Фон для радио  - Sputnik Արմենիա, 1920
ՌԱԴԻՈ

Պետք է հաշվի նստել իրողությունների հետ. տնտեսագետը` նոր Covid-սահմանափակումների մասին

ԱՆ նոր սահմանափակումները որքանով կհարվածեն Հայաստանում տուրիզմի զարգացմանը
Բաժանորդագրվեք
Հանրային քաղաքականության հետազոտությունների ազգային կենտրոնի փորձագետ, տնտեսագետ Արմեն Քթոյանը Sputnik Արմենիայի եթերում անդրադարձել է համավարակով պայմանավորված նոր սահմանափակումներին և դրանց ազդեցությանը զբոսաշրջության ոլորտի վրա։
Վերջին մեկուկես-երկու տարվա ընթացքում հակահամաճարակային միջոցառումների իրականացման որոշակի պրակտիկա է ձևավորվել։ Դրանից էլ բխում են այն քայլերը, որոնք կիրառվում են եվրոպական մի շարք երկրներում, ՌԴ-ում ու որոշակի անհարմարություններ ստեղծում։ Sputnik Արմենիայի հետ զրույցում այս մասին ասաց տնտեսագետ Արմեն Քթոյանը` պատասխանելով հարցին, թե առողջապահության նախարարի վերջին հրամանը որքանով կարող է ազդել Հայաստանում զբոսաշրջության ոլորտի զարգացման վրա։

«Ես կդժվարանամ կանխատեսել, թե որքանով այս ոլորտն անկում կապրի։ Եթե միայն այդ կարգի սահմանափակումներ կիրառեինք, կասեինք, որ բացասաբար է ազդում, բայց նոր շտամներ կան, որոնք իրենց հետ նոր ռիսկեր են բերում։ Դա տնտեսության համատարած լոքդաունն է` դրանից բխող տնտեսական ու սոցիալական բնույթի լրջագույն խնդիրներով»,-ասաց նա։

Քթոյանի կարծիքով` պետք է հաշվի նստել այդ իրողությունների հետ և հարմարվել սահմանափակումներին։
Այստեղ որպես մրցակից կամ հակառակորդ ոչ թե պետք է պետությանը կամ կարգավորող մարմնին դիտարկել, այլ վարակը, որն այս խնդիրների պատճառն է։
Ռոմելլա Աբովյան - Sputnik Արմենիա, 1920, 10.01.2022
Բխում են բոլորի շահերից. Ռոմելլա Աբովյանը` սպասվող սահմանափակումների մասին
Տնտեսագետն ուշադրություն է հրավիրում մեկ այլ իրողության վրա ևս. փորձը ցույց է տվել, որ համավարակի հետ կապված որոշումների մի մասը մնում են թղթի վրա։
Ոչ վաղ անցյալում սահմանափակումների մի այդպիսի փաթեթ էլ ներդրվեց հանրային տրանսպորտի, հանրային բաց տարածքներում դիմակներ դնելու մասով, բայց այդ սահմանափակումները ոչ բոլորն էին պահպանում։

«Քանի որ հանրության մեջ կա ինչ-որ առումով կոնսենսուս` այդ ամենը չպահպանելու առումով, ստացվում է, որ ոչինչ չի փոխվում, որովհետև դրանք ոչ ոք չի կատարում։ Եթե բոլորը հետևեն, այդ կարգի անհարմարություններ չեն լինի, բայց եթե մի մասը հետևի, մյուս մասը կարողանա դրանք շրջանցել` արդեն անհավասար վարքագծային իրավիճակներ են ստեղծվում` դրանից բխող որոշ խնդիրներով»,- հավելեց Քթոյանը։

Հիշեցնենք` 2022 թվականի հունվարի 22-ից, ՀՀ առողջապահության նախարարության որոշմամբ, հանրային սննդի օբյեկտներ, հյուրանոցներ, մարզադահլիճներ, գրադարաններ, թանգարաններ, թատրոններ, ինչպես նաև մշակութային գործունեություն իրականացնող այլ կազմակերպություններ մուտքը կթույլատրվի միայն ամբողջությամբ պատվաստված քաղաքացիներին կամ նրանց, ովքեր 72 ժամից ոչ ավելի կատարված ՊՇՌ թեստի բացասական արդյունքների մասին տեղեկանք կտրամադրեն:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала