«Եռանկյունին», Սոսն ու ջութակի պատյանը. Աճեմյանի թատրոնի դերասանների նվերը կինոյի լեգենդին

© Sputnik / Asatur YesayantsՋութակի պատյան
Ջութակի պատյան - Sputnik Արմենիա, 1920, 04.01.2022
Ջութակի պատյան
Բաժանորդագրվեք
Sputnik Արմենիան իր նախագծի շրջանակում շարունակում է պատմել հայ մեծերի ստացած և տված նվերների մասին։ Տարիներ առաջ դերասան Սոս Սարգսյանը մի նվեր է ստացել, որ մահից մի քանի օր առաջ փոխանցել է թանգարանին։
ԵՐԵՎԱՆ, 5 հունվարի – Sputnik, Լիլիթ Դեմուրյան. Մեծ դերասան, հայ կինոյի լեգենդ Սոս Սարգսյանը տարիներ առաջ Գյումրու Վ. Աճեմյանի անվան պետական դրամատիկական թատրոնի դերասաններից նվեր է ստացել «Եռանկյունի» ֆիլմի ռեկվիզիտներից մեկը` ջութակի պատյանը։ Պատմությունը քչերին է հայտնի, և Sputnik Արմենիան ներկայացնում է այն։
© Sputnik / Asatur YesayantsԱճեմյանի անվան թատրոնի դերասանները ջութակի պատյանը նվիրում են Սոս Սարգսյանին
Артисты театра Ачемян дарят Сосу Саргсяну один из реквизитов фильма Треугольник - скрипичный футляр - Sputnik Արմենիա, 1920, 04.01.2022
Աճեմյանի անվան թատրոնի դերասանները ջութակի պատյանը նվիրում են Սոս Սարգսյանին
Սոս Սարգսյանն այդ նվերը ստացել է իր ծննդյան 70-ամյակի կապակցությամբ, իսկ իր մահից 20 օր առաջ իր հերթին նվիրել է Գրականության և արվեստի թանգարանին։
Կինոարվեստի բաժնի վարիչ Արփինե Ասլանյանը պատմում է, որ իրենց բաժինը Սոս Սարգսյանի հարուստ արխիվային նյութերով է համալրվել 2013 թվականին։
© Sputnik / Asatur YesayantsԿինոարվեստի բաժնի վարիչ Արփինե Ասլանյան
Сотрудник Музея литературы и искусства рассказывает корреспонденту Sputnik Армения историю дарения футляра для скрипки - Sputnik Արմենիա, 1920, 04.01.2022
Կինոարվեստի բաժնի վարիչ Արփինե Ասլանյան
«Այդ օրը ես նրանց տանն էի, ու Սոս Սարգսյանն ասաց, որ ինքը գիտակցում է, թե ում է տալիս իր նյութերը` նամակներ, ալբոմներ, լուսանկարներ, գրքեր, իրեն տված նվերներ և այլն։ Դրանցից մեկը «Եռանկյունի» ֆիլմի ռեկվիզիտներից է` ջութակի պատյանը։ Պատյանի վրա մակագրություն կա` «Մկոներից վարպետին. Աճեմյանցիներից»»,– նշեց Ասլանյանը` ավելացնելով, որ ջութակի պատյանում աքցան և մուրճ է դրված։
© Sputnik / Asatur YesayantsՋութակի պատյանը, որը Սոս Սարգսյանը նվիրել է թանգարանին
Подарок Соса Саргсяна - футляр для скрипки - Sputnik Արմենիա, 1920, 04.01.2022
Ջութակի պատյանը, որը Սոս Սարգսյանը նվիրել է թանգարանին
Դերասանները հենց «Եռանկյունու» ռեկվիզիտն են որոշել նվիրել Սոս Սարգսյանին, քանի որ այդ ֆիլմը, ինչպես ինքն էր ասում իր հարցազրույցներում, կարիերայի ընթացքում դարձել է ստեղծագործական բանալի։ Սոսը մշտապես հայտարարել է` «Եռանկյունու» շնորհիվ է սկսել սիրել կինոարվեստը և զգալ կինոն։
Ֆիլմում ջութակն ու պատյանը պատկանում էին 13-ամյա Հովհաննեսին, որը ներկայացնում է Լենինականում (Գյումրի) ապրող 5 դարբնի ընկերության պատմությունը: Պատանին երաժշտական դպրոց է հաճախում, ջութակի դասերի մասնակցում։ Դրվագներից մեկում դարբնոց մտնելիս Մկրտիչները նրան նվերներով են դիմավորում, որպեսզի վերջինս ջութակ նվագի։ Հովհաննեսն էլ դեռ լավ չէր նվագում, սակայն դարբինները նրան փորձում են խրախուսել, անցնում են այլ թեմայի, ապա սկսում երգել։
Եռանկյունին էլ դարբնոց էր, որտեղ աշխատում էին 5 Մկրտիչները։ Սոս Սարգսյանն այդ ֆիլում կատարել է վարպետ Մկրտչի դերը։
Հայ մեծ դերասան Սոս Սարգսյանի 10 արտահայտությունները
«Նվեր Երևանին» խորագրով ցուցահանդեսի այս մի մասնիկի` ջութակի պատյանի նվերի պատմությունից շատ բան մեզ չի հասել, սակայն սա ժառանգություն է, որը նվիրել է Հայաստանի մայրաքաղաքին անձամբ Սոս Սարգսյանը։
Հայտնի մարդկանց ստացած և տված նվերները ներկայացված են Երևանի Հյուսիսային պողոտայում գտնվող «Տաշիր սթրիթում», ցուցադրությունն էլ նվիրված է Գրականության և արվեստի թանգարանի 100-ամյակին։
Մարկոս Գրիգորյանին նվիրած Սերգեյ Փարաջանովի կարպետը. ներկայացված է «Տաշիր սթրիթ» գալերեայում` «Նվեր Երևանին» խորագրով ցուցադրությանը - Sputnik Արմենիա, 1920, 19.12.2021
Մի նվերի պատմություն կամ ինչո՞ւ է Փարաջանովը Մարկոս Գրիգորյանին թաքուն կարպետ ուղարկել
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала