ԱԷԿ-ում ֆինանսական խնդիրներ են առաջացել. փորձում են կանխել էլեկտրաէներգիայի նոր թանկացումը

© Sputnik / Aram NersesyanԱԷԿ
ԱԷԿ - Sputnik Արմենիա, 1920, 13.01.2022
ԱԷԿ. Արխիվային լուսանկար
Բաժանորդագրվեք
Ֆինանսական ճեղքվածքի ձևավորման վրա էական ազդեցություն են ունեցել նաև 2021թ. ընթացքում ատոմակայանի 141–օրյա կանգը, պատերազմի հետևանքով Արցախից էլեկտրաէներգիայի ներկրման դադարեցումը և այլն։
ԵՐԵՎԱՆ, 13 հունվարի – Sputnik. Հայկական ատոմակայանի աշխատանքում ֆինանսական լուրջ խնդիրներ են ծագել, որոնք կարող են հանգեցնել սպառողներին մատակարարվող էլեկտրաէներգիայի սակագնի թանկացման։
Այդ մասին կառավարությանը զգուշացրել է ՀՀ տարածքային կառավարման և ենթակառուցվածքների նախարարությունը։
Բանն այն է, որ Հանրային ծառայությունները կարգավորող հանձնաժողովի 2020 թվականի դեկտեմբերի 29-ի որոշմամբ հաստատված2021-2022թթ. ատոմակայանի էլեկտրաէներգիայի սակագնում10,187.17 մլն դրամով պակաս են հաշվարկվել 2-րդ էներգաբլոկի շահագործման ժամկետի երկարաձգման աշխատանքների համար ներգրավված վարկերի մարման և սպասարկման ծախսերը։ Արդյունքում` 2021-2022թթ. սակագնային տարում ատոմակայանում առաջանալու է ֆինանսական ճեղքվածք:

Ճեղքվածքի ձևավորման վրա էական ազդեցություն են ունեցել նաև 2021թ. ընթացքում ատոմակայանի 141–օրյա կանգը, պատերազմի հետևանքով Արցախից էլեկտրաէներգիայի ներկրման դադարեցումը, նշված ժամանակահատվածում ՀՀ դրամի արժեզրկումը, ՋԷԿ-երին վաճառվող բնական գազի սակագնի ավելացումը, միջուկային վառելիքի ծախսի ավելացումը։

Ֆինանսական խնդիրներից խուսափելու համար, ըստ հաշվարկների, ՀԱԷԿ–ում արտադրվող էլեկտրաէներգիայի սակագինը կարող է բարձրանալ 2.7 դրամ–ով, ինչն իր հերթին կազդի սպառողներին մատակարարվող էլեկտրաէներգիայի ընդհանուր սակագնի վրա։
Հնարավոր խնդիրներից խուսափելու ու ֆինանսական ճեղքվածքի մասնակի փոխհատուցման նպատակով ՀՀ կառավարությունն այսօր որոշում է կայացրել թույլատրել Հայկական ատոմակայանին 2021 թվականին ատոմակայանի վերագործարկման նպատակով հատկացրած գումարից 6 մլրդ դրամն ուղղել վարկերի մարման և սպասարկման ծախսերի փոխհատուցմանը։
Գազօջախ - Sputnik Արմենիա, 1920, 07.01.2022
Ապրիլի 1-ից գազը կարող է թանկանալ. ԶԼՄ
Հիշեցնենք` 2022թ–ին ՀՀ սպառողներին վաճառվող էլեկտրաէներգիայի սակագինն արդեն թանկացել է։ Փետրվարի 1-ից սպառողների համար սահմանվել են հետևյալ սակագները.
• ամսական մինչև 200 կՎտ/ժ սպառողների համար` գիշերայինը` 41.5 դրամ, ցերեկայինը` 31.5 դրամ,
• 201-400 կՎտ/ժ սպառողների համար` գիշերայինը` 43.5 դրամ, ցերեկայինը` 33.5 դրամ,
• 400 կՎտ/ժ–ից ավելի սպառողների համար` գիշերայինը` 45.5 դրամ, ցերեկայինը` 35.5 դրամ։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала