Фон для радио  - Sputnik Արմենիա, 1920
ՌԱԴԻՈ

Ղազախական ճգնաժամն ու ԵԱՏՄ տնտեսությունը․ ի՞նչ է սպասվում իրավիճակի կայունացումից հետո

Արտադրության նվազում, ներդրումների պակաս. ինչ է սպասվում Ղազախստանի տնտեսությանը
Բաժանորդագրվեք
Տնտեսագետ Հրանտ Միքայելյանն անդրադարձել է Ղազախստանում ստեղծված իրավիճակով պայմանավորված տնտեսական ակտիվության ցուցանիշներին ու դրանց՝ ԵԱՏՄ տնտեսության վրա ունեցած հետևանքներին։
Ղազախստանում տեղի ունեցած զանգվածային անկարգությունների հետևանքով տնտեսական կորուստներն անխուսափելի են։ Իրավիճակի կայունացումից հետո տնտեսական աճի տեմպերը կդանդաղեն, հնարավոր է՝ նաև անկումից չհաջողվի խուսափել։ Sputnik Արմենիայի հետ զրույցում ասաց տնտեսագետ Հրանտ Միքայելյանը։
«Մարդկանց մոտ կայունության զգացողություն չի լինի, ներդրումները կպակասեն։ Ղազախստանի տնտեսությունը հավանաբար մի քանի տոկոսանոց տնտեսական կորուստ կունենա»,- ասաց նա։
Ղազախստանի տարածքում իրավիճակը կայունանում է և գտնվում է իշխանության վերահսկողության տակ
Ղազախական քաղաքներում տեղի ունեցած բախումները բացասաբար կազդեն նաև ԵԱՏՄ տնտեսության վրա։
Տնտեսագետի խոսքով՝ տարիներ շարունակ Ղազախստանը փորձում էր համագործակցել Մեծ Բրիտանիայի և Արևմտյան երկրների հետ, հիմա արդեն այդ ուղղությունները ոչ ամբողջությամբ, բայց շտկումների կենթարկվեն, և Ռուսաստանի դերը կաճի, իսկ այստեղ արդեն ամեն ինչ կախված է Ռուսաստան-Չինաստան հարաբերություններից։
«Եթե, օրինակ, ազատ առևտրի գոտի ստեղծվի, որի մասին տարիներ շարունակ խոսվում է, դա նշանակում է, որ Ռուսաստան-Չինաստան հարաբերությունների կթևակոխեն նոր փուլ և, եթե Չինաստանը դառնա ԵԱՏՄ անդամ, այդ դեպքում Ղազախստանի դերը շատ կարևոր է դառնում»,- հավելեց Միքայելյանը։
Ցուցարարները Ալմաթիում հանրահավաքի ժամանակ (5 հունվարի, 2022թ)․ Ղազախստան - Sputnik Արմենիա, 1920, 09.01.2022
Ղազախստանում 4 միլիարդատերեր մի քանի օրում «կտրուկ աղքատացել են»
Տնտեսագետը չի բացառում նաև Տաջիկստանի և Ուզբեկստանի հնարավոր անդամակցությունը ԵԱՏՄ-ին։
Ղազախստանում բողոքի զանգվածային ցույցեր էին սկսվել 2022 թվականի հունվարի առաջին օրերին։ Հունվարի 4–ին և 5-ին Ալմաթիում բախումներ էին տեղի ունեցել ցուցարարների և ուժայինների միջև։
Հունվարի 5-ին Ղազախստանի նախագահ Կասիմ-Ժոմարտ Տոկաևը երկրում երկշաբաթյա արտակարգ դրություն է մտցրել։ Նա օգնության համար դիմել է Հավաքական անվտանգության պայմանագրի կազմակերպությանը, որն այս տարի նախագահում է Հայաստանը։
ՀԱՊԿ-ը իրավիճակը կայունացնելու համար խաղաղապահ զորախումբ է ուղարկել Ղազախստան, որոնց թվում 100 զինծառայող կա Հայաստանից։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала