https://arm.sputniknews.ru/20220107/ghazakhstanum-steghtsvats-vitshakn-aveli-tsanr-hetevanqneri-sparnaliq-e-parunakum-abrahamjan-37244917.html
Ղազախստանում ստեղծված վիճակն ավելի ծանր հետևանքների սպառնալիք է պարունակում. Աբրահամյան
Ղազախստանում ստեղծված վիճակն ավելի ծանր հետևանքների սպառնալիք է պարունակում. Աբրահամյան
Sputnik Արմենիա
Տիգրան Աբրահամյանը նշում է, որ մեծ թվով գործոններ, դերակատարներ դեռևս ամբողջությամբ ուրվագծված չեն, ուստի հաշվարկված չէ նաև դրա հնարավոր ազդեցությունը... 07.01.2022, Sputnik Արմենիա
2022-01-07T10:51+0400
2022-01-07T10:51+0400
2022-01-07T10:55+0400
ղազախստան
տարածաշրջան
հավաքական անվտանգության պայմանագիր կազմակերպություն (հապկ)
անվտանգության խորհուրդ
տիգրան աբրահամյան
անկարգություններ
https://cdn.am.sputniknews.ru/img/07e5/08/04/28551794_0:0:1600:901_1920x0_80_0_0_c51d408d36043d82144ec2f4f84134da.jpg
ԵՐԵՎԱՆ, 7 հունվարի – Sputnik. Մինչև հիմա ամբողջովին պարզ չէ, թե ինչ իրական հիմքեր կային Ղազախստանում նման իրադարձությունների ծավալման առումով, արդյոք սոցիալ-տնտեսական գործոնը դրա գլխավոր պատճառներից էր, թե այն զուտ կայծի գործոն էր։ Facebook–ի իր էջում նման գրառում է արել «Պատիվ ունեմ» խմբակցության պատգամավոր Տիգրան Աբրահամյանն, անդրադառնալով Ղազախստանում տիրող իրավիճակին։Աբրահամյանի խոսքով` չնայած որոշակի պարբերականությամբ տարբեր կայքեր, տելեգրամյան ալիքներ Ղազախստանում ընթացող իրադարձությունների ընթացքի վերաբերյալ տեղեկություններ են փոխանցում, սակայն զարգացումները խորքային իմաստով դեռ ամբողջական պատկեր չեն տալիս։Պատգամավորը նշում է, որ ՀԱՊԿ մեխանիզմների գործարկումը բավականին օպերատիվ էր, ինչը ցույց է տալիս, որ Ղազախստանում ստեղծված իրադրությունը կամ դրա պայթյունը՝ անկախ դրա դրդապատճառներից, եվրասիական տարածաշրջանում շատ ավելի ծանր հետևանքների սպառնալիք էր պարունակում։ Նա շեշտում է` մեծ թվով գործոններ, դերակատարներ դեռևս ամբողջությամբ ուրվագծված չեն, մեծ առումով հաշվարկված չէ նաև դրա հնարավոր ազդեցությունը տարածաշրջանում։ Սակայն, ըստ Աբրահամյանի, ակնհայտ է, որ խորքում թեժ օջախներ կան, որոնք կարճ ժամանակում մարել չի հաջողվի։Հիշեցնենք` Ղազախստանում բողոքի զանգվածային ցույցեր էին սկսվել 2022 թվականի հունվարի առաջին օրերին։Հունվարի 4–ին և 5-ին Ալմաթիում բախումներ էին տեղի ունեցել ցուցարարների և ուժայինների միջև։ Ոստիկանները կիրառել էին գազ և խլացուցիչ նռնակներ։Ամբողջ Ղազախստանում անջատվել է համացանցային կապը, ժամանակավորապես դադարեցվել է մի շարք հեռուստաալիքների հեռարձակումը։Հունվարի 5-ին Ղազախստանի նախագահ Կասիմ-Ժոմարտ Տոկաևը երկրում երկշաբաթյա արտակարգ դրություն է մտցրել։ Նա օգնության համար դիմել է Հավաքական անվտանգության պայմանագրի կազմակերպությանը։ՀԱՊԿ-ը իրավիճակը կայունացնելու համար խաղաղապահ զորախումբ է ուղարկել Ղազախստան, այդ թվում 70 զինծառայող կա Հայաստանից։Ղազախստանի ՆԳՆ հրապարակած տվյալներով` ներկա պահին անկարգությունների 26 մասնակից սպանվել է, շուրջ 3000–ը` ձերբակալվել բռնություններին մասնակցելու համար։
https://arm.sputniknews.ru/20220107/spanvel-e-ghazakhstani-azgajin-anvtangutjan-khvorhrdi-sahmanapah-tsarajutjan-akademiaji-pety-37244393.html
ղազախստան
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ղազախստան, տարածաշրջան , հավաքական անվտանգության պայմանագիր կազմակերպություն (հապկ), անվտանգության խորհուրդ, տիգրան աբրահամյան, անկարգություններ
ղազախստան, տարածաշրջան , հավաքական անվտանգության պայմանագիր կազմակերպություն (հապկ), անվտանգության խորհուրդ, տիգրան աբրահամյան, անկարգություններ
Ղազախստանում ստեղծված վիճակն ավելի ծանր հետևանքների սպառնալիք է պարունակում. Աբրահամյան
10:51 07.01.2022 (Թարմացված է: 10:55 07.01.2022) Տիգրան Աբրահամյանը նշում է, որ մեծ թվով գործոններ, դերակատարներ դեռևս ամբողջությամբ ուրվագծված չեն, ուստի հաշվարկված չէ նաև դրա հնարավոր ազդեցությունը տարածաշրջանում։
ԵՐԵՎԱՆ, 7 հունվարի – Sputnik. Մինչև հիմա ամբողջովին պարզ չէ, թե ինչ իրական հիմքեր կային Ղազախստանում նման իրադարձությունների ծավալման առումով, արդյոք սոցիալ-տնտեսական գործոնը դրա գլխավոր պատճառներից էր, թե այն զուտ կայծի գործոն էր։
Facebook–ի իր էջում նման գրառում է արել «Պատիվ ունեմ» խմբակցության պատգամավոր Տիգրան Աբրահամյանն, անդրադառնալով Ղազախստանում տիրող իրավիճակին։
«Ղազախստանում տեղի ունեցող իրադարձությունները պետք է դիտարկել տարածաշրջանային անվտանգության ամենալայն համատեքստում։ Եթե կա արտաքին ներգործություն, ապա ովքե՞ր են դրա մոդերատորները, որովհետև տարբեր աշխարհաքաղաքական կենտրոններից եկող ազդակները իրական շահագրգիռ կողմերին դեռ չեն բացահայտում»,–գրում է նա։
Աբրահամյանի խոսքով` չնայած որոշակի պարբերականությամբ տարբեր կայքեր, տելեգրամյան ալիքներ Ղազախստանում ընթացող իրադարձությունների ընթացքի վերաբերյալ տեղեկություններ են փոխանցում, սակայն զարգացումները խորքային իմաստով դեռ ամբողջական պատկեր չեն տալիս։
Պատգամավորը նշում է, որ ՀԱՊԿ մեխանիզմների գործարկումը բավականին օպերատիվ էր, ինչը ցույց է տալիս, որ Ղազախստանում ստեղծված իրադրությունը կամ դրա պայթյունը՝ անկախ դրա դրդապատճառներից, եվրասիական տարածաշրջանում շատ ավելի ծանր հետևանքների սպառնալիք էր պարունակում։
Նա շեշտում է` մեծ թվով գործոններ, դերակատարներ դեռևս ամբողջությամբ ուրվագծված չեն, մեծ առումով հաշվարկված չէ նաև դրա հնարավոր ազդեցությունը տարածաշրջանում։ Սակայն, ըստ Աբրահամյանի, ակնհայտ է, որ խորքում թեժ օջախներ կան, որոնք կարճ ժամանակում մարել չի հաջողվի։
Հիշեցնենք` Ղազախստանում
բողոքի զանգվածային ցույցեր էին սկսվել 2022 թվականի հունվարի առաջին օրերին։
Հունվարի 4–ին և 5-ին Ալմաթիում բախումներ էին տեղի ունեցել ցուցարարների և ուժայինների միջև։
Ոստիկանները կիրառել էին գազ և խլացուցիչ նռնակներ։
Ամբողջ Ղազախստանում
անջատվել է համացանցային կապը, ժամանակավորապես դադարեցվել է մի շարք հեռուստաալիքների հեռարձակումը։
Հունվարի 5-ին Ղազախստանի նախագահ Կասիմ-Ժոմարտ Տոկաևը երկրում երկշաբաթյա
արտակարգ դրություն է մտցրել։ Նա օգնության համար
դիմել է Հավաքական անվտանգության պայմանագրի կազմակերպությանը։
ՀԱՊԿ-ը իրավիճակը կայունացնելու համար
խաղաղապահ զորախումբ է ուղարկել Ղազախստան, այդ թվում
70 զինծառայող կա Հայաստանից։
Ղազախստանի ՆԳՆ հրապարակած տվյալներով` ներկա պահին անկարգությունների 26 մասնակից սպանվել է, շուրջ 3000–ը` ձերբակալվել բռնություններին մասնակցելու համար։
