանել դեպի Վրաստան և արդեն այս տարվանից որոշ չափով դժվարացել է նաև իրանական ուղղությամբ արտահանման իրականացումը, քանի որ Իրանը որոշում կայացրեց սինխրոնիզացնել իր էներգետիկ համակարգն Ադրբեջանի և Ռուսաստանի հետ։Ըստ Դավթյանի` դա գեոռազմավարական մեծ ռիսկ է պարունակում Հայաստանի համար, քանի որ մեր երկիրը դուրս է մղվում Հյուսիս–Հարավ էներգետիկ միջանցքից։Անդրադառնալով ՀԾԿՀ–ի ընդունած որոշմանը, ըստ որի` Հայաստանում 2022թ.–ի փետրվարի 1–ից էլեկտրաէներգիայի սակագինը կբարձրանա միջինը 4,7 դրամով, Դավթյանն ընդգծեց, որ դա մեր էներգետիկ համակարգում առկա ճգնաժամի ուղիղ դրսևորումներից է և հատկապես ակներև է դառնում` հաշվի առնելով այն, որ փաստորեն մեկ տարվա ընթացքում կառավարությունը երկու անգամ բարձրացրեց էլեկտրաէներգիայի սակագինը։Ե՞րբ կմեղմվի գնաճը Հայաստանում. Քթոյանը` ապրանքների թանկացման ու «ճնշումների» մասին«Նույն «Գազպրոմ–Արմենիա» ընկերության ներքին եկամտաբերության ցուցանիշը պետությունը պարտավորվում է ապահովել 9 տոկոսի չափով, սակայն հաշվի առնելով էլեկտրաէներգիայի արտադրության, սպառման ու արտահանման բացասական միտումները, դա օրգանապես հնարավոր չի լինի անել, ուստի պետությունը պարզապես բյուջետային միջոցներից ստիպված է լինելու կոմպենսացնել ավելի քան 30 միլիոն դոլարը նշված ընկերության օպերացիոն գործունեությունն ապահովելու համար»,– նշեց Էներգետիկ անվտանգության ինստիտուտի տնօրենը։Դավթյանի գնահատմամբ` սա որպես բեռ է ձևավորվելու հասարակության ու տնտեսության վրա։Ըստ նրա` սակագնի բարձրացումը խնդիրներ է ստեղծելու սոցիալ–տնտեսական անվտանգության առումով. դա լուրջ խնդիր է հատկապես այն տնտեսվարողների համար, որոնք զբաղվում են վերամշակող արդյունաբերությամբ։Դավթյանի համոզմամբ` դա ակնհայտորեն ավելի է խորացնելու աղքատությունը Հայաստանում։Նշենք, որ Հայաստանում 2021 թվականի հունվար–նոյեմբեր ամիսների կտրվածքով արտադրվել է 6 միլիարդ 848,4 միլիոն կՎտ/ժ էլեկտրաէներգիա։Նախորդ տարվա նույն ժամանակահատվածում արտադրվել էր 6 միլիարդ 990,5 միլիոն կՎտ/ժ էլեկտրաէներգիա։Վիճակագրական տվյալների համաձայն` ՀՀ–ում նախորդ տարվա նույն ժամանակահատվածի (հունվար–նոյեմբեր) համեմատ` էլեկտրաէներգիայի արտադրության ծավալը նվազել է 3,8 տոկոսով։

https://arm.sputniknews.ru/20211224/kpakven-biznesner-kkrtshatven-ashkhatategher-parsjany-elektraenergiaji-tankacman-masin-36830300.html

https://arm.sputniknews.ru/20211202/sakagneri-hnaravvor-atshy-hajastani-energetikaji-volvortum-khvory-tshgnazhami-nshan-e-pvordzagetner-35979363.html

2021

Լուրեր

am_HY

հայաստան, էլեկտրաէներգիա, թանկացում, գին, հայաստանի էլեկտրական ցանցեր (հէց), պոդկաստ