Անօթևանները Փաշինյանից և նախարարից պահանջում են իրենց կողքին լինել. բողոքի ակցիա Երևանում

© Sputnik / Hovhannes ShoghikyanԲողոքի ակցիա
Բողոքի ակցիա - Sputnik Արմենիա, 1920, 05.01.2022
Բողոքի ակցիա. Արխիվային լուսանկար
Բաժանորդագրվեք
Անօթևանների կացարանը փակվել է, և բնակիչները պետք է տեղափոխվեն Հաղթանակ թաղամասում գտնվող թիվ 1 տուն–ինտերնատ։ Իրենք, սակայն, հրաժարվում են դուրս գալ Վարդաշենի կացարանից:
ԵՐԵՎԱՆ, 5 հունվարի – Sputnik. Երևանի Վարդաշեն 9-րդ փողոցում գտնվող անօթևանների կացարանի բնակիչները և աշխատակիցներն այսօր բողոքի ակցիա իրականացրի ՀՀ աշխատանքի և սոցիալական հարցերի նախարարության դիմաց։
Նրանք բողոքում են, քանի որ հունվարի 1-ից կացարանը փակվել է, բնակիչներն էլ պետք է տեղափոխվեն Հաղթանակ թաղամասում գտնվող թիվ 1 տուն–ինտերնատ։ Ակցիայի մասնակիցներն ընդգծում են, որ իրենք գոհ են իրենց կացարանում առկա պայմաններից, տնօրինությունից և չեն ցանկանում դուրս գալ այնտեղից։ Բնակիչները 93-ն են, իսկ աշխատակիցները մոտ 25 հոգի, ովքեր գործազուրկ կդառնան։

«Հաղթանակ թաղամասի տուն–ինտերնատում անմխիթար պայմաններ են։ Դիմում ենքպարոնՓաշինյանինևսոցապնախարարին, որպեսզիմերկողքինլինենուբարեկեցիկ պայմաններ ստեղծեն մեզ համար։ Այս անորոշությանը պետք է լուծվի։ Այս պայմաններում 93 հոգի տուժելու է»,– նշեց աշխատակիցներից մեկը։

Բնակիչներից մեկը` Արտաշը, նշեց, որ ինքը տեսել է, թե ինչ պայմաններ են Հաղթանակ թաղամասի այն շենքում, ուր ցանկանում են նրանց տեղափոխել ու ապշած է։
Նշենք, որ ՀՀ մարդու իրավունքների պաշտպան Արման Թաթոյանն ահազանգել էր, որ անօթևան մարդկանց կացարանի փոփոխությունը նախարարությունն իրականացնում է թերացումներով և առանց նախապես բնակության տարրական պայմաններ ստեղծելու։ Նա գրառմանը կից լուսանկարներ էր հրապարակել` ներկայացնելով անօթևաններին նախարարության առաջարկած կացարանի վիճակը։
Ակցիայի ընթացքում Կառավարական 3-րդ շենք էր մտնում Լոռու մարզպետ Արամ Խաչատրյանը, ում կացարանի բնակիչներն ու աշխատակիցները խնդրեցին անօթևանների հարցը քննարկել կառավարությունում։ Մարզպետը խոստացավ բարձրաձայնել նրանց խնդրանքը ԱՍՀ նախարար Նարեկ Մկրտչյանի մոտ։
Անօթևանների կացարանի բնակիչները ոչ մի պատասխան չստանալով Սոցապ նախարարությունից` գնացին կառավարության շենքի մոտ, որտեղ նույնպես նրանց ոչ ոք չմոտեցավ։
Столовая приюта для бездомных - Sputnik Արմենիա, 1920, 31.12.2021
Կենացներ` տանիքը կորցնելու վախի ներքո. ամենատխուր Նոր տարին` անօթևանների կացարանում
Հիշեցնենք` հունվարի 3-ին նույնպես Երևանի Վարդաշեն 9-րդ փողոցում գտնվող անօթևանների կացարանի բնակիչները բողոքի ակցիա էին իրականացնում աշխատանքի և սոցիալական հարցերի նախարարության դիմաց։ Նրանց խոսքով` հունվարի 1-ին կացարանը փակվել է, և բնակիչները պետք է տեղափոխվեն Հաղթանակ թաղամասում գտնվող թիվ 1 տուն–ինտերնատ։ Իրենք, սակայն, հրաժարվում են դուրս գալ Վարդաշենի կացարանից:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала