Վստահ քայլերով գնում եմ դեպի 2022-ը. Բուզովան շնորհավորել է Ամանորի կապակցությամբ

© Sputnik / Asatur YesayantsՕլգա Բուզովա
Օլգա Բուզովա - Sputnik Արմենիա, 1920, 31.12.2021
Օլգա Բուզովա. Արխիվային լուսանկար
Բաժանորդագրվեք
НовостиTelegram
Երգչուհին շեշտել է, որ անցնող տարում իր երգերի 3 ալբոմ է լույս տեսել, և ինքն անչափ երջանիկ է։
ԵՐԵՎԱՆ, 31 դեկտեմբերի – Sputnik. Ռուս հաղորդավարուհի, երգչուհի Օլգա Բուզովան Instagram-ի իր հետևորդներին շնորհավորել է գալիք Ամանորի կապակցությամբ։
Նա տեսանյութ է հրապարակել, որտեղ կարմիր երեկոյան զգեստ է կրում ու վստահ քայլերով առաջ շարժվում` դիմավորելու վագրի տարին։ Հաղորդավարուհին նշել է, որ 2022 թվականն իր տարին է։
Հետևորդները նույնպես շնորհավորել են նրան և հաճոյախոսություններ գրել. «Հիասքանչ ես», «Զգեստդ հիանալի է, շատ գեղեցիկ ես», «Բուզյակա, շնորհավոր Նոր տարի, երջանիկ եղիր», «Վտանգավոր համադրություն է, շիկահերը կարմիր զգեստով` պայթյունավտանգ խառնուրդ է», «Շնորհավոր գալիք տոներ»։
«Շնորհակալ եմ բոլորիդ, որ կողքիս եք եղել։ Այս տարի դժվար էր, սակայն միևնույն ժամանակ եղել են նաև թռիչքներ, հաղթանակներ։ Բոլոր անհաջողություններն ու ոչ հաճելի իրավիճակները պետք է թողնենք 2021 թվականում ու առաջ շարժվենք»,– story բաժնում նշել է Բուզովան` դիմելով իր հետևորդներին։
Երգչուհին շեշտել է, որ անցնող տարում իր երգերի 3 ալբոմ է լույս տեսել, և ինքն անչափ երջանիկ է այդ կապակցությամբ։ Նա նաև հայտնել է, որ այս տարի չի մեկնի ոչ մի երկիր` դիմավորելու Նոր տարին, քանի որ հունվարի 1-ին համերգի է մասնակցելու։
Արևելյան օրացույցի համաձայն՝ 2022 թվականը կլինի Կապույտ ջրային վագրի տարի, որի հիմնական խորհրդանիշներն են ջուրն ու ծառը:
Լրահոս
0