Զոհված ու անհետ կորած 16 զինվորի ընտանիքներ փոխհատուցում չեն ստացել. պատճառն օրենքի բացն է

© © Sputnik / Asatur YesayantsԶինվորական սաղավարտներ
Զինվորական սաղավարտներ - Sputnik Արմենիա, 1920, 11.01.2022
Բաժանորդագրվեք
ԱԺ «Քաղաքացիական պայմանագիր» խմբակցությունն առաջարկում է փոխել օրենքը` զինծառայողների քույր–եղբայրներին թույլ տալով օգտվել փոխհատուցման իրավունքից։
ԵՐԵՎԱՆ, 11 հունվարի – Sputnik. Արցախյան 44-օրյա պատերազմում զոհված կամ անհետ կորած 16 զինծառայողների հարազատներ զրկված են փոխհատուցում ստանալու իրավունքից։ Այս մասին այսօր ԱԺ պաշտպանության ու անվտանգության հարցերի մշտական հանձնաժողովի նիստում հայտնեց ԱԺ «Քաղաքացիական պայմանագիր» խմբակցության պատգամավոր Հայկ Սարգսյանը` պարզաբանելով, որ պատճառն օրենքի բացն է։
Զինծառայողներ - Sputnik Արմենիա, 1920, 23.12.2021
Պատերազմից հետո շահառուների կուտակումներ եղան. քանի զինվորի ընտանիք է փոխհատուցում ստացել
Նա նշեց, որ «Հայաստանի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» օրենքով նախատեսվում է, որ զոհված կամ անհետ կորած ճանաչված զինծառայողների մասով ստանում են փոխհատուցում և շահառու են հանդիսանում զինծառայողի կինը կամ ամուսինը, զավակներն ու ծնողները։

«Բայց ինձ հայտնի է դարձել 16 դեպք, ինձ մոտ կա ցուցակ, որ մենք ունենք զոհված կամ անհայտ ճանաչված զինծառայողներ, որոնք 18 տարեկան են եղել, ամուսնացած չեն եղել, հետևաբար չունեն կին ու զավակներ, նաև չունեն ծնողներ։ Այսինքն` նրանց ծառայության մեկնելու ժամանակ երկու ծնողներն էլ մահացած են եղել։ Մեր այս զինծառայողների մասով որևէ մեկը փոխհատուցում չի ստացել»,– ասաց պատգամավորը։

Օրենքի բացն ուղղելու համար Հայկ Սարգսյանը առաջարկում է օրենքում լրացում կատարել` նման դեպքերի համար սահմանելով, որ փոխհատուցում ստանալու իրավունք տրվի զինծառայողների հարազատ քույր–եղբայրներին։ Նախագծի հեղինակը հայտնեց, որ իր հիշտակած 16 դեպքերում էլ զինվորներն ունեն քույր–եղբայրներ։
Արցախում զոհվածների ու վիրավորվածների 1671 ընտանիքներ հիմնադրամից փոխհատուցում են ստացել
Հիշեցնենք, որ փոխհատուցումները տրամադրում է Զինծառայողների ապահովագրության հիմնադրամը` 10 մլն դրամ միանվագ և 20 տարի շարունակ` ամսական 300 000 դրամ։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала