ԱՊՀ Հակաահաբեկչական կենտրոնը պատրաստ է օգնել Ղազախստանում սպառնալիքները չեզոքացնելու համար

© REUTERS / PAVEL MIKHEYEVՂազախստան
Ղազախստան - Sputnik Արմենիա, 1920, 06.01.2022
Ղազախստան
Բաժանորդագրվեք
НовостиTelegram
ԱՊՀ երկրների հակաահաբեկչական կենտրոնը Ղազախստանի վերաբերյալ հաղորդագրություն է տարածել։
ԵՐԵՎԱՆ, 6 հունվարի - Sputnik. ԱՊՀ մասնակից պետությունների Հակաահաբեկչական կենտրոնը մտահոգված է Ղազախստանում տիրող իրավիճակով։
«Հակաահաբեկչական կենտրոնը պատրաստ է համակողմանի աջակցություն և օգնություն ցուցաբերել Ղազախստանի իրավասու մարմիններին ահաբեկչական և ծայրահեղական բնույթի սպառնալիքների չեզոքացման ուղղությամբ», - ասված է կենտրոնի հաղորդագրության մեջ:
Полиция применила светошумовые гранаты и слезоточивый газ во время акции протеста против повышения цен на газ в Алма-Ате - Sputnik Արմենիա, 1920, 06.01.2022
Ղազախստանում անկարգությունների հետևանքով տուժած ՀՀ քաղաքացիներ չկան. ԱԳՆ
Հիշեցնենք` նոր տարվա առաջին օրերին Ղազախստանի Մանգիստաուի մարզի (նավթարդյունահանող տարածաշրջան երկրի արևմուտքում) Ժանաոզեն և Ակտաու քաղաքների բնակիչները դուրս էին եկել հանրահավաքների՝ բողոքելով հեղուկացված նավթային գազի գների կրկնակի աճից:
Ղազախստանի նախագահ Կասիմ-Ժոմարտ Տոկաևը հանձնարարել էր իրավիճակը քննարկելու համար կառավարական հանձնաժողով ձևավորել։ Հունվարի 4-ին նա իր տեսաուղերձում կոչ էր արել հայրենակիցներին խոհեմություն դրսևորել և չտրվել ներսի ու դրսի սադրանքներին։
Ավելի ուշ կառավարությունը հրաժարական տվեց, իսկ երկրի նախագահ Կասիմ Ժոմարտ–Տոկաևը վարչապետի պարտականությունների կատարումը ժամանակավորապես վստահեց Ալիխան Սմաիլովին։ Հունվարի 5-ից 19-ը Ղազախստանում արտակարգ դրություն է մտցվել:
ՀՀ վարչապետ Նիկոլ Փաշինյանը հունվարի 5-ին հայտարարեց, որ որպես ՀԱՊԿ Հավաքական անվտանգության խորհրդի նախագահ՝ անհապաղ խորհրդակցություններ է սկսում ՀԱՊԿ երկրների ղեկավարների հետ։ Մի քանի ժամ անց նա ֆեյսբուքյան իր էջում գրեց, որ իրավիճակի կայունացման ու կարգավորման նպատակով ՀԱՊԿ-ը հավաքական խաղաղապահ ուժեր կուղարկի Ղազախստան:
Խաղաղապահներ - Sputnik Արմենիա, 1920, 06.01.2022
Հայաստանը շուրջ 70 զինվորական է ուղարկել Ղազախստան
Լրահոս
0