https://arm.sputniknews.ru/20220111/artashatum-vostikannern-aporini--zenq-zinamterq-en-hajtnaberel-37413633.html

Արտաշատում ոստիկաններն ապօրինի զենք-զինամթերք են հայտնաբերել

Արտաշատում ոստիկաններն ապօրինի զենք-զինամթերք են հայտնաբերել

Sputnik Արմենիա

Հայտնաբերված զինամթերքն առգրավվել և ուղարկվել է փորձաքննության։ Հանգամանքները պարզվում են։ 11.01.2022, Sputnik Արմենիա

2022-01-11T21:40+0400

2022-01-11T21:40+0400

2022-01-11T21:40+0400

հհ ոստիկանություն

արտաշատ

զենք

զինամթերք

https://cdn.am.sputniknews.ru/img/1765/55/17655569_0:0:1000:563_1920x0_80_0_0_a933d20b5e77a3004ce3c729ae4d5ce4.jpg

ԵՐԵՎԱՆ, 11 հունվարի – Sputnik. Արտաշատի Իսահակյան փողոցում բնակվող 64-ամյա մի տղամարդ տանն ապօրինի զենք-զինամթերք է պահել։ Ինչպես հայտնում է ոստիկանության մամուլի ծառայությունը, Արտաշատի բաժնի համայնքային ոստիկանության բաժանմունքում տեղեկությունը ստացվել է հունվարի 10-ի առավոտյան։Նույն օրը, ժամը 13.30-ի սահմաններում, ոստիկանության Արտաշատի բաժնի ծառայողները զննել են տղամարդու տունն ու օժանդակ շինությունները։ Զննության արդյունքում տան տարբեր հատվածներում հայտնաբերվել են «Ֆ-1» տիպի նռնակ՝ իր պայթուցիչով, և ինքնաձիգի փամփուշտներ, որոնք առգրավվել և ուղարկվել են փորձաքննության։Իսկ հունվարի 11-ին Արտաշատի քրեական հետախույզները տեղեկություններ ստացան, որ Ոստան գյուղում բնակվող 55-ամյա մի տղամարդ տանը ապօրինի զենք-զինամթերք է պահում։ Տան զննությամբ Արտաշատի ոստիկանները հայտնաբերել են «Կալաշնիկովի» ինքնաձիգ, ինքնաձիգի պահունակներ՝ լիցքավորված ընդհանուր 54 փամփուշտով, և ինքնաձիգի 5,45 մմ տրամաչափի 900-ից ավելի փամփուշտ։ Հայտնաբերվել է նաև առանց փաստաթղթերի գազային ատրճանակ։ Հայտնաբերվածն առգրավվել և ուղարկվել է փորձաքննության։ Հանգամանքները պարզվում են։

արտաշատ

2022

Լուրեր

am_HY

հհ ոստիկանություն, արտաշատ, զենք, զինամթերք