https://arm.sputniknews.ru/20220110/adrbejany-hradadari-rezhimy-khakhtel-e-naev-askerani-shrjanum-mijamtel-en-khaghaghapahnery-37365805.html

Ադրբեջանցիները կրակել են գյուղացիների ուղղությամբ, միջամտել են խաղաղապահները

Ադրբեջանցիները կրակել են գյուղացիների ուղղությամբ, միջամտել են խաղաղապահները

Sputnik Արմենիա

Ադրբեջանցիները շուրջ 15 րոպե տևողությամբ ինտենսիվ կրակ են բացել 4 քաղաքացիական անձանց ուղղությամբ։ 10.01.2022, Sputnik Արմենիա

2022-01-10T19:34+0400

2022-01-10T19:34+0400

2022-01-11T15:08+0400

արցախ

ադրբեջան

կրակոց

https://cdn.am.sputniknews.ru/img/07e6/01/0a/37365733_33:0:1313:720_1920x0_80_0_0_2418a1564748caab77d88a701cc1d4b6.jpg

ԵՐԵՎԱՆ, 10 հունվարի – Sputnik. Ադրբեջանն այսօր հրադադարի ռեժիմը խախտել է նաև Ասկերանի շրջանում։ Տեղեկությունը հայտնում է Արցախի ներքին գործերի ոստիկանությունը։«Ժամը 17:00-ին ոստիկանության Ասկերանի շրջանային բաժինը հաղորդում է ստացել, որ Նախիջևանիկ գյուղի տարածքում գտնվող նռան այգում 4 քաղաքացիական անձ տրակտորով գյուղատնտեսական աշխատանքներ են կատարել, երբ Ադրբեջանի զինված ուժերը հրաձգային տարբեր տեսակի զինատեսակներից շուրջ 15 րոպե տևողությամբ ինտենսիվ կրակ են բացել նրանց ուղղությամբ և թույլ չեն տվել, որ դուրս գան այգուց»,– նշված է հաղորդագրության մեջ:Կրակը դադարել է ռուս խաղաղապահների միջնորդությամբ, իսկ Արցախի քաղաքացիները տարհանվել են անվնաս։Մասնակի վնասվել է գյուղատնտեսական տեխնիկան։Հիշեցնենք, որ այսօր` հունվարի 10-ին, Ադրբեջանը կրակ էր բացել նաև Կարմիր շուկա համայնքի ուղղությամբ, մանկապարտեզի մոտ այրվել է ՈւԱԶ մակնիշի ավտոմեքենա։Հիշեցնենք` հունվարի 8–ին էլ ադրբեջանական զինուժը կրակոցներ էր արձակել Գեղարքունիքի մարզի Վերին Շորժա համայնքին կից սահմանների ուղղությամբ։

ադրբեջան

2022

Լուրեր

am_HY

արցախ, ադրբեջան, կրակոց