Մահացել է Ռազմիկ Դավոյանը

© Sputnik / Andranik GhazaryanՌազմիկ Դավոյան
Ռազմիկ Դավոյան - Sputnik Արմենիա, 1920, 11.01.2022
Ռազմիկ Դավոյան
Բաժանորդագրվեք
Yandex newsTelegram
Բանաստեղծի 82-ամյակը կլրանար հուլիսին։
ԵՐԵՎԱՆ, 11 հունվարի – Sputnik. Այսօր կյանքից հեռացել է բանաստեղծ Ռազմիկ Դավոյանը։ Տեղեկությունը Sputnik Արմենիային հայտնեց Գրողների միության նախագահ Էդվարդ Միլիտոնյանը։
Բանաստեղծը 82 տարեկան կդառնար այս տարվա հուլիսին։ Մահվան պատճառը դեռ հայտնի չէ։ Հուղարկավորությունը կազմակերպելու համար, ամենայն հավանականությամբ, կառավարական հանձնաժողով կստեղծվի։
Մահացել է Եվրախորհրդարանի գործող ղեկավար Դավիթ Սասոլին
Դավոյանը ծնվել է 1940թ. հուլիսի 3-ին Լոռու մարզի Մեծ Պարնի գյուղում։ 1957թ. Լենինականի «Բանվոր» թերթում տպագրվել է նրա առաջին բանաստեղծությունը, 1963թ.` առաջին ժողովածուն: 1958թ. տեղափոխվել է Երևան: 1985թ., 2003թ. և 2010թ. արժանացել է ՀՀ Պետական մրցանակի, 1998թ.՝ ՀՀ «Մեսրոպ Մաշտոց» շքանշանի, 2011թ.` Հայ առաքելական եկեղեցու «Սուրբ Սահակ-Սուրբ Մեսրոպ» մեդալի, 2010թ.՝ ՀՀ «Հայրենիքին մատուցած ծառայությունների համար» 1-ին աստիճանի մեդալի, 2015թ.՝ ՀՀ վարչապետի հուշամեդալի:
Լեոնիդ Կուրավլյովին ծանր վիճակում տեղափոխել են հիվանդանոց
Ռազմիկ Դավոյանը հեղինակել է «Ստվերների միջով» (Երևան, 1967 թ.), «Ռեքվիեմ» (Երևան, 1969 թ.), «Խաչերի ջարդը» (Բեյրութ, 1972 թ.), «Մեղրահաց» (Երևան, 1973 թ.), «Կեղևդ բաց արա» (Երևան, 1975 թ.), «Ինչ էր եղել» (Երևան, 1977 թ.), «Տաք սալեր» (Երևան, 1978 թ.), «Պոեմներ» (Երևան, 1980 թ.), «Պղնձե վարդ» (Երևան, 1983 թ.), «Թորոս Ռոսլին» (Նյու Յորք, 1984 թ.), «Բանաստեղծություններ» (Նյու Յորք, 1984 թ.), «Էպոս պատանության» (Երևան, 1984 թ.), «Տխուր փիղը» (Երևան, 1985 թ.), «Սահման» (Երևան, 1986 թ.), «Ընտիր երկեր» (Երևան, 1987 թ. ), «Քարե բարձ» (Երևան, 1989 թ.) և այլ ժողովածուներ:
Լրահոս
0