https://arm.sputniknews.ru/20211229/qkn-zohvatsneri-nor-tiv-e-hajtnel-holandia-ugharkvats-masunqneric-5-n-anhajt-en-mnacel-36989645.html

ՔԿ–ն զոհվածների նոր թիվ է հայտնել. Հոլանդիա ուղարկված մասունքներից 5-ն անհայտ են մնացել

ՔԿ–ն զոհվածների նոր թիվ է հայտնել. Հոլանդիա ուղարկված մասունքներից 5-ն անհայտ են մնացել

Sputnik Արմենիա

Քննչական կոմիտեն պատասխանել է Sputnik Արմենիայի գրավոր հարցմանը` տրամադրելով նոր տվյալներ ինչպես պատերազմում զոհվածների թվի, այնպես էլ նույնականացված... 29.12.2021, Sputnik Արմենիա

2021-12-29T13:10+0400

2021-12-29T13:10+0400

2021-12-29T13:10+0400

հհ քննչական կոմիտե

զոհ

աճյուն

արցախյան պատերազմ

https://cdn.am.sputniknews.ru/img/07e5/08/12/28710361_0:0:1600:901_1920x0_80_0_0_e51fac0010000578633855369e6e25e6.jpg

ԵՐԵՎԱՆ, 28 դեկտեմբերի – Sputnik. Ադրբեջանի կողմից սանձազերծված ագրեսիվ պատերազմի հետևանքով, 2021թ դեկտեմբերի 24-ի դրությամբ, ՀՀ–ում և Արցախում զոհված զինծառայողների և քաղաքացիական անձանց ընդհանուր թիվը 3808 է: Sputnik Արմենիայի գրավոր հարցմանն ի պատասխան հայտնել են ՀՀ քննչական կոմիտեից։ Արցախում զոհված դերասան Հովհաննես Խոդերյանի աճյունը գտնվել էՆշենք, որ գրավոր հարցմամբ դիմել էինք ՔԿ` զինծառայողների աճյունների/մասունքների նույնականացման գործընթացի վերաբերյալ մանրամասներ ստանալու համար։ Ավելի վաղ առողջապահության նախարար Անահիտ Ավանեսյանն էլ հայտնել էր, որ զինվորների մասունքները, որոնք Հայաստանում նույնականացնել չէր ստացվում, ուղարկում են արտերկիր։ Ուստի ՔԿ–ից հետաքրքրվել ենք նաև, թե քանի՞ մասունք է ուղարկվել արտերկիր նույնականացման։«Ընթացիկ տարվա դեկտեմբերի 24-ի դրությամբ դատագենետիկական փորձաքննությամբ նույնականացվել է 1417 անձի մարմին/մասունք»,-նշվում է ՔԿ-ի պատասխանի մեջ։2021-ի օգոստոսի 16-ի դրությամբ Հոլանդիա է ուղարկվել թվով 53 բարդ փորձանմուշ՝ կրկնակի փորձաքննություն կատարելու նպատակով, որոնց պատասխանները ստացվել են: Նոյեմբերին ևս 47 փորձանմուշ է ուղարկվել, որոնցից 42 փորձանմուշից է ստացվել ԴՆԹ. 37-ը նույնականացվել են, իսկ 5-ը մնացել է անհայտ։Իսկ հարցին, թե ո՞ր երկրներ են ուղարկվում զինծառայողների մասունքները նույնականացման` քննչական կոմիտեն հայտնել է, որ միայն Հոլանդիա են ուղարկվել դրանք։ ՔԿ–ն, սակայն, հավելել է, որ նախաքննական գաղտնիք է պարունակում մեր հարցը, թե մինչ օրս քանի մասունք կա, որոնք դեռ չեն նույնականացվել։Հիշեցնենք, որ հոկտեմբերի 4–ին քննչական կոմիտեն հայտնել էր, որ պատերազմի հետևանքով Արցախում և ՀՀ-ում զոհված զինծառայողների և քաղաքացիական անձանց ընդհանուր թիվը 3788 է։

https://arm.sputniknews.ru/20210602/mayr-atory-xstaguyns-datapartele-zohvatsneri-ajyunneri-handep-verabermunqy-27782461.html

2021

Լուրեր

am_HY

հհ քննչական կոմիտե, զոհ, աճյուն, արցախյան պատերազմ